Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ବିଧାୟକଙ୍କ ବିରୋଧରେ ଆଦିବାସୀ ମେଳି: ପୋଲିସ ସହିତ ମୁହାଁ ମୁହିଁ ହେଲେ ଆଦିବାସୀ କଲ୍ୟାଣ ସଂଙ୍ଘ

12/06/2019 at 6:56 PM

ବଲାଙ୍ଗୀର୧୨/୬: ପାଟଣାଗଡ଼ ଜେଇଙ୍କୁ ବିଧାୟକଙ୍କ ଉଠବସ ଘଟଣା ଧିରେ ଧିରେ ଜଟିଳ ହେବାରେ ଲାଗିଛି। ଘଟଣାକୁ ନେଇ ରାଜନୀତିର ବି ରୁଟି ସେକା ଚାଲିଛି।  ଆଜି ବଲାଙ୍ଗୀର ଜିଲ୍ଲା ଆଦିବାସୀ କଲ୍ୟାଣ ସଂଙ୍ଘ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଧସେଇ ପସିବା ବେଳେ ପୋଲିସ ସହିତ ମୁହାଁ ମୁହିଁ ହୋଇଛି।   ସେପଟେ ସାମ୍ବାଦିକ ସମ୍ମିଳନୀ ଡାକି ବିଧାୟକ ଦୁଃଖ ପ୍ରକାଶ କରିଛନ୍ତି। ସେହିପରି ରାସ୍ତା କାମର ମାନ ଜାଞ୍ଚ ପାଇଁ ବଲାଙ୍ଗିରରେ ପହଞ୍ଚିଲା ରାଜ୍ୟ ସରକାରଙ୍କ ସ୍ବତନ୍ତ୍ର ଟିମ।

ବିଧାୟକଙ୍କ ବିରୋଧରେ ଆଦିବାସୀ ମେଳି । ପାରମ୍ପାରିକ ଅସ୍ତ୍ର ଶସ୍ତ୍ରରେ ସଜ୍ଜିତ ହୋଇ ଆନ୍ଦୋଳନକୁ ଓହ୍ଲାଇଛନ୍ତି । ଜିଲ୍ଳାପାଳଙ୍କ ଅଫିସ ଭିତରକୁ ପଶିବାକୁ ଉଦ୍ୟମ କରିଥିଲେ ଆଦିବାସୀ । ଏହି ସମୟରେ ପୋଲିସ ସହିତ ମୁହାଁମୁହିଁ ହୋଇଥିଲେ। ବେଶ୍‌ କିଛି ସମୟ ଧରି ଉଭୟଙ୍କ ମଧ୍ୟରେ ଧସ୍ତାଧସ୍ତି ଚାଲିଥିଲା। ଦେଖନ୍ତୁ ଏ ଦୃଶ୍ୟଙ୍କୁ ଏହି ଧସ୍ତାଧସ୍ତି ଭିତରେ ଜଣେ ପୋଲିସ ଅଧିକାରୀଙ୍କୁ କେମିତି ଘେରିଯାଇଛନ୍ତି ଆଦିବାସୀ। ବଲାଙ୍ଗିର ବିଧାୟକ ଆଦିବାସୀ ସଂପ୍ରଦାୟର ଜୁନିୟର ଇଞ୍ଜିନିୟରଙ୍କୁ ଉଠବସ କରାଇବା ପ୍ରତିବାଦରେ ବଲାଙ୍ଗୀର ଜିଲ୍ଲା ଆଦିବାସୀ କଲ୍ୟାଣ ସଂଙ୍ଘ ଅଧୀନରେ ଏକାଠି ହୋଇଥିଲେ ଆଦିବାସୀ। କାହିଁକି ବିଧାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇନାହିଁ ଏହା ବିରୋଧରେ  ଶକ୍ତି ପ୍ରଦର୍ଶନ କରିଥିଲେ। ଯେଉଁସମୟରେ ପୋଲିସ ଓ ଆଦିବାସୀଙ୍କ ମଧ୍ୟରେ ଧସ୍ତାଧସ୍ତି ଚାଲିଥିଲା। ପରେ ସଂଙ୍ଘର ଏକ ପ୍ରତିନିଧି ଦଳ ଜିଲ୍ଲାପାଳଙ୍କୁ ସାକ୍ଷାତ କରି ୨୪ ଘଣ୍ଟା ଭିତରେ କାର୍ଯ୍ୟାନୂଷ୍ଠାନ ପାଇଁ  ଦାବି କରିଥିଲା ।

ଆଦିବାସୀଙ୍କ ଆନ୍ଦୋଳନକୁ ସମର୍ଥନ କରୁଛି ବିଜେପି।  ସାଂସଦ ସଂଗୀତ ସିଂହଦେଓ ମଧ୍ୟ ବିଧାୟକଙ୍କ ଗିରଫ ଦାବି କରିଛନ୍ତି। ସେପଟେ ଘଟଣାକୁ ନେଇ ବିବାଦ ବଢୁଥିବା ଦେଖି ଆଜି ସାମ୍ବାଦିକ ସମ୍ମିଳନୀ ଡାକି ସଫେଇ ଦେଇଥିଲେ ବିଧାୟକ ସରୋଜ ମେହେର। ଆଦିବାସିଙ୍କୁ ବହୁତ ସମ୍ମାନ ଦିଏ ବୋଲି କହିଛନ୍ତି।

ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁସାରେ ରାସ୍ତା କାମର ମାନ ଯାଞ୍ଚ କରିବା ପାଇଁ ବଲାଙ୍ଗୀରରେ ପହଞ୍ଚିଥିଲା ଏକ ସ୍ବତନ୍ତ୍ର କମିଟି। ପାଟଣାଗଡ ଓ କଣ୍ଟାବାଞ୍ଜିରେ ହୋଇଥିବା ରାସ୍ତାକାମର ସାମ୍ପୁଲ ସଂଗ୍ରହ କରିଛି। ସେପଟେ ଘଟଣା ର ତଦନ୍ତ ରିପୋର୍ଟ ସରକାରଙ୍କୁ ପଠାଇ ଦିଆଯାଇଛି। ଦୋଷୀଙ୍କ ବିରୋଧରେ ନିଶ୍ଚିତ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ବଲାଙ୍ଗିର ଜିଲ୍ଲାପାଳ ।

ଘଟଣାକୁ ନେଇ ଧିରେ ଧିରେ ରାଜନୀତି ବଢୁଛି ।ସେପଟେ ବିଧାୟକଙ୍କ ସପକ୍ଷରେ ଓବିସି ସଂଘ ବାହାରିଛି। ପାଟଣାଗଡ଼ ଘଟଣାର ରାଜନୀତିର ହଟପିକ ହୋଇଛି।

   Related Posts