Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

‘ଟ୍ରେନ୍-୧୮’: ଭାରତର ପ୍ରଥମ ଇଞ୍ଜିନବିହୀନ ରେଳ ଅକ୍ଟୋବର ୨୯ରେ ଟ୍ରାକକୁ ଓହ୍ଲାଇବ, ଶତାବ୍ଦୀକୁ ପକାଇବ ପଛରେ

25/10/2018 at 7:38 PM

ଚେନ୍ନାଇ୨୫|୧୦: ‘ଟ୍ରେନ୍-୧୮’ ହେଉଛି ଭାରତର ପ୍ରଥମ ଇଞ୍ଜିନ ବିହୀନ ଟ୍ରେନ୍ ଯାହା ଅକ୍ଟୋବର ୨୯ତାରିଖରେ ଟ୍ରାକକୁ ଓହ୍ଲାଇବ। ଏହା ୩୦ବର୍ଷ ପୁରୁଣା ଶତାବ୍ଦୀ ଏକ୍ସପ୍ରେସକୁ ପଛରେ ପକାଇଦେବ ।

ଏହା ଏକ ସ୍ବତଃ ଗତିଶୀଳ ବା ଅଟୋମେଟିକ ଟ୍ରେନ୍ । ୧୬କୋଚ୍ ବିଶିଷ୍ଟ ଏହି ଆଧୁନିକ ସୁବିଧା ସମ୍ପନ୍ନ ଟ୍ରେନ୍ ଶତାବ୍ଦୀ ଏକ୍ସପ୍ରେସ ଠାରୁ ଦ୍ରୁତତର ହେବ । ଶତାବ୍ଦୀ ଟ୍ରେନ ଘଣ୍ଟାକୁ ୧୩୦ କିଲୋମିଟର ବେଗରେ ଗତି କରିବାର କ୍ଷମତା ରଖୁଥିବା ବେଳେ ଟ୍ରେନ-୧୮ ସର୍ବାଧିକ ୧୬୦ କିଲୋମିଟର ବେଗରେ ଗତି କରିବ । ଶତାବ୍ଦୀ ତୁଳନାରେ ଟ୍ରେନ-୧୮ ପନ୍ଦର ପ୍ରତିଶତ କମ ସମୟରେ ଗନ୍ତବ୍ୟସ୍ଥଳରେ ପହଂଚିବ ।

୧୮ମାସ ମଧ୍ୟରେ  ଚେନ୍ନାଇର ଇଣ୍ଟିଗ୍ରାଲ କୋଚ ଫେକ୍ଟ୍ରୀରେ ପ୍ରସ୍ତୁତ ହୋଇଛି ଟ୍ରେନ-୧୮। ଏହା ସମ୍ପୂର୍ଣ୍ଣ ଶୀତତାପ ନିୟନ୍ତ୍ରିତ। ଏଠାରେ ଯାତ୍ରୀମାନେ ବସି ସିଧାସଳଖ ଚାଳକଙ୍କ ବସିଥିବା ସ୍ଥାନକୁ ଦେଖିପାରିବେ। ଟ୍ରେନରେ ୫୭ ସିଟ୍‌ ବିଶିଷ୍ଟ ଏକ ଏକଜ୍ୟୁକୁଟିଭ କୋଚ ବ୍ୟବସ୍ଥା ମଧ୍ୟ କରାଯାଇଛି । ତେବେ ଅନ୍ୟ ୧୫ଟି କୋଚରେ ୭୮ଟି ଲେଖାଏଁ ସିଟ୍‌ ରହିଛି ।

ଏହାର ନିର୍ମାଣରେ ପାଖାପାଖି ୧୦୦କୋଟି ଟଙ୍କା ବିନିଯୋଗ ହୋଇଛି। ତେବେ ଏହା ପରୀକ୍ଷାମୂଳକ ପର୍ଯ୍ୟାୟର ନିର୍ମାଣ ହୋଇଥିବାରୁ ଅଧିକ ଅର୍ଥ ଲାଗିଛି । ନିୟମିତ ନିର୍ମାଣ ହେଲେ ଏହାର ନିର୍ମାଣ ଖର୍ଚ୍ଚ ଆହୁରି ହ୍ରାସ ପାଇବ ବୋଲି ନିର୍ମାଣକାରୀ ସଂସ୍ଥା ପକ୍ଷରୁ କୁହାଯାଇଛି ।

ଏଥିରେ ସିସି ଟିଭି କ୍ୟାମେରାଲାଗିଛି। ଟ୍ରେନ-୧୮ରେ ଡିଫ୍ୟୁଜଡ୍‌ ଲାଇଟ ବ୍ୟବସ୍ଥା , ଅଟୋମେଟିକ କବାଟ ଏବଂ ସ୍ଲାଇଡ୍‌ ହେଉଥିବା ପାହାଚ ସାଂଗକୁ ଟ୍ରେନରେ ଯାତ୍ରୀଙ୍କ ତଥ୍ୟ ପାଇଁ ଜିପିଏସର ବ୍ୟବସ୍ଥା ରହିଛି।

ଅକ୍ଟୋବର ୨୯ ତାରିଖରୁ ୪ ଦିନ ପାଇଁ ଏହି ଟ୍ରେନକୁ ପରୀକ୍ଷାମୂଳକଭାବେ ବିଭିନ୍ନ ରୁଟ୍‌ରେ ଚଲାଯିବ ।  ଏହାପରେ ଟ୍ରେନରେ ଅଧିକ ସୁବିଧା ଉପଲବ୍ଧ କରାଇବା ପାଇଁ ଏହାକୁ ରିସର୍ଚ୍ଚ ଏବଂ ଡେଭଲପମେଣ୍ଟ ବିଭାଗକୁ ହସ୍ତାନ୍ତର କରାଯିବ ।

୧୯୮୮ ମସିହାରୁ ଆରମ୍ଭ ହୋଇଥିବା ଶତାବ୍ଦୀ ଏକ୍ସପ୍ରେସ ଦେଶର ୨୦ଟି ରୁଟ୍‌ ରେ ଚଳପ୍ରଚଳ ହେଉଛି । ଟ୍ରେନ-୧୮ ନିୟମିତ ଚଳ ପ୍ରଚଳ କଲେ ଶତାବ୍ଦୀ ଏକ୍ସପ୍ରେସକୁ ଯାତ୍ରୀ ଭୁଲିଯିବେ ।

   Related Posts