Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ସଂସଦ ମୌସୁମୀ ଅଧିବେସନରୁ ଦୂରେଇ ରହିବେ ୬୫ ବର୍ଷ ବୟସରୁ ଊର୍ଦ୍ଧ୍ୱ ବୟସ୍କ ତୃଣମୂଳ ସାଂସଦ

7/09/2020 at 8:59 PM

କୋଲକାତା ୭।୯: ସଂସଦର ମୌସୁମୀ ଅଧିବେଶନ ଆରମ୍ଭ ହେବାକୁ ଯାଉଛି। ତେବେ ଏଥିରେ ୬୫ ବର୍ଷରୁ ଊର୍ଦ୍ଧ୍ୱ ବୟସ୍କ ତୃଣମୂଳ କଂଗ୍ରେସ (ଟିଏମସି) ସାଂସଦମାନେ ଯୋଗ ଦେଇ ନପାରନ୍ତି। ଦେଶରେ ବ୍ୟାପୁଥିବା କରୋନା ଭାଇରସ ମହାମାରୀ ସଂକ୍ରମଣରୁ ବର୍ତିବାଲାଗି ସମ୍ଭବତଃ ସାଂସଦମାନେ ଏପରି ନିଷ୍ପତ୍ତି ନେଇଥାଇ ପାରନ୍ତି ବେଲି ସୂତ୍ରରୁ ସୂଚନା ମିଳୁଛି। ତେବେ ଦଳ ପକ୍ଷରୁ ଏପର୍ଯ୍ୟନ୍ତ ଏ ନେଇ ଅଧିକାରୀକ ଭାବେ କୌଣସି ସୂଚନା ମିଳିନାହିଁ।

ତେବେ ଆଗାମୀ ସଂସଦ ଅଧିବେସନରେ ଦଳର ୬୫ ବର୍ଷରୁ ଅଧିକ ବୟସ୍କ ସାଂସଦମାନଙ୍କୁ ସଂସଦ ନପଠାଇବାକୁ ପରାମର୍ଶ ଦିଆଯାଇଥିବା ଜଣାପଡିଛି। ଉତ୍ତର କୋଲକାତା ଆସନରୁ ସାଂସଦ ନିର୍ବାଚିତ ୬୭ ବର୍ଷ ବୟସ୍କ ସୁଦୀପ ବନ୍ଦୋପଧ୍ୟାୟ କୋଲକାତାରେ ରହି ଲୋକସଭାରେ ସାଥୀମାନଙ୍କୁ ସମନ୍ୱୟ କରିବେ ବୋଲି କହିଛନ୍ତି। ସେହିପରି ଟିଏମସି ମୁଖ୍ୟ ସଚେତକ ତଥା ରାଜ୍ୟସଭା ସାଂସଦ ସୁଖେନ୍ଦୁ ଶେଖର ରାୟ ମଧ୍ୟ ଅଧିବେଶନରେ ଯୋଗ ଦେଉନଥିବାର କହିଛନ୍ତି।

ସେ ଏ ନେଇ ରାଜ୍ୟସଭା ଅଧ୍ୟକ୍ଷଙ୍କୁ ପତ୍ର ଲେଖି ଜଣାଇ ସାରିଥିବା ଗଣମାଧ୍ୟମକୁ କହିଛନ୍ତି। ତାଙ୍କର ବୟସ ୭୧ ବର୍ଷ ଓ ସେ କେନ୍ଦ୍ର ସରକାରଙ୍କର ଅନଲକ-୪ ଗାଇଡଲାଇନ ମାନି ଘରେ ରହିବେ ବୋଲି କହିଛନ୍ତି। ଅନଲକ-୪ରେ କେନ୍ଦ୍ର ସରକାର ବୟୋଜ୍ୟେଷ୍ଠ ନାଗରିକଙ୍କୁ ଘରେ ରହିବା ଲାଗି କୁହାଯାଇଛି। ସେହି ଅନୁସାରେ ସେ ଅନଲକ୍-୪ ପାଳନ କରିବେ ବୋଲି କହିଛନ୍ତି।

ସେପ୍ଟେମ୍ବର ୧୪ ତାରିଖରୁ ସଂସଦର ମୌସୁମୀ ଅଧିବେଶନ ଆରମ୍ଭ ହେବ। ଏହି ଅଧିବେଶନ ଅକ୍ଟୋବର ୧ ତାରିଖ ପର୍ଯ୍ୟନ୍ତ ଚାଲିବ। ଦେଶରେ କୋଭିଡ-୧୯ ସଂକ୍ରମଣ ଯୋଗୁ ସଂସଦ ଅଧିବେଶନ ଯେପରି ପ୍ରଭାବିତ ନ ହୁଏ ସେଥିଲାଗି ବ୍ୟାପକ ପ୍ରସ୍ତୁତି କରାଯାଉଛି। ଏଥିରେ ସଂସଦରେ ଅନେକ କିଛି ନୂଆ ହେବାକୁ ଯାଉଥିବା ବେଳେ ଏବେ ବୟୋଜ୍ୟେଷ୍ଠ ରାଜନେତାମାନେ ନିଜକୁ ଅଧିବେଶନରୁ ଦୂରେଇ ରଖିବାକୁ ଚିନ୍ତା କରିବା ମଧ୍ୟ ପ୍ରଥମ ଥର ହେବାକୁ ଯାଉଛି।

   Related Posts