Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟି-୨୦ ବିଶ୍ବକପର ଧମାକାଦାର ଆରମ୍ଭ : PNGକୁ ୧୦ ଓ୍ବିକେଟରେ ହରାଇଲା ଓମାନ, କମାଲକଲେ ଭାରତୀୟ ବଂଶୋଦ୍ଭବ ଜତୀନ୍ଦର ସିଂହ
  • ||
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗୀଙ୍କ ଘରେ ଭିଜିଲାନ୍ସ ଚଢ଼ାଉ, ଜବତ ହେଲା ୨୦ ଲକ୍ଷ
  • ||
  • ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ଉତପାତ୍‌ ଜାରି, ୨ ଅଣ-କାଶ୍ମୀରୀଙ୍କୁ ନିର୍ମମ ହତ୍ୟା
  • ||
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||

ପ୍ରେମର ଭରସାରେ ସିନ୍ଦୁର ପର, ଏବେ ହେଲେନି କାହାର : ହାତ ଛାଡିଦେଲା ପ୍ରେମିକ, କବାଟ କିଳିଦେଲେ ଶାଶୁଘର , ୬ବର୍ଷ ଛୁଆର ମାଆ ଖୋଜୁଛି ରାହା…

2/06/2021 at 2:03 PM

କେନ୍ଦ୍ରାପଡ଼ା ୦୨।୦୬ : ପ୍ରେମକୁ ଭରସା ସିନ୍ଦୁରର ଛାଡିଥିଲା ହାତ । ହେଲେ ସେହି ପ୍ରେମ ଅଧବାଟରେ ଦେଇଦେଲା ଧୋକା । ୬ବର୍ଷର ବୈବାହିକ ଜୀବନକୁ ଛାଡି ୧୦ ମାସ ତଳର ପ୍ରେମିକ ସାଙ୍ଗେ ଛାଡିଥିଲେ ଗାଁ । ହେଲେ ଏବେ ନା ଏକୂଳର , ନା ସେକୂଳର । ପ୍ରେମିକ ହାତ ଛାଡିବା ପରେ ଏବେ କବାଟ କିଳିଦେଲେ ଶାଶୁଘର ଲୋକେ । ୬ବର୍ଷର ଛୁଆକୁ ଧରି ରାହା ଖୋଜୁଛି ମାଆ ।

ବିବାହିତ ହୋଇ ବି ପରକୀୟା ପ୍ରୀତିରେ ଲିପ୍ତ ଥିଲେ। ସ୍ୱାମୀ, ଶ୍ୱଶୁର ଓ ପରିବାର ଲୋକ ଜାଣିବା ପରେ ବଢ଼ିଥିଲା ବିରୋଧ । ଶେଷରେ ମହିଳା ଜଣକ ତାଙ୍କ ସ୍ୱାମୀଙ୍କୁ ଛାଡ଼ି ୪ବର୍ଷର ଶିଶୁପୁତ୍ରକୁ ନେଇ ଫେରାର ହୋଇଯାଇଥିଲେ । ଏ ନେଇ ମହିଳାଙ୍କ ସ୍ୱାମୀ ଥାନାରେ ଏତଲା ଦେଇଥିଲେ । ଅଭିଯୋଗ ପରେ  ପୁଲିସ ମହିଳାଙ୍କ ସହ ତାଙ୍କ ପ୍ରେମିକଙ୍କୁ ହେପାଜତକୁ ନେଇଥିଲା । ଦୁହେଁ ପରସ୍ପରକୁ ଭଲ ପାଉଛନ୍ତି ଓ ଏକାଠି ରହିବେ ବୋଲି ପୁଲିସକୁ କହିବା ପରେ ସେମାନଙ୍କୁ ପୁଲିସ ଛାଡ଼ି ଦେଇଥିଲା। ହେଲେ ମହିଳାଙ୍କୁ ରଖିବାର କିଛିଦିନ ପରେ ପ୍ରେମିକ ତାଙ୍କୁ ଛାଡ଼ି ଦେଇଥିଲା।

ଏପଟେ ସ୍ୱାମୀଙ୍କ ସହ ୬ ବର୍ଷର ସମ୍ପର୍କ ଭୁଲିଯାଇ ପ୍ରେମିକ ହାତ ଧରିଥିବାରୁ ଏବେ ସେ ପାଖରେ ରଖିବାକୁ ନାରାଜ । ପୀଡ଼ିତା ମହିଳା ଥାନା, ଗାଁ ୱାର୍ଡମେମ୍ବର, ସରପଞ୍ଚଙ୍କୁ ଏ ବାବଦରେ ଅଭିଯୋଗ କରିଥିଲେ ମଧ୍ୟ ତାଙ୍କୁ ନ୍ୟାୟ ମିଳିନାହିଁ । କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ଥାନା ଅଞ୍ଚଳରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ।

ଖବର ଅନୁଯାୟୀ, ମାର୍ଶାଘାଇ ଥାନା ଦରବଚ୍ଛା ଅଞ୍ଚଳର ଜଣେ ମହିଳା ଗତ କିଛି ମାସ ହେବ ପରକୀୟା ପ୍ରୀତିରେ ପଡ଼ିଥିଲେ । ମହିଳା ଓ ତାଙ୍କ ପ୍ରେମିକଙ୍କ ସମ୍ପର୍କକୁ ନେଇ ଚାରିଆଡ଼େ ଚର୍ଚ୍ଚା ହେଲା । ଏପିରିକି କଥା ମହିଳାଙ୍କ ସ୍ୱାମୀ ଓ ଶାଶୂଘର ଲୋକଙ୍କ କାନରେ ପଡ଼ିଲା । ସେମାନେ ଏ ସମ୍ପର୍କକୁ ବିରୋଧ କରିବା ସହ ପ୍ରେମିକଠାରୁ ଦୂରେଇ ରହିବାକୁ ଆକଟ କରିଥିଲେ,  ହେଲେ ସ୍ୱାମୀ, ଶାଶୂଘର ଲୋକଙ୍କ ଆକଟ, ତାଗିଦ ମାନିନଥିଲେ । ମହିଳା ଜଣଙ୍କ କିଛିଦିନ ତଳେ ତାଙ୍କ ୪ବର୍ଷର ପୁଅକୁ ନେଇ ଶାଶୂଘରୁ ପ୍ରେମିକ ସହ ପଳାଇ ଯାଇଥିଲେ । ପ୍ରେମିକଙ୍କ କହିବା ମୁତାବକ ସେ ପୁଅକୁ ସାଙ୍ଗରେ ନେଇଥିଲେ । ପୁଅକୁ ସାଙ୍ଗରେ ନେଲେ ସେ ତାଙ୍କୁ ଓ ତାଙ୍କ ପୁଅକୁ ରଖିବେ ବୋଲି ପ୍ରେମିକ ମନୋରଞ୍ଜନ ଦାସ ଓରଫ କୁମା କଥା ଦେଇଥିଲେ । ପରେ ସେମାନେ ଗୋପନରେ ବିବାହ କରିଥିଲେ ।

ମାର୍ଶାଘାଇ ଥାନାରେ ମହିଳାଙ୍କ ସ୍ୱାମୀ ଏତଲା ଦେବା ପରେ ପୁଲିସ ସେମାନଙ୍କୁ ଧରିଥିଲା । ତେବେ ସେମାନେ ପରସ୍ପରକୁ ଭଲ ପାଉଛନ୍ତି ଓ ଉଭୟ ଏକାଠି ରହିବାକୁ ଚାହୁଁଛନ୍ତି ବୋଲି ପୁଲିସ ଆଗରେ କହିବାରୁ ଏନେଇ ଲେଖାପଢ଼ା ହୋଇଥିଲା ଓ ସ୍ୱାମୀ ନିରାଶରେ ଘରକୁ ଫେରିଥିଲେ । ଆଉ ଏବେ ମନୋରଂଜନ ପୁଅକୁ ନେଇ ତାଙ୍କ ସ୍ୱାମୀଙ୍କ ପାଖରେ ଛାଡ଼ି ଆସିବାକୁ ବାଧ୍ୟ କରିଥିଲେ । ଯାହାକୁ ନେଇ ସେମାନଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା ।

ପ୍ରେମିକଙ୍କ ମୁତାବକ, ମହିଳା ଜଣକ ଅନିଚ୍ଛା ସତ୍ତେ୍ୱ୍ୱ ୪ ବର୍ଷର ପୁଅକୁ ସ୍ୱାମୀଙ୍କ ଘର ଆଗରେ ନେଇ ଛାଡ଼ି ଆସିଥିଲେ । ଏହା ପରେ ସେ ପ୍ରେମିକଙ୍କ ପାଖରେ ପହଞ୍ଚିଥିଲେ ମଧ୍ୟ ସେ କେଉଁଆଡ଼େ ଫେରାର ହୋଇଯାଇଥିଲା । ଏବେ ମହିଳା ନ୍ୟାୟ ପାଇବା ଆଶାରେ ଥାନାରେ ଏତଲା ଦେବା ସହ ୱାର୍ଡମେମ୍ବର ଓ ସରପଞ୍ଚଙ୍କୁ ଜଣାଇଥିଲେ ବି କୌଣସି ସମାଧାନର ବାଟ ବାହାରି ପାରିନାହିଁ ।

   Related Posts