Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଗସ୍ତି ନୂଆଗାଁ ଓ ଚମାଖଣ୍ଡି ପଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ
  • ||
  • ରାଜ୍ୟରେ ବୁଧବାର ସୁସ୍ଥହେଲେ ଆଉ ୧୦ହଜାର ୭୮ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୭୩ ଜଣ ଡିସଚାର୍ଜ
  • ||
  • ପାଟ୍ରୋଲିଂ ଗାଡିକୁ ଚକ୍‌ମା ଦେଇ ଖସିଯିବା ବେଳେ ଗୋଡାଇ ଗୋଡାଇ କାବୁ କଲା ପୋଲିସ: ଅଟୋରୁ ବିପୁଳ ଗଞ୍ଜେଇ ଜବତ, ୫ ଗିରଫ
  • ||
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||

ବଜାରକୁ ଟ୍ରାନ୍ସଜେଣ୍ଡରଙ୍କ ପ୍ରବେଶ ଉପରେ ଲାଗିଲା କଟକଣା, ଜାଣନ୍ତୁ କେଉଁଠି

28/09/2019 at 6:02 PM

ସୁରଟ: ଗୁଜରାଟର ସୁରଟ ସହରରେ ଏକ ବଜାର ଟ୍ରାନ୍ସଜେଣ୍ଡରଙ୍କ ପ୍ରବେଶ ଉପରେ କଟକଣା ଲାଗୁ କରିଛି। ବ୍ୟବସାୟୀ ସଂଘ ଏହି କଟକଣା ଲାଗୁ କରିଥିବା ବେଳେ ସ୍ଥାନୀୟ କିନ୍ନର ସଂଘ ଏହାକୁ ବିରୋଧ କରିଛି। ଜଣକର ଭୁଲଲାଗି ଏପରି କଟକଣା ସମସ୍ତଙ୍କୁ ଦଣ୍ଡିତ କରାଯିବା ଭଳି ହୋଇଥିବା କିନ୍ନର ସଂଘ କହିଛି। ତେବେ କିନ୍ନରମାନେ ଜନୈକ ବ୍ୟକ୍ତିଙ୍କୁ ପିଟିପଟି ହତ୍ୟା କରିବା ଯୋଗୁ ଜାପାନ ମାର୍କେଟର ବ୍ୟବସାୟୀ ମାନେ ଏଭଳି କଟକଣା ଜାରି କରିଛନ୍ତି । ମାର୍କେଟର କାନ୍ଥବାଡରେ ଏ ନେଇ ପୋଷ୍ଟର ମଧ୍ୟ ଲଗାଇ ଦିଆଯାଇଛି।

ମାର୍କେଟର ସଭାପତି ଏଲ.ଶର୍ମା ପ୍ରତିବନ୍ଧକକୁ ନେଇ କହିଛନ୍ତି ଯେ କିନ୍ନରମାନେ ବଜାରରେ ସ୍ଥାନୀୟ ଲୋକଙ୍କୁ ହଇରାଣ କରୁଛନ୍ତି। ସେମାନଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ କରାନଗଲେ ସେମାନେ ସୁଧୁରିବେ ନାହିଁ ବୋଲି କହିଛନ୍ତି। ତେବେ ବଜାରର ବ୍ୟବସାୟୀଙ୍କ ଏଭଳି କାର୍ଯ୍ୟାନୁଷ୍ଠାନକୁ କିନ୍ନରମାନେ ଅନୁଚିତ ବୋଲି କହିଛନ୍ତି। ବଜାରରୁ ହେଉଥିବା ରୋଜଗାରରେ ଆମ ପରିବାର ଚଳୁଛି। ଏଣୁ କଟକଣା ଯୋଗୁ ସମସ୍ତେ ବ୍ୟଥିତ ବୋଲି କିନ୍ନରମାନେ କହିଛନ୍ତି।

ଘଟଣାରୁ ପ୍ରକାଶ ଯେ ଜାପାନ ମାର୍କେଟର ଜନୈକ ବ୍ୟବସାୟୀ ଗହରୀଲାଲ ଖଟିକଙ୍କ ଘରେ ଏକ ପୁଅ ଜନ୍ମ ହୋଇଥିଲା। ସୂଚନା ପାଇ ନେଗ ମାଗିବାକୁ କିନ୍ନରମାନେ ତାଙ୍କ ଘରକୁ ଯାଇଥିଲେ। କିନ୍ନରମାନେ ନେଗ ଲାଗି ୧୧ ହଜାର ଟଙ୍କା ଦାବି କରିଥିଲେ। ହେଲେ ଗହରୀଲାଲ ୨ହଜାର ଏକ ଶହ ଟଙ୍କା ଦେବାକୁ କହିଥିଲେ। ଏହି କଥାକୁ ନେଇ କିନ୍ନର ଓ ଗହରୀଲାଲଙ୍କ ମଧ୍ୟରେ ଝଗଡା ହୋଇଥିଲା। ଏଥିରେ କିନ୍ନରମାନେ ଗହରୀଲାଲଙ୍କୁ ନିସ୍ତୁକ ମାଡ ମାରିଥିଲେ। ଫଳରେ ସେ ଗୁରୁତର ଆହତ ହୋଇଥିବା ବେଳେ ତାଙ୍କୁ ହସ୍ପିଟାଲକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏଥିରେ ମାର୍କେଟର ବ୍ୟବସାୟୀମାନେ ବ୍ୟଥିତ ହୋଇ କିନ୍ନରଙ୍କ ଲାଗି ମାର୍କେଟ ଅଞ୍ଚଳରେ ପ୍ରବେଶ ନିଷେଧ ଲଟକା ଟଙ୍ଗାଇଛନ୍ତି।

   Related Posts