ନୂଆଦିଲ୍ଲୀ ୧୪।୧୨ : ରାହୁଲ ଗାନ୍ଧିଙ୍କ ସାଭରକର ବୟାନକୁ ନେଇ ରାଜନୀତିରେ ହଟଚମଟ ଦେଖାଦେଇଛି। ବିଶେଷ କରି ମରାଠି ରାଜନେତାମାନେ ପ୍ରତିକ୍ରିୟା ପ୍ରକାଶ କରିବାରେ ଲାଗିଲେଣି। ଦିଲ୍ଲୀ ରାମଲିଳା ମୈଦାନରେ ଶନିବାର ରାହୁଲ ଗାନ୍ଧି 'ଭାରତ ବଞ୍ଚାଅ' ରାଲିକୁ ସମ୍ବୋଧିତ କରି 'ମୁଁ ମରିଯିବି ହେଲେ କେବେ କ୍ଷମା ଯାଚନା କରିବି ନାହିଁ କାରଣ ମୁଁ ରାହୁଲ ସାଭରକର ନୁହଁ ରାହୁଲ ଗାନ୍ଧି' ବୋଲି କହିଥିଲେ।
wp:html/wp:htmlWe respect Pandit Nehru and Mahatma gandhi , you dont insult savarkar ,समझने वाले समझ गये है ...
— Sanjay Raut (@rautsanjay61) December 14, 2019
जय हिंद!!
ତେବେ ରାହୁଲଙ୍କ ଏଭଳି ବୟାନକୁ ନେଇ ମହାରାଷ୍ଟ୍ରରେ ମେଣ୍ଟ ସହଯୋଗୀ ଶିବସେନା ମୁହଁ ଖୋଲିଛି। ବରିଷ୍ଠ ଶିବସେନା ନେତା ସଞ୍ଜୟ ରାଉତ ଏକ ଟ୍ୱିଟ୍ ବାର୍ତ୍ତାରେ 'ସାଭରକର କେବଳ ମହାରାଷ୍ଟ୍ର ନୁହେଁ ସମଗ୍ର ଦେଶର' ବୋଲି ଉଲ୍ଳେଖ କରିଛନ୍ତି। ନେହେରୁ ଓ ଗାନ୍ଧିଙ୍କ ଭଳି ସାଭରକର ମଧ୍ୟ ଦେଶ ଲାଗି ତାଙ୍କ ପ୍ରାଣ ବଳି ଦେଇଥିଲେ। ଏଣୁ ସାଭରକରଙ୍କ ସମ୍ମାନ କରାଯିବା ଉଚିତ କାରଣ ମହାନାୟକଙ୍କ ସମ୍ମାନ କରାଯାଏ ବୋଲି ରାଉତ ଉଲ୍ଲେଖ କରିଛନ୍ତି।
wp:html/wp:htmlकाँग्रेस नेते राहुल गांधी यांचे विधान अतिशय निंदनीय आहे.
— Devendra Fadnavis (@Dev_Fadnavis) December 14, 2019
ते स्वातंत्र्यवीर सावरकरांच्या नखाची सुद्धा बरोबरी करू शकत नाही आणि स्वतःला 'गांधी' समजण्याची घोडचूक तर त्यांनी अजिबात करू नये!
केवळ आडनाव गांधी असल्याने कुणी 'गांधी' होत नाही, हे लक्षात ठेवले पाहिजे !
ସେପଟେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ ବିଜେପି ନେତା ଦେବେନ୍ଦ୍ର ଫଡନବୀଶ ରାହୁଲଙ୍କ ବୟାନକୁ ନେଇ ଅସନ୍ତୋଷ ପ୍ରକାଶ କରିଛନ୍ତି। ନିଜ ନାମରେ ସାଭରକର ଯୋଡି ରାହୁଲ ନିଜକୁ ନିଜେ ଅପମାନିତ କରିଥିବା କହିଛନ୍ତି ଫଡନବୀଶ। ସ୍ୱତନ୍ତ୍ରତା ସଂଗ୍ରାମୀ ସାଭରକରଙ୍କ ନଖକୁ ବି ରାହୁଲ ସରିହେବେନି ବୋଲି ଫଡନବୀଶ କହିଥିବା ବେଳେ ଏଥିଲାଗି ତାଙ୍କୁ ନିସର୍ତ୍ତ କ୍ଷମାଯାଚନା କରିବାକୁ ଦାବି କରିଛନ୍ତି।
