ଦୁବାଇ, ୧୦।୧୧: ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଆଜି ଆଇପିଏଲ-୧୩ର ଫାଇନାଲ ମ୍ୟାଚ୍ ଖେଳାଯିବା । ଟ୍ରଫି ଜିତିବା ପାଇଁ ମୁହାଁମୁହିଁ ହେବେ ମୁମ୍ବାଇ-ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ । ତେବେ ମ୍ୟାଚ୍ ପୂର୍ବରୁ ଦିଲ୍ଲୀ ପାଇଁ ଏକ ଖରାପ ଖବର ଆସିଛି । କାରଣ ଏକଦା ଦିଲ୍ଲୀ ପାଇଁ ଖେଳୁଥିବା ବୋଲର ଟ୍ରେଣ୍ଟ୍ ବୋଲ୍ଚ ଏବେ ପୁରା ଫିଟ୍ ହୋଇଯାଇଛନ୍ତି । ସେ ମୁମ୍ବାଇ ଦଳରେ ସାମିଲ ହୋଇପାରନ୍ତି ।
ଏନେଇ ଅଧିନାୟକ ରୋହିତ ଶର୍ମା କହିଛନ୍ତି ଯେ, ମୁମ୍ବାଇ ଚଳିତ ସିଜିନରେ ଟ୍ରେଣ୍ଟ୍ ବୋଲ୍ଟଙ୍କୁ କିଣିଥିଲା । ଏହା ଏକ ଭଲ ନିଷ୍ପତ୍ତି ଥିଲା ଯ କାରଣ ବୋଲ୍ଟ ଚଳିତ ସିଜିନରେ ଦଳ ପାଇଁ ଉପଯୋଗୀ ସାବ୍ୟସ୍ତ ହୋଇଛନ୍ତି । ଫାଇନାଲରେ ମଧ୍ୟ ସେ ପ୍ରଭାବୀ ସାବ୍ୟସ୍ତ ହେବେ ବୋଲି ଆଶା କରାଯାଉଛି । ସେ ଭଲ ସ୍ଥିତିରେ ଅଛନ୍ତି ।
{"id":359495,"sizeSlug":"large"}କ୍ୱାଲିଫାୟାର-୧ରେ ବୋଲ୍ଟ ଆହତ ହୋଇଥିଲେ । ତେଣୁ ସେ ସମ୍ପୂର୍ଣ୍ଣ ଓଭର ବୋଲିଂ କରିପାରି ନଥିଲେ । ତେବେ ୨ ଓଭର ବୋଲିଂ କରି ସେ ଦୁଇଟି ଓ୍ୱିକେଟ୍ ନେଇଥିଲେ ।
ଆଜିର ଫାଇୱାଲ ଜିତି ମୁମ୍ବାଇ ପାଞ୍ଚମ ଥର ପାଇଁ ଆଇପିଏଲ ଟ୍ରଫି ଜିତିବା ଲକ୍ଷ୍ୟରେ ରହିବ । ସେହିପରି ଦିଲ୍ଲୀ ମଧ୍ୟ ପ୍ରଥମ ଥର ପାଇଁ ଚାମ୍ପିଅନ ହେବା ନେଇ ପ୍ରୟାସ କରିବ । ଦିଲ୍ଲୀ ଆଇପିଏଲର ୧୩ ବର୍ଷର ଇତିହାସରେ ପ୍ରଥମ ଥର ପାଇଁ ଫାଇନାଲରେ ପ୍ରବେଶ କରିଛି ।