Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ବିଧାନସଭା ଓ ଲୋକସଭା ପ୍ରାର୍ଥୀ ହେବାକୁ ମନ ବଳାଇଛନ୍ତି କିନ୍ନର

16/03/2019 at 5:35 PM

ଭୁବନେଶ୍ବର ୧୬/୩: ନିର୍ବାଚନକୁ ଆଉ ମାତ୍ର ଦିନ କେଇଟା ବାକି । କିନ୍ତୁ କୌଣସି ଦଳ ସେମାନଙ୍କ ପ୍ରାର୍ଥୀ ତାଲିକା ଘୋଷଣା କରିନାହାନ୍ତି । କାହାକୁ ମିଳିବ ଟିକେଟ୍ କାହାର କଟିବ ପତ୍ତା ତାକୁ ନେଇ ଜୋରଦାର ଚର୍ଚ୍ଚା । ନବୀନ ନିବାସ ହେଉ କି ବିଜେପି, କଂଗ୍ରେସ ଅଫିସ ସବୁଠି ଆଶାୟୀଙ୍କ ଲମ୍ବା ଧାଡି । ଏତିକି ବେଳେ ପଲିଟିକ୍ସକୁ ମନ ବଳାଇଛନ୍ତି କିନ୍ନର । … 

ପାୱାର ବା କ୍ଷମତା କାହାକୁ ବା ଭଲ ନଲାଗେ । ସାଧାରଣ ନିର୍ବାଚନ ପାଇଁ କୌଣସି ଦଳ ପ୍ରାର୍ଥୀ ଘୋଷଣା କରିନଥିବା ବେଳେ ପଲିଟିକ୍ସକୁ ମନ ବଳାଇଛନ୍ତି କିନ୍ନର । ଲୋକସଭା ପାଇଁ ବିଜୁ ଜନତା ଦଳ ୩୩ ପ୍ରତିଶତ ମହିଳାଙ୍କୁ ପ୍ରାର୍ଥୀ କରିବ ବୋଲି ଘୋଷଣା କରିଛି । କିନ୍ତୁ କିନ୍ନରଙ୍କ କଥା କେମିତି ଭୁଲିଲେ ବୋଲି ସେମାନେ ପ୍ରଶ୍ନ କରିଛନ୍ତି । କେବଳ ବିଜେଡି କାହିଁକି ବିଜେପି, କଂଗ୍ରେସ ମଧ୍ୟ କିନ୍ନରମାନଙ୍କ କ୍ଷେତ୍ରରେ କାହିଁକି ଉଦାରତା ଦେଖାଉ ନାହାନ୍ତି ବୋଲି କ୍ଷୋଭର ସହ କହିଛି କିନ୍ନର ସମାଜ ।

ଜଣେ କିନ୍ନରର ଦୁଃଖ ଆଉ ଜଣେ କିନ୍ନର ହିଁ ବୁଝିପାରିବ । ପ୍ରତିଦିନ ଦୁଃଖକୁ ସାଥୀ କରି ବଞ୍ଚୁଥିବା କିନ୍ନର ବିଧାନସଭା ଓ ଲୋକସଭା ପ୍ରାର୍ଥୀ ହେବାକୁ ମନ ବଳାଇଛନ୍ତି । କଟକରେ ଅନେକ ଶିକ୍ଷିତ ଓ ଯୋଗ୍ୟ ପ୍ରାର୍ଥୀ ଥିବା ସେମାନେ କହିଛନ୍ତି । ତେଣୁ ପ୍ରାର୍ଥୀ ଘୋଷଣା ପୂର୍ବରୁ ରାଜନୈତିକ ଦଳମାନେ କିନ୍ନରଙ୍କ କଥାକୁ ବିଚାରକୁ ନେବାକୁ ସେମାନେ ଦାବି କରିଛନ୍ତି ।

   Related Posts