Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଅଣସରରେ ମହାପ୍ରଭୁ, ଶ୍ରୀମନ୍ଦିରରେ ପୂଜା ପାଉଛନ୍ତି ପଟିଦିଅଁ : ସେପଟେ ରଥଖଳାରେ ଆଗେଇ ଚାଲିଛି ରଥନିର୍ମାଣ କାର୍ଯ୍ୟ

6/06/2020 at 3:37 PM

ପୁରୀ ୬।୬: ସ୍ନାନବେଦୀରେ ଅତ୍ୟଧିକ ସ୍ନାନ କରି ଜ୍ବରରେ ପୀଡିତ ମହାପ୍ରଭୁ ଅନବସର ଘରେ ଅଛନ୍ତି । ୧୫ ଦିନ ଧରି ମହାପ୍ରଭୁଙ୍କ ଗୁପ୍ତ ଉପଚାର ଚାଲିବ। ଏହି ସମୟରେ ପ୍ରଭୁଙ୍କ ପ୍ରତି ବଦଳରେ ପଟିଦିଅଁ ପୂଜା ପାଉଛନ୍ତି । ଗତକାଲି ବିଳମ୍ବିତ ରାତିରେ ପଟିଦିଅଁ ଶ୍ରୀମନ୍ଦିର ଭିତରକୁ ବିଜେ କରିଥିଲେ । ଅନ୍ୟପଟରେ ରଥଖଳାରେ ତିନିରଥର ଦ୍ବିତୀୟ ଭୂଇଁ ପଡ଼ି ସାରିଛି।

ସ୍ନାନବେଦୀରେ ୧୦୮ ଗରା ଜଳ ସ୍ନାନ କରିବା ପରେ ଜ୍ୱରରେ ପୀଡ଼ିତ ମହାପ୍ରଭୁ ଅଣସର ପିଣ୍ଡିରେ ଅଛନ୍ତି । ତାଙ୍କ ପ୍ରତିବଦଳରେ ପଟିଦିଅଁ ପୂଜା ପାଉଛନ୍ତି। ମହାପ୍ରଭୁ ଶ୍ରୀଜଗନ୍ନାଥଙ୍କ ସ୍ଥାନରେ ଅନନ୍ତ ନାରାୟଣ, ବଳଭଦ୍ରଙ୍କ ସ୍ଥାନରେ ଅନନ୍ତ ବାସୁଦେବ ଓ ସୁଭଦ୍ରାଙ୍କ ସ୍ଥାନରେ ମା’ ଭୁବନେଶ୍ବରୀଙ୍କ ପଟ୍ଟିଦିଅଁ ପୂଜା ପାଉଛନ୍ତି । ଆଜି ସକାଳୁ ପଟ୍ଟିଦିଅଁଙ୍କ ସମ୍ମୁଖରେ ଆଳତୀ ଓ ଅନ୍ୟାନ୍ୟ ନୀତିକାନ୍ତି କରାଯାଉଛି। ଅଣସର ତାଟି ସମ୍ମୁଖରେ ପଟିଦିଅଁ ଓ ଖଟୁଲି ଉପରେ ଦଶ ଅବତାର ଠାକୁର ବିଜେ କରିଛନ୍ତି । ଅନବସରରେ ଥିବା ଠାକୁରଙ୍କୁ ଚକଟା ଭୋଗ ଓ ପଣାଭୋଗ ଲାଗି କରାଯାଉଛି।    

ସେପଟେ ରଥଖଳାରେ ଦ୍ରୁତ ଗତିରେ ଆଗେଇ ଚାଲିଛି ବିଶ୍ବନିୟନ୍ତାଙ୍କ ରଥନିର୍ମାଣ କାର୍ଯ୍ୟ । ନିର୍ଦ୍ଧାରିତ ସମୟ ପୂର୍ବରୁ ଚାରିନାହାକା ଉଠିଥିବା ବେଳେ ସ୍ନାନପୂର୍ଣ୍ଣିମା ବିଧି ମଧ୍ୟ ରଥଖଳାରେ ସମ୍ପାଦିତ ହୋଇଛି । ତେବେ ତିନି ରଥର ସମାନ ସମାନ ଭାବେ ଦ୍ବିତୀୟ ଭୂଇଁ କାମ ଶେଷ ହୋଇଥିବା ବେଳେ ଚାଳିରେ ତୃତୀୟ ଭୂଇଁ କାମ ଜାରି ରହିଛି । ଅନ୍ୟପଟେ ନେତ୍ରୋତ୍ସବ ଦିନ ତିନିରଥର ନିର୍ମାଣ କାର୍ଯ୍ୟ ଶେଷ ହେବା ବିଧିବିଧାନ ରହିଥିବା ବେଳେ ଯଥେଷ୍ଟ ପୂର୍ବରୁ ରଥନିର୍ମାଣ କାମ ଶେଷ ହେବ ବୋଲି ଆଶା ରଖିଛନ୍ତି ରଥନିର୍ମାଣରେ ସମ୍ପୃକ୍ତ ମହାରଣା ସେବାୟତ।

୧୦୮ ଗଡ଼ୁ ସୁବାସିତ ଜଳରେ ସ୍ନାନ କରି ଅଣସର ଘରେ ଜ୍ବରରେ ପୀଡ଼ିତ ଜଗତର ନାଥ ଜଗନ୍ନାଥ । ସେପଟେ ଏହି ସମୟରେ ବିଷ୍ଣୁରୂପୀ ପ୍ରଭୁ ଅଲାରନାଥଙ୍କୁ ଦର୍ଶନ କଲେ କୋଟି ଜନ୍ମର ପୁଣ୍ୟ ଫଳ ମିଳିଥାଏ । କିନ୍ତୁ କୋଭିଡ଼୍ କଟକଣା ଯୋଗୁଁ ବ୍ରହ୍ମଗିରି ସ୍ଥିତ ଅଲାରନାଥ ମନ୍ଦିରରେ ଭକ୍ତଙ୍କ ଦର୍ଶନ ବନ୍ଦ ରହିବା ସହ ଜାରି ହୋଇଛି ୧୪୪ ଧାରା ।

   Related Posts