କେରଳ ୧୭/୪ : ଦକ୍ଷିଣ ଭାରତରେ ନିର୍ବାଚନ ପ୍ରଚାରରେ ଲାଗିଥିବା ନେତାମାନଙ୍କ ଟ୍ରାନ୍ସଲେଟର ବେଳେବେଳେ ଏମିତି କଥା କୁହନ୍ତି ଯାହାଫଳରେ ନେତାଙ୍କୁ ଥଟ୍ଟା ପରିହାସ କରିଥାନ୍ତି ଲୋକେ | ଗତକାଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ସହ ମଧ୍ୟ ଏହିଭଳି ଏକ ଘଟଣା ଦେଖିବାକୁ ମିଳିଥିଲା | ଗତକାଲି ରାହୁଲ ନିର୍ବାଚନ ପ୍ରଚାର ପାଇଁ କେରଳ ଯାଇଥିଲେ | ସେଠାରେ ଏକ ଗଣସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବିଭିନ୍ନ ପ୍ରସଙ୍ଗରେ ଟାର୍ଗେଟ କରିଥିଲେ ରାହୁଲ | କିନ୍ତୁ ରାହୁଲଙ୍କ ଟ୍ରାନ୍ସଲେଟରଙ୍କ ଯୋଗୁଁ ସବୁ ଓଲଟପାଲଟ ହୋଇଯାଇଥିଲା ଏବଂ ଲୋକେ ପରିହାସ କରିଥିଲେ | ଏହି ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି |
{"id":104308}
ସୂଚନାଯୋଗ୍ୟ ଯେ, ରାହୁଲ ଗାନ୍ଧୀ ଇଂରାଜୀରେ ଭାଷଣ ଦେଉଥିଲେ | ତାଙ୍କ ଭାଷଣକୁ ସ୍ଥାନୀୟ ଭାଷାରେ ଟ୍ରାନ୍ସଲେଟ କରିବା ପାଇଁ ମଂଚ ଉପରେ ଜଣେ ଟ୍ରାନ୍ସଲେଟର ଉପସ୍ଥିତ ଥିଲେ | ସେ ଇଂରାଜୀରେ କହିଥିଲେ ଯେ, ମୋଦି ଦେଶର ଜନତାଙ୍କୁ କହୁଛନ୍ତି ଯେ, ମୋତେ ପ୍ରଧାନମନ୍ତ୍ରୀ ନୁହେଁ ଦେଶର ଚୌକିଦାର କରନ୍ତୁ | କିନ୍ତୁ ରାହୁଲଙ୍କ ଟ୍ରାନ୍ସଲେଟର ଏହା ବୁଝି ପାରିନଥିଲେ | ଏହି ଦୃଶ୍ୟ ଦେଖି ରାହୁଲ ମଧ୍ୟ ହସି ଦେଇଥିଲେ | ସେ ପୁଣିଥରେ ଟ୍ରାନ୍ସଲେଟର ପାଖକୁ ଯାଇ ସେହି ଲାଇନକୁ ଦୋହରାଇଥିଲେ | ତାପରେ ଟ୍ରାନ୍ସଲେଟର ରାହୁଲ କଥା ବୁଝି ପାରିଥିଲେ |
ଏହାପରେ ରାହୁଲ କହିଥିଲେ ଯେ, ମୋଦି ଦେଶର ଜନତାଙ୍କ ଭୋଟ ପାଇଥିଲେ | କିନ୍ତୁ ଦେଶ ବଦଳରେ ଅନିଲ ଅମ୍ବାନୀଙ୍କ ଚୌକିଦାର ହୋଇଛନ୍ତି | ରାହୁଲଙ୍କ ଏହି ଲାଇନ ମଧ୍ୟ ଟ୍ରାନ୍ସଲେଟର ବୁଝି ପାରିନଥିଲେ | ରାହୁଲ ପୁଣିଥରେ ଟ୍ରାନ୍ସଲେଟରଙ୍କ ପାଖକୁ ଯାଇ ସେହି ଲାଇନ ଦୋହରାଇଥିଲେ | କିନ୍ତୁ ତଥାପି ଟ୍ରାନ୍ସଲେଟର ତାଙ୍କ କଥା ବୁଝି ପାରିନଥିଲେ | ରାହୁଲ ନିଜ ହସକୁ ଆଉ ଅଟକାଇ ପାରିନଥିଲେ ଏବଂ ମଂଚ ଉପରେ ହସି ଦେଇଥିଲେ |
ଆଗକୁ ରାହୁଲ କହିଲେ ଅନିଲ ଅମ୍ବାନୀ କେବେ ଏୟାର କ୍ରାଫ୍ଟ ତିଆରି କରିନଥିଲେ | ତାଙ୍କୁ ମୋଦି ୩୦ ହଜାର କୋଟି ଦେଇଛନ୍ତି | ମୋଦି ବିଶ୍ୱର ସବୁଠାରୁ ବଡ ଡିଫେନ୍ସ କଣ୍ଟ୍ରାକ୍ଟ ଅମ୍ବାନୀଙ୍କୁ ଦେଇଛନ୍ତି | ଏହି ଲାଇନ ମଧ୍ୟ ତାଙ୍କ ଟ୍ରାନ୍ସଲେଟର ବୁଝି ପାରିନଥିଲେ | ଏହାପରେ କିନ୍ତୁ ରାହୁଲ ଟ୍ରାନ୍ସଲେଟର ପାଖକୁ ଆସିନଥିଲେ | ବରଂ ସେ ନିଜେ ରାହୁଲ ଗାନ୍ଧୀଙ୍କୁ ପ୍ରଶ୍ନ କରିଥିଲେ | ରାହୁଲଙ୍କ ଏହି ଭିଡିଓକୁ ସୋସିଆଲ ମିଡ଼ିଆରେ ଟ୍ରଲ କରି ତାଙ୍କୁ ପରିହାସ କରାଯାଇଛି | ମଂଚ ଉପରେ ଯାହାସବୁ ଜନତା ଦେଖିଲେ ହସି ହସି ଗଡିଗଲେ | ସୋସିଆଲ ମିଡ଼ିଆ ୟୁଜର ରାହୁଲଙ୍କୁ ଦୁନିଆର ସବୁଠାରୁ ଭଲ ହାସ୍ୟ ଅଭିନେତା ବୋଲି କହୁଛନ୍ତି | ସୋସିଆଲ ମିଡ଼ିଆରେ କୁହାଯାଉଛି ଯେ, କପିଳ ଶର୍ମା ଶୋ' ବଦଳରେ ରାହୁଲ ଗାନ୍ଧୀ ଶୋ' ଚାଲିବା କଥା |
ମଂଚ ଉପରେ ରାହୁଲ ଗାନ୍ଧୀଙ୍କ ପଛପଟେ ଛିଡା ହୋଇଥିବା ତାଙ୍କର ଦେହରକ୍ଷୀଙ୍କ ପ୍ରତିକ୍ରିୟା ଦେଖି ମଧ୍ୟ ଲୋକେ ଆଶ୍ଚର୍ଯ୍ୟ ହୋଇଛନ୍ତି | ଲୋକେ କହିବାନୁଯାୟୀ ଏତେ ମଜାଳିଆ ଦୃଶ୍ୟରେ ମଧ୍ୟ ରାହୁଲଙ୍କ ଦେହରକ୍ଷୀଙ୍କ ମୁହଁରେ ଟିକିଏ ହସ ନଥିଲା | ସେମାନେ କେମିନି ନ ହସି ସେଠାରେ ଛିଡା ହୋଇରହି ପାରିଲେ ସେନେଇ ଲୋକେ ଆଶ୍ଚର୍ଯ୍ୟ ହୋଇଛନ୍ତି |