Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ଟ୍ରିପିଲ୍‌ ତଲାକ୍‌ ବିଲ୍‌ ନେଇ ଲୋକସଭାରେ ହଙ୍ଗାମା : ମୁସଲିମ୍ ପୁରୁଷଙ୍କ ପାଇଁ ୩ବର୍ଷ ଦଣ୍ଡବିଧାନ ଥିବାବେଳେ ଅନ୍ୟ ସଂପ୍ରଦାୟର ପୁରୁଷଙ୍କ ପାଇଁ କାହିଁକି ବର୍ଷେ ବୋଲି ପ୍ରଶ୍ନ କରିଛନ୍ତି ଓୱେସୀ

21/06/2019 at 5:47 PM

ନୂଆଦିଲ୍ଲୀ ୨୧/୬ : ଲୋକସଭାରେ ଆଗତ ହୋଇଛି ଟ୍ରିପଲ ତଲାକ ବିଲ୍ । କେନ୍ଦ୍ର ଆଇନ ମନ୍ତ୍ରୀ ରବିଶଙ୍କର ପ୍ରସାଦ ତିନି ତଲାକ ବିଲକୁ ଲୋକସଭାରେ ଉପସ୍ଥାପନ କରିଛନ୍ତି । ବିଲକୁ କଂଗ୍ରେସ ସହ AIMIM ବିରୋଧ କରିଛନ୍ତି । ବିଜେଡି ମତଦାନରୁ ବିରତ ରହିଛି ।  ପୂର୍ବର ଏନଡିଏ ସରକାର ସମୟରେ ଏହି ବିଲ୍‌ ଲୋକସଭାରେ ପାସ୍‌ ହୋଇ ରାଜ୍ୟ ସଭାରେ ଉପସ୍ଥାପିତ ହୋନଥିଲା । ନୂଆ ସରକାର ଆସିଥିବାରୁ ପୁଣି ଥରେ ଏହି ବିଲ୍‌କୁ ଲୋକସଭାରେ ଉପସ୍ଥାପନ କରାଯିବ କି ନାହିଁ ସେନେଇ ଆଜି ଗୃହରେ ଆଲୋଚନା ହୋଇଥିଲା ।

ପୁଣି ଟ୍ରିପିଲ୍‌ ତଲାକ୍‌ ବିଲ୍‌ ଲୋକସଭାରେ ଉପସ୍ଥାପିତ ।  ପ୍ରଥମେ ଏହି ବିଲ୍‌ ଲୋକସଭାରେ ଉପସ୍ଥାପିତ ହେବ କି ନାହିଁ ସେନେଇ ଗୃହରେ ଭୋଟିଂ କରାଯାଇଥିଲା । ଯାହାକୁ ସମର୍ଥନ କରିଥିଲେ ୧୫୬ ସଦସ୍ୟ, ବିରୋଧ କରିଥିଲେ ୭୪ ଜଣ । ଏହାପରେ ଗୃହରେ ବିଲ୍‌ ଉପସ୍ଥାପନ କରିବା ଲାଗି ବାଚସ୍ପତି ଓମ ବିର୍ଲ୍ଲା ଆଇନମନ୍ତ୍ରୀ ରବିଶଙ୍କର ପ୍ରସାଦଙ୍କୁ ଅନୁମତି ଦେଇଥିଲେ । (ଗୃହ ଭିତରର ଆମ୍ବିଆନ୍‌ସ) ଏହା ମହିଳାମାନଙ୍କ ଅଧିକାରର ପ୍ରଶ୍ନ । ଏହା ମହିଳାମାନଙ୍କୁ ସଶକ୍ତ କରିବ, ଏହି ବିଲ୍‌ ପାଇଁ ହିଁ ଆମେ ନିର୍ବାଚିତ ହୋଇଛୁ ବୋଲି ରବିଶଙ୍କର ପ୍ରସାଦ ଯୁକ୍ତି ରଖିଥିଲେ ।

ଏହି ବିବାଦୀୟ ବିଲ୍ ନେଇ ଲୋକସଭାରେ ହଙ୍ଗାମା ହୋଇଛି । ବିଲ୍‌କୁ ଗୃହରେ କଂଗ୍ରେସ ଏବଂ ଏଆଇଏମଆଇଏମ ସିଧା ବିରୋଧ କରିଥିଲେ ।  ଏହା ସଂବିଧାନର ଧାରା ୧୪ ଓ ୧୫କୁ ବିରୋଧ କରୁଛି ବୋଲି ଦର୍ଶାଇଥିଲେ । ମୁସଲିମ୍ ପୁରୁଷଙ୍କ ପାଇଁ ୩ବର୍ଷ ଜେଲ ଦଣ୍ଡବିଧାନ ଥିବା ବେଳେ ଅନ୍ୟ ସଂପ୍ରଦାୟର ପୁରୁଷଙ୍କ ପାଇଁ କାହିଁକି ୧ବର୍ଷ ଦଣ୍ଡବିଧାନ ରହିଛି ବୋଲି ଓୱେସୀ ପ୍ରଶ୍ନ କରିଛନ୍ତି ।

ସେହିପରି  ସ୍ବାମୀ ଜେଲରେ ରହିଲେ ପତ୍ନୀଙ୍କ ଭରଣପୋଷଣ କିଏ ବହନ କରିବ ବୋଲି ଓୱେସୀ ପ୍ରଶ୍ନ କରିଛନ୍ତି । ସେପଟେ ସମାଜବାଦୀ ପାର୍ଟି ନେତା ଆଜମ ଖାନ କହିଛନ୍ତି କୋରାନ ନିୟମାବଳୀକୁ ଦୃଷ୍ଟିରେ ରଖି ତାଙ୍କ ଦଳ ନିଷ୍ପତ୍ତି ନେଇଛି । ବିଜେଡି ଏହି ମତଦାନରୁ ଦୂରେଇ ରହିଥିଲା ।

ଷୋଡ଼ଶ ଲୋକସଭାର କାର୍ଯ୍ୟକାଳ ଶେଷ ହୋଇଥିବାରୁ ରାଜ୍ୟସଭାରେ ଅଟକି ରହିଥିବା ତିନି ତଲାକ ବିଲ୍ ନିଷ୍ପ୍ରଭ ହୋଇ ଯାଇଥିଲା । କାରଣ ଲୋକସଭାରୁ ପାରିତ ହୋଇ ରାଜ୍ୟସଭାରେ କୌଣସି ବିଲ୍ ଆଗତ ହୋଇ ନ ହୋଇଥିବା ବେଳେ ଯଦି ଲୋକସଭା ଭଙ୍ଗ ହୁଏ ତେବେ ସଂପୃକ୍ତ ବିଲ୍‌ ନିଷ୍ପଭ୍ର ହୋଇଯାଏ । ସେଥିପାଇଁ ଆଇନ ମନ୍ତ୍ରୀ ପୁଣି ଥରେ ବିଲ୍ ଆଗତ କରିଛନ୍ତି ।

ଲୋକସଭାରେ ସିନା ପାସ୍‌ ହୋଇଯିବ କିନ୍ତୁ ରାଜ୍ୟ ସଭାରେ ହିଁ ସରକାରଙ୍କୁ ଏହି ବିଲ୍‌ ପାସ୍‌ କରାଇବା ପାଇଁ ଅସଲ ପରୀକ୍ଷାର ସମ୍ମୁଖୀନ ହେବାକୁ ପଡ଼ିବ । କାରଣ ସେଠାରେ ସରକାରଙ୍କ ବହୁମତ ନାହିଁ ।

   Related Posts