ନୂଆଦିଲ୍ଲୀ, ୦୮।୦୪: ଦେଶରେ କରୋନା ସଂକ୍ରମଣ ଦ୍ରୁତ ଗତିରେ ବଢିଚାଲିଛି। ଏହାକୁ ନଜରରେ ରଖି ଭାରତୀୟ ରେଳବାଇ ପୁଣି ଥରେ କିଛି ଟ୍ରେନକୁ ରବ୍ଦ କରିଦେଇଛି । ରେଳବାଇ ତେଜସ ଏକ୍ସପ୍ରେସକୁ କିଛି ଦିନ ପାଇଁ ରବ୍ଦ କରିଛି । ରେଳବାଇ ପକ୍ଷରୁ ବୟାନ ଜାରି କରାଯାଇ ଏନେଇ ସୂଚନା ଦିଆଯାଇଛି ।
ଭାରତୀୟ ରେଳବାଇ ପକ୍ଷରୁ କୁହାଯାଇଛି ଯେ, ଏପ୍ରିଲ ୯ରୁ ୯୦ ଯାଏଁ ଅସ୍ଥାୟୀ ଭାବେ ଲକ୍ଷ୍ନୌ-ଦିଲ୍ଲୀ ତେଜସ ଏକ୍ସପ୍ରେସ ସେବା ବନ୍ଦ କରାଯାଇଛି । ଭବିଷ୍ୟତର ସ୍ଥିତିକୁ ଦେଖି ପରବର୍ତ୍ତୀ ନିଷ୍ପତ୍ତି ଗ୍ରହଣ କରାଯିବ । ଏହି ଟ୍ରେନ ସପ୍ତାହରେ ୪ ଦିନ ଶୁକ୍ରବାର, ଶନିବାର, ରବିବାର ଓ ସୋମବାର ଚଳାଚଳ କରିଥାଏ ।
ଏହାପୂର୍ବରୁ ଆଇଆରସିଟିସି ଅହମ୍ମଦାବାଦ-ମୁମ୍ବାଇ ତେଜସ୍ ଏକ୍ସପ୍ରେସକୁ ଏପ୍ରିଲ ୨ରୁ ବନ୍ଦ କରିଦେଇଥିଲା । ପଶ୍ଚିମ ରେଳବାଇ ନିଜର ଟ୍ୱିଟର ପେଜରେ ଏନେଇ ସୂଚନା ଦେଇଥିଲା ।
ନଭେମ୍ବର ୨୪ରେ ମଧ୍ୟ ହୋଇଥିବା ବନ୍ଦ
୨୦୨୦ ନଭେମ୍ବର ୨୪ରେ ଆଇଆରସିଟିସି ଟ୍ରେନରେ କମ୍ ଯାତ୍ରୀ ସଂଖ୍ୟାକୁ ଦେଖି କ୍ୟାନସଲ୍ କରିଦେଇଥିଲା । ମହାମାରୀ ପାଇଁ ଏଥିରେ ବହୁତ କମ୍ ଯାତ୍ରୀ ଟିକେଟ୍ କରିଥିଲେ । ଏହି କାରଣରୁ ଟ୍ରେନକୁ କ୍ୟାନସଲ୍ କରିବାକୁ ପଡିଥିଲା ।