Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଶ୍ରମିକଙ୍କୁ ନେଇ ଯାଉଥିବା ଟ୍ରେନ୍‌ରେ ଅଘଟଣ, ଇଞ୍ଜିନରୁ ଅଲଗା ହେଇଗଲା ୨୦ବଗି : ଭୋକରେ ଡହଳବିକଳ ହେଲେ ଯାତ୍ରୀ

10/05/2020 at 12:42 PM

ସୁରଟ ୧୦/୦୫ : ପ୍ରବାସୀ ଶ୍ରମିକଙ୍କୁ ନେଇ ଗୁଜରାଟ ସୁରଟରୁ ଉତ୍ତର ପ୍ରଦେଶ ପ୍ରୟାଗରାଜ ଯାଉଥିବା ଏକ ଟ୍ରେନର ୨୦ଟି ଡବା ପଛରେ ରହିଯାଇଛି | ଇଞ୍ଜିନ ସହ ବାକିତକ ଡବା ଚାଲିଯାଇଥିଲା | ଘଟଣା ସମ୍ପର୍କରେ ଷ୍ଟେସନ ଗାର୍ଡ ଷ୍ଟେସନ ମାଷ୍ଟରଙ୍କୁ ସୂଚନା ଦେଇଥିଲେ | ସୂଚନା ଅନୁଯାୟୀ, ଇଞ୍ଜିନ ସହ ୩ଟି ବଗି ଭଟୋଲି ଷ୍ଟେସନରୁ ଅଲଗା ହୋଇ ଆଗକୁ ଚାଲିଯାଇଥିଲା ଏବଂ ବାକି ୨୦ ଟି ବଗି ପଛରେ ରହିଯାଇଥିଲା |

ଏହି ଟ୍ରେନରେ ଯାତ୍ରା କରୁଥିବା ଜଣେ ଯାତ୍ରୀ କହିଛନ୍ତି ଯେ, ଫ୍ୟୁଜନ ଯୋଗୁଁ ଟ୍ରେନର ୨୦ଟି ବଗି ପଛରେ ରହିଯାଇଥିଲା | ଏକ ବଡ ଦୁର୍ଘଟଣା ଘଟିବା ପୂର୍ବରୁ ସେମାନେ ରକ୍ଷା ପାଇଯାଇଛନ୍ତି ବୋଲି ଯାତ୍ରୀ ଜଣକ କହିଛନ୍ତି | ସେ କହିଛନ୍ତି ଯେ ଶନିବାର ଦିନ ସୁରଟରୁ ଇଲାହାବାଦକୁ ଯାତ୍ରା ଆରମ୍ଭ କରିଥିଲେ | କିନ୍ତୁ ଏବେ ଯାଏଁ ତାଙ୍କୁ କିଛି ଖାଇବାକୁ କିମ୍ବା ପିଇବାକୁ ମିଳିନାହିଁ | ଭୋକରେ ଯାତ୍ରୀ ଡହଳବିକଳ ହେଉଛନ୍ତି | କାରଣ ଟ୍ରେନ ସେଠାରେ ୩ ଘଣ୍ଟା ପର୍ଯ୍ୟନ୍ତ ଅଟକି ରହିଥିଲା | କିନ୍ତୁ ଏପର୍ଯ୍ୟନ୍ତ କୌଣସି ବ୍ୟବସ୍ଥା କରାଯାଇନାହିଁ ବୋଲି ସେ କହିଛନ୍ତି |

   Related Posts