Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||
  • ଦେବୀ ଓ ମହାନଦୀରେ ବଢୁଛି ଜଳସ୍ତର, ଜଗତସିଂହପୁରରେ ବନ୍ୟା ସ୍ଥିତି
  • ||
  • ୧୮ରୁ ଲଘୁଚାପ, ୧୦ ଜିଲ୍ଲାରେ ଅତି ପ୍ରବଳ ବର୍ଷା ସମ୍ଭାବନା
  • ||
  • ପୁରୀରୁ ଫେରିବା ବେଳେ ଓଲଟିଲା ବୋଲେରୋ, ୧୩ ଯାତ୍ରୀ ଆହତ
  • ||
  • ପୋଲ ଭାଙ୍ଗି ଗାଁରେ ପଶିଲା ପାଣି, ପଟ୍ଟାମୁଣ୍ଡାଇ ଅମୃତମଣୋହୀ ଛକରେ ଘାଇ
  • ||
  • ଗୁଣ୍ଡେରପୁର ବ୍ରିଜ୍ ଉପରେ ୩ ଫୁଟ୍ ପାଣି, ସମ୍ବଲପୁର-ସୋନପୁର ବିଛିନ୍ନ
  • ||

ଦଳିତ ନାବାଳିକାକୁ ଅବକାରୀ କର୍ମଚାରୀଙ୍କ ନିର୍ଯ୍ୟାତନା

1/05/2018 at 5:37 AM

ପୁଣି ଜଣେ ନାବାଳିକାକୁ ନିର୍ଯ୍ୟାତନା । ଏଥର କିନ୍ତୁ ଖୋଦ ସରକାରୀ ଅର୍ଥାତ ଅବକାରୀ ବାବୁ ମାନେ ଏପରି ଅମାନବୀୟ କାଣ୍ଡ ଘଟାଇଥିବା ଅଭିଯୋଗ ହୋଇଚି ।
ଅବକାରୀ କର୍ମଚାରୀମାନଙ୍କ ଅମାନବୀୟ ନିର୍ଯ୍ୟତନାରେ କାନ୍ଦି କାନ୍ଦି ଠିକରେ କଥା କହି ପାରୁନଥିବା ଏହି ୧୪ ବର୍ଷୀୟା ନାବାଳିକା ହେଉଛନ୍ତି ରାନୀ ବହେରା । ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ଅନ୍ତର୍ଗତ ବାଇସିଂହା ଗ୍ରାମର ବିଜୟ ଓ ମାତା ଗୀତା ବେହେରାଙ୍କର ଝିଅ । ଆଉ ତାଙ୍କର କେବଳ ଏତିକି ଦୋଷ ଯେ ତାଙ୍କ ବୁଢିମା ପୂର୍ବରୁ କୁଆଡେ ଚୋରା ଦେଶି ମଦ ବେପାର କରୁଥିଲେ । ବୁଢି ମା’ ତ କେବେଠୁ ମରିଗଲେଣି । କିନ୍ତୁ ଆମେ ଭାବୁଛୁ ସେହି ବୁଢି ମା’ର ଦୋଷ ହିଁ ଏବେ ବୋଧେ ମୁଣ୍ଡେଇବାକୁ ପଡୁଛି ଏହି ନାବାଳିକାକୁ । ଏପରିକି ଚୋରା ମଦ ଚଢାଉ ଆଳରେ ଗତ ୨୨ ତାରିଖ ରାତି ପ୍ରାୟ ସାଢେ ୭ ଟାରେ ଛଅ ସାତ ଜଣ ଅବକାରୀ କର୍ମଚାରୀ ତାଙ୍କ ଘରେ ଅଚାନକ ପଶିଥିଲେ । ବାପା ବିଜୟଙ୍କ ଅନୁପସ୍ଥିତରେ ଏହି କର୍ମଚାରୀମାନେ ତାଙ୍କ ମା’ଙ୍କୁ ନିସ୍ତୁକ ମାଡ ମାରିଥିଲେ । ଏହି ନାବାଳିକା ରାନି ତା’ର ମା’କୁ ଛାଡି ଦେବାପାଇଁ ବହୁ କାବୁତି ମିନତି ହୋଇ ନେହୂରା ହୋଇଥିଲେ । ମାତ୍ର ଅବକାରୀ ବାବୁମାନେ ଏହି ନିରୀହ ନାବାଳିକା ଉପରେ ଅମାନୁଷିକଭାବେ କିପରି ସରକାରୀ ଖାକି ପୋଷାକ ଦମ୍ ଦେଖାଇବାକୁ ଭୁଲି ନଥିଲେ ଶୁଣନ୍ତୁ ଜଣେ ପ୍ରତ୍ୟକ୍ଷଦର୍ଶୀଙ୍କ ମୁହଁରୁ ।
ଅବକାରୀ ବାବୁମାନଙ୍କ ଅମାନୁଷିକ ମାଡ ଓ ନିର୍ଯ୍ୟାତନାରେ ଶିକାର ରାନୀକୁ ଗୁରୁତର ଅବସ୍ଥାରେ କାମାକ୍ଷାନଗର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ନିସ୍ତୁକ ମାଡ ଯୋଗୁଁ ତାଙ୍କ ଗୋଡରେ ଗଭୀର ଆଘାତରେ ସେ ଏବେ ଅକର୍ମଣ୍ୟ । ନବମ ଶ୍ରେଣୀରେ ପାଠ ପଢୁଥିଲେ ମଧ୍ୟ ପାଠ ପଢାରେ ଲାଗିଯାଇଛି ଡୋରୀ । ଏ ସଂପର୍କରେ କାମାକ୍ଷାନଗର ଥାନାରେ ଳିଖିତ ଅଭିଯୋଗ ମଧ୍ୟ କରିଛନ୍ତି । ମାତ୍ର ପୁଲିସ ଚୁପ୍ । ପରେ ଜିଲ୍ଲାପାଳ ଓ ଏସପିଙ୍କୁ ମଧ୍ୟ ଗୁହାରୀ କରିଛନ୍ତି । କିନ୍ତୁ କେହି ଶୁଣୁନାହାନ୍ତି ଏହି ଦଳିତ ନାବାଳିକାର ଦୁଖ । ଗୋଟିଏ ନିରୀହ ଦଳିତ ପରିବାର ଉପରେ ଅବକାରୀ କର୍ମଚାରୀମାନଙ୍କ ଏପରି ଅମାନବୀୟକାଣ୍ଡ ଓ ନିର୍ଯ୍ୟାତନା ସତ୍ବେ ପୁଲିସ ଠାରୁ ଜିଲ୍ଲା ପ୍ରଶାସନ ପର୍ଯ୍ୟନ୍ତ ସମସ୍ତେ ସ୍ଥାଣୁ ପାଲଟି ଯାଇଛନ୍ତି । ଏ ସଂପର୍କରେ ଅବକାରୀ ବିଭାଗ ପକ୍ଷରୁ ମଧ୍ୟ ଏକ ପାଲଟା ଅଭିଯୋଗ ନେଇ ମାମଲା ରୁଜୁ କରାଯାଇଛି ବୋଲି ଢେଙ୍କାନାଳ ଏସପି ସଫେଇ ଦେଇଛନ୍ତି । ମାତ୍ର ଅବକାରୀ ବିଭାଗ ପକ୍ଷରୁ ତଦନ୍ତ ଦୂରେ ଥାଉ । ତାଙ୍କ କର୍ମଚାରୀମାନେ ଘଟାଇଥିବା ଏପରି ମାନବୀୟକାଣ୍ଡ ମାନିବାକୁ ମଧ୍ୟ ନାରାଜ ।
ଶେଷରେ ନିରାଶ ଏହି ଦଳିତ ପରିବାରକୁ ନ୍ୟାୟ ପାଇଁ ଅନ୍ତର୍ଜାତୀୟ ମାନବ ସୁରକ୍ଷା କାଉନସିଲର ଶରଣ ପଶିବାକୁ ପଡିଛି । ଫଳରେ ଏହି କାଉନସିଲର ଏକ ଟିମ ଢେଙ୍କାନାଳ ଏସପିଙ୍କୁ ଭେଟି ଏହି ଦଳିତ ପରିବାରୁକୁ ନ୍ୟାୟ ପାଇଁ ଏପରି ଅମାନୁଷିକକାଣ୍ଡ ଘଟାଇଥିବା ଅବକାରୀ କର୍ମଚାରୀ ମାନଙ୍କ ଗିରଫ ଦାବି କରିଛି ।

Leave a Reply

   Related Posts