Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ସୋନପୁରର ନିଆରା ମଣିଷ – ପରିବେଶ ସୁରକ୍ଷା ପାଇଁ ଜଗି ରହିଛନ୍ତି ଜଙ୍ଗଲ, ସୁରକ୍ଷିତ ରହିଛି ସବୁଜ ବନାନୀ

28/11/2019 at 5:03 PM

ସୁବର୍ଣ୍ଣପୁର ୨୮।୧୧ –  ଦ୍ରୂତ ଆଧୁନିକୀକରଣ ପାଇଁ ଧ୍ବଂସ ହେଉଛି ଜଙ୍ଗଲ ସମ୍ପଦ । ଜଙ୍ଗଲର ସୁରକ୍ଷା ଦିଗରେ ଯେତିକି ଲେ।କଙ୍କ ଆଗ୍ରହ ନୁହେଁ, ନଷ୍ଟ କରିବାକୁ ସେତିକି ଆଗଭର ସ୍ବାର୍ଥପର ମଣିଷ । କିନ୍ତୁ ଏସବୁ ଭିତରେ ଏମିତି ଜଣେ ନିଆରା ମଣିଷ ଅଛନ୍ତି ସୁବର୍ଣ୍ଣପୁରରେ । ଯିଏ ବିନା ସ୍ବାର୍ଥରେ ପରିବେଶ ସୁରକ୍ଷା ପ୍ରଚେଷ୍ଟା ଜାରି ରଖିଛନ୍ତି । ତାଙ୍କ ପ୍ରୟାସରେ ସୁରକ୍ଷିତ ରହିଛି ଏକ ସୁନ୍ଦର ଜଙ୍ଗଲ ।

ପରିବେଶ ପ୍ରଦୂଷଣକୁ ନେଇ ଏବେ ସାରା ବିଶ୍ବ ଚିନ୍ତିତ । ଆଧୁନିକ ମଣିଷ ଯେଉଁପରି ଭାବରେ ପ୍ରକୃତିର ବିନାଶ କରିଚାଲିଛି, ଯଦି ଏପରି ଆଉ କିଛିଦିନ ଲାଗି ରହେ, ତେବେ ମାନବ ସମାଜ ଧ୍ବଂସ ହେବା ଥୟ । ଏହାକୁ ହୃଦୟଙ୍ଗମ କରିଛନ୍ତି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଆଡିଆପଡାର ହର ବଘାର । ପରିଣତ ବୟସରେ ଅଣ୍ଟା ଭିଡିଛନ୍ତି ଜଙ୍ଗଲ ସୁରକ୍ଷା ପାଇଁ । ସୂର୍ଯ୍ୟ ଉଇଁଲେ ହାତରେ ଟାଙ୍ଗିଆ ଓ ମୁଣ୍ଡରେ ପଗଡି ଭିଡି ଚାଲି ଯାହାନ୍ତି ନିକଟରେ ଥିବା ଆଡିଆ ଜଙ୍ଗଲକୁ । ଦୀର୍ଘ ୩୦ ବର୍ଷ ହେଲା ଜଙ୍ଗଲକୁ ହିଁ ନିଜ ପରିବାର ଭାବରେ ଗ୍ରହଣ କରିଛନ୍ତି ହର । ଜଙ୍ଗଲ ବଞ୍ଚିଲେ ଆମେ ବଞ୍ଚିବା ଏହି ବାର୍ତ୍ତା ଦେଇ ଦୀର୍ଘ ଦିନ ହେବ ଜଙ୍ଗଲକୁ ସୁରକ୍ଷା ଦେଉଛନ୍ତି । ତାଙ୍କ ପ୍ରଚେଷ୍ଟାରେ ଆଜି ସୃଷ୍ଟି ହୋଇପାରିଛି ଏକ ୩୦ ହେକ୍ଟର  ସୁନ୍ଦର ଜଙ୍ଗଲ । ତେବେ ଜଙ୍ଗଲକୁ ନ ଗଲେ ନିଜର ଖାଦ୍ୟ ହଜମ ହୁଏନି ବୋଲି କହନ୍ତି ହର ।

ଦିନ ଥିଲା ଜଙ୍ଗଲକୁ କାଟି ସଫା କରିଦେଉଥିଲେ ଦୁର୍ବୁତ୍ତମାନେ । ବନ ବିଭାଗ କେବଳ ନିଦା ବିଷ୍ଣୁ ସାଜି ସବୁ ଦେଖୁଥିଲେ ହେଁ କୌଣସି ପଦକ୍ଷେପ ନେଉ ନଥିଲା । ହେଲେ ହର ବଘାର ଏହା ସହଜରେ ହଜମକରି ପାରିଲେ ନାହିଁ ।ଗଛ କାଟିବା ଲୋକଙ୍କୁ ତାଗିଦ କରିବା ସହ କାଠ ମାଫିଆଙ୍କୁ ଧମକାଇ ଜଗି ରହିଲେ ଜଙ୍ଗଲକୁ । ତାଙ୍କ ଉଦ୍ୟମରେ ଆଜି ଶାଗୁଆନ, ଶାଳ, ପିଆଶାଳ ଆଦି ଗଛ ସବୁ ମହାଦୃମ ହେବାକୁ ବସିଛି । ତାଙ୍କର ଏହି ନିଃସ୍ବାର୍ଥପର ସେବା ପାଇଁ ବିଭିନ୍ନ ମହଲରୁ ବେଶ୍ ପ୍ରଶଂସା ସାଉଁଟିଛନ୍ତି  ହର ।

ବିନା ଜଙ୍ଗଲ ସୁରକ୍ଷାରେ କିଛି ଅସାଧୁ ଲୋକ ସରକାରଙ୍କ ବିଭିନ୍ନ ସରକାରୀ ସୁବିଧା ହାତେଇ ନେଉଥିବାବେଳେ ହର ବଘାର ବିନା ସ୍ବାର୍ଥରେ ଲାଗିପଡିଛନ୍ତି ଜଙ୍ଗଲ ସୁରକ୍ଷାରେ । ପରିଣତ ବୟସରେ ଜଙ୍ଗଲ ସୁରକ୍ଷା କରି ଅନ୍ୟମାନଙ୍କ ପାଇଁ ପାଲଟିଛନ୍ତି ଉଦାହରଣ ।

   Related Posts