ନୂଆଦିଲ୍ଲୀ ୧୧|୫: ମହାନଦୀ ଜଳ ନେଇ ଓଡିଶା ଓ ଛତିଶଗଡ ମଧ୍ୟରେ ଚାଲିଥିବା ବିବାଦ ମାମଲାର ଶୁଣାଣି ତାରିଖକୁ ଜୁଲାଇ ୧୩ ଯାଏଁ ଘୁଞ୍ଚାଇ ଦେଇଛନ୍ତି ଟ୍ରିବ୍ୟୁନାଲ୍। ବୈଠକ କରି ଆପୋଷ ସମାଧାନ ଲାଗି ଦୁଇ ରାଜ୍ୟକୁ କୋର୍ଟ ନିର୍ଦ୍ଦେଶ ଦେଇଥିଲେ । ବାତ୍ୟା ‘ଫୋନି’ ଯୋଗୁଁ ବୈଠକ ହୋଇ ପାରିନଥିବା କୋର୍ଟଙ୍କୁ ଅବଗତ କରାଇଲେ ଓଡିଶା ଆଇନଜୀବୀ । ତେଣୁ, ଟ୍ରିବ୍ୟୁନାଲ୍ ଏଥି ପାଇଁ ଦୁଇ ରାଜ୍ୟକୁ ୪ ସପ୍ତାହ ମଧ୍ୟରେ ବୈଠକ କରିବାକୁ ନିର୍ଦ୍ଦେଶ ଦେଇଛନ୍ତି ।
ବୈଠକ ପୂର୍ବରୁ ପ୍ରକଳ୍ପ ପରିଦର୍ଶନ କରିବାକୁ ଓଡିଶା ଓ ଛତିଶଗଡକୁ ଟ୍ରିବ୍ୟୁନାଲ୍ ନିର୍ଦ୍ଦେଶ ଦେଇଛନ୍ତି । ଜୁନ୍ ମାସରେ ଓଡିଶାର ପ୍ରତିନିଧି ଦଳ ପ୍ରଥମେ ଛତିଶଗଡ ଯିବେ ଓ ତାପରେ ଛତିଶଗଡ ପ୍ରତିନିଧି ଦଳ ଓଡିଶା ଆସିବେ। ଉଭୟ ରାଜ୍ୟର ପ୍ରତିନିଧି ଦଳ ବୈଠକରେ ଏକତ୍ର ହେବା ପରେ କୋର୍ଟରେ ରିପୋର୍ଟ ଦାଖଲ କରିବା ପରେ ମାମଲାର ଶୁଣାଣି ହେବ।