ଆନନ୍ଦପୁର, ୩୦/୦୪: ଆନନ୍ଦପୁର ଦେଇ ଯାଇଥିବା ୨୦ ନଂ ଜାତୀୟ ରାଜପଥର ତାଳ ଗାଁ ଛକ ନିକଟରେ ଟ୍ରକ୍ ସହ ବାଇକ୍ ମୁହାଁ ମୁହିଁ ଧକ୍କା ହୋଇଥିବା ସୂଚନା ମିଳିଛି । ଏହି ଦୁର୍ଘଟଣାରେ ବାଇକ୍ ଆରୋହୀ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି ।
ମୃତ ବାଇକ୍ ଆରୋହୀଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରିନାହିଁ । ଟ୍ରକ୍ ସହ ବାଡେଇ ହବା ପରେ ବାଇକରେ ନିଆଁଲାଗି ରାସ୍ତା ଉପରେ ବାଇକ୍ଟି ହୁତୁହୁତୁ ହୋଇ ଜଳିଯାଇଥିଲା । ଫଳରେ ଦିର୍ଘ ସମୟ ଧରି ସେହି ରାସ୍ତାରେ ଗାଡି ଗୁଡିକ ଅଟକି ରହିଥିଲା ।
ଖବରପାଇ ଘସିପୁରା ଅଗ୍ନିଶ୍ରମ ବିଭାଗ ଓ ପୋଲିସ୍ ପହଁଞ୍ଚିଥିଲା । ହେଲେ ବାଇକ୍ଟି ସମ୍ପୂର୍ଣ୍ଣ ଜଳିଯାଇଥିଲା । ଘସିପୁରା ପୋଲିସ୍ ମୃତଦେହ ଉଦ୍ଧାର କରି ଏକ ଆମ୍ବୁଲାନ୍ସ ସହାୟତାରେ ଆନନ୍ଦପୁର ଡାକ୍ତରଖାନାକୁ ପଠାଇଛି । ତେବେ ବାଇକ୍ ଆରୋହୀ ରଙ୍ଗ୍ ରୁଟ୍ରେ ଗାଡି ଚଳାଉଥିବାରୁ ଏହି ଦୁର୍ଘଟଣା ଘଟିଥିବା ଜଣାପଡିଛି ।