Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଜର୍ଟି ଟନେଲରେ ମାଲବାହି ଟ୍ରେନ୍ ଲାଇନଚ୍ୟୁତ: ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଉଦ୍ଧାର କାର୍ଯ୍ୟ ଜାରି

29/12/2020 at 6:55 PM

କୋରାପୁଟ୨୮/୧୨: କୋରାପୁଟ- କିରଣ୍ଡୁଲ ରେଳପଥର ଜର୍ଟି ଷ୍ଟେସନଠାରୁ ୩ କିମି ଦୂରରେ ମଙ୍ଗଳବାର ଭୋରରୁ ମାଲବାହି ଟ୍ରେନ ଲାଇନ୍‌ଚ୍ୟୁତ ଘଟିଛି। ଲୁହପଥର ବୋଝେଇ ମାଲବାହି ଟ୍ରେନଟି କିରଣ୍ଡୁଲରୁ ବିଶାଖାପାଟଣା ଅଭିମୁଖେ ଯାଉଥିବା ବେଳେ ଭୋର ସାଢ଼େ ୪ଟାରେ ଟନେଲ୍ ନଂ ୪୫ ମଧ୍ୟରେ ଲାଇନଚ୍ୟୁତ ହୋଇଛି।

୧୩ଟି ବଗି ଲାଇନଚ୍ୟୁତ ହୋଇଛି। ଫଳରେ ଏହି ରେଳପଥରେ ଯାତାୟତ କରୁଥିବା ବିଶାଖାପାଟଣା କିରଣ୍ଡୁଲ ସ୍ବତନ୍ତ୍ର ଯାତ୍ରୀବାହି ଟ୍ରେନ ଗମନାଗମନରେ ପ୍ରଭାବିତ ହୋଇଛି। ବିଶାଖାପାଟଣାରୁ କିରଣ୍ଡୁଲ ଯାଉଥିବା ସ୍ବତନ୍ତ୍ର ଯାତ୍ରୀବାହି ଟ୍ରେନଟି କୋରାପୁଟରୁ ବିଶାଖାପାଟଣା ଫେରି ଯାଇଥିବା ଷ୍ଟେସନ ମ୍ୟାନେଜର କହିଛନ୍ତି।

ମଙ୍ଗଳବାର ସକାଳେ କୋରାପୁଟରୁ ସ୍ବତନ୍ତ୍ର ରିଲିଫ ଟ୍ରେନ ଘଟଣାସ୍ଥଳରେ ପହଞ୍ଚି ଉଦ୍ଧାର କାରି ରଖିଛି। ଏଥିସହ ସ୍ଥାନୀୟ ଅଞ୍ଚଳର ଶତାଧିକ ଶ୍ରମିକମାନଙ୍କ ଦ୍ବାରା କାର୍ଯ୍ୟକୁ ତ୍ବରାନ୍ବିତ କରିଛନ୍ତି। ସଫେଇ କାର୍ଯ୍ୟ ବୁଧବାର ପର୍ଯ୍ୟନ୍ତ ଜାରି ରହିବ। ଏହା ପରେ ସ୍ବତନ୍ତ୍ର ଇଞ୍ଜିନିୟରମାନଙ୍କ ଦ୍ବାରା ଟ୍ରେନ ଟ୍ରାକ ମରାମତି କରାଯିବ।

   Related Posts