Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ଜୁନ ପହିଲାରୁ ଚାଲିବ ଟ୍ରେନ: ଯାତ୍ରୀଙ୍କ ପାଇଁ ଜାରି ହେଲା ଗାଇଡଲାଇନ୍, ପଢନ୍ତୁ କ’ଣ ନିୟମ

21/05/2020 at 7:09 PM

ନୂଆଦିଲ୍ଲୀ, ୨୧|୦୫: ଜୁନ ପହିଲାରୁ ସାରା ଦେଶରେ ଆରମ୍ଭ ହେବାକୁ ଯାଉଛି ଟ୍ରେନ୍ ସେବା । କରୋନା ଭାଇରସ ଓ ଲକଡାଉନ୍ ପାଇଁ ଦୀର୍ଘ ୨ ମାସରୁ ଅଧିକ ସମୟ ଧରି ବନ୍ଦ ରହିଥିବା ଟ୍ରେନ ଚଳାଚଳ ପୁଣି ଆରମ୍ଭ ହେବ । ପୁଣି ଟ୍ରାକରେ ଗଡିବ ଟ୍ରେନ । ତେବେ ସଂକ୍ରମଣ ରୋକିବା ସହ ଯାତ୍ରା ବେଳେ ଓ ଟିକେଟ୍ ବୁକିଂ ସମୟରେ ଗାଇଡଲାଇନ୍ ମାନିବାକୁ ହେବ । ଏଥିପାଇଁ ରେଳବାଇ ପକ୍ଷରୁ ଯାତ୍ରୀଙ୍କ ପାଇଁ ଗାଇଡଲାଇନ୍ ଜାରି କରାଯାଇଛି ।

ମେ ୨୧ ଗୁରୁବାର ଠାରୁ ଆଜି ୧୦୦ ଯୋଡା ଟ୍ରେନ ପାଇଁ ଟିକେଟ୍ ବୁକିଂ ଆରମ୍ଭ ହୋଇଛି । ଏହି ଟ୍ରେନରେ କୌଣସି ଅଣସଂରକ୍ଷିତ ବଗି ନାହିଁ । ସାଧାରଣ ଦର ଅନୁଯାୟୀ ଟିକେଟ୍ ମିଳିବ । ସମସ୍ତ ଯାତ୍ରୀଙ୍କୁ ସିଟ୍ ମିଳିବ । କେବଳ ଆଇଆରସିଟିସି ଓ୍ୱେବସାଇଟ୍  ଓ ଆପ୍ ଜରିଆରେ ହିଁ ଟିକେଟ୍ ବୁକିଂ କରାଯିବ ।

ଯାତ୍ରା ପୂର୍ବରୁ ଯାତ୍ରୀଙ୍କ ସ୍କ୍ରିନିଂ କରାଯିବ । କୌଣସି ଲକ୍ଷଣ ନଥିଲେ ଯାତ୍ରା ପାଇଁ ଅନୁମତି ମିଳିବ । ସେହିପରି ଟ୍ରେନରେ ଦିବ୍ୟାଙ୍ଗଙ୍କ ପାଇଁ ରିହାତି ବ୍ୟବସ୍ଥା ରହିଛି ।

ଯାତ୍ରୀଙ୍କ ପାଇଁ ଗାଇଡଲାଇନ୍

୧ କେବଳ ଟିକେଟ୍ କନଫର୍ମ ଥିବା ଯାତ୍ରୀଙ୍କୁ ରେଳ ଷ୍ଟେସନରେ ପ୍ରବେଶ ଅନୁମତି ମିଳିବ ।ସାମାଜିକ ଦୂରତା ସହ ଦେଢ ଘଣ୍ଟା ପୂର୍ବରୁ ଥର୍ମାଲ ସ୍କ୍ରିନିଂ ପାଇଁ ଷ୍ଟେସନରେ ପହଁଚିବାକୁ ହେବ ।

୨ ରେଳ ଯାତ୍ରା ବେଳେ କୌଣସି ଖାଦ୍ୟ ମିଳିବ ନାହିଁ । ଇକ୍ୟାଟରିଂକୁ ହଟାଇ ଦିଆଯାଇଛି । ଆଇଆରସିଟି କେବଳ ସୀମିତ ସଂଖ୍ୟକ ଖାଦ୍ୟ ପ୍ରଦାନ କରିବ ।  ସାଥିରେ ଖାଦ୍ୟ ନେଇ ଆସିବାକୁ ଯାତ୍ରୀଙ୍କୁ ପରାମର୍ଶ ।

୩ ଟ୍ରେନରେ ଚଦର, କମ୍ବଳ ଦିଆଯିବ ନାହିଁ । ଏପରିକି ଭିଡ ଏଡାଇବା ଲାଗି ପୃଥକ ପ୍ରବେଶ  ଓ ପ୍ରସ୍ଥାନ ବ୍ୟବସ୍ଥା ରହିବ ।

୪ ଯାତ୍ରୀମାନେ ଷ୍ଟେସନରେ ସାମାଜିକ ଦୂରତା ପାଳନ କରିବା ସହ ସ୍ୱଚ୍ଛତା ଅବଲମ୍ବନ କରିବେ ।

୫ ସମସ୍ତ ଯାତ୍ରୀଙ୍କୁ ଆରୋଗ୍ୟ ସେତୁ ଆପ୍ ଡାଉନଲୋଡ୍ କରିବା ବାଧ୍ୟତାମୂଳକ । ଏହାସହ ଏହାର ବ୍ୟବହାର ମଧ୍ୟ କରିବା ଜରୁରୀ ।

୬ ସାଙ୍ଗରେ ଲାଇଟ୍ ନେବାକୁ ଯାତ୍ରୀଙ୍କୁ ପରାମର୍ଶ

୭ ଟ୍ରେନକୁ ନେଇ ଆସିଥିବା ଗାଡିର ଡ୍ରାଇଭରମାନଙ୍କୁ ମଧ୍ୟ ଫେରିବା ପାଇଁ ଅନୁମତି ମିଳିବ ।

୮ କରୋନା ଲକ୍ଷଣ ପାଇଁ ଟ୍ରେନ ଯାତ୍ରା ଅନୁମତି ନମିଳିଲେ ଟିକେଟ୍ ଅର୍ଥ ଫେରସ୍ତ କରାଯିବ ।

୯ ଗନ୍ତବ୍ୟସ୍ଥଳରେ ପହଁଚିବା ପରେ ଯାତ୍ରୀଙ୍କୁ ରାଜ୍ୟ ପକ୍ଷରୁ ଜାରି ସ୍ୱାସ୍ଥ୍ୟ ନିୟମ ପାଳନ କରିବାକୁ ହେବ ।

   Related Posts