Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚମକିଲେ ଆୟର-ତ୍ରିପାଠୀ, ଏମଆଇକୁ ୭ ଓ୍ବିକେଟ୍‌ରେ ମାତ୍‌ ଦେଲା କେକେଆର
  • ||
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||

ଭିନ୍ନ ଧରଣର ଓଡିଆ ଚଳଚ୍ଚିତ୍ର ‘ ଫେରିଆ ’ : ରିଲିଜ ହେଲା ପ୍ରଥମ ଲୁକ, ଆଦିବାସୀ ଜନ ଜୀବନରେ ଅନ୍ଧବିଶ୍ବାସ ଉପରେ ଆଧାରିତ କାହାଣୀ

12/01/2019 at 7:23 PM

ଭୁବନେଶ୍ବର ୧୨|୧: ସୁମା ରିୟଲ ମିଡିଆ ପ୍ରାଇଭେଟ ଲିମିଟେଡ ଚଳଚ୍ଚିତ୍ର ନିର୍ମାଣରେ ପାଦ ଦେଇଛି । ଏହାର ପ୍ରଥମ ଚଳଚ୍ଚିତ୍ର ‘ ଫେରିଆ ’  ଖୁବ ଶୀଘ୍ର ରିଲିଜ ହେବାକୁ ଯାଉଥିବା ବେଳେ ଆଜି ଏହାର  ଅଡିଓ ତଥା ପୋଷ୍ଟର ରିଲିଜ ହୋଇଛି । ସୋଆ ପ୍ରେସିଡେଣ୍ଟ ମନୋଜ ରଞ୍ଜନ ନାୟକଙ୍କ ନିବେଦିତ ଏହି ଚଳଚ୍ଚିତ୍ରଟି ଏକ ଭିନ୍ନ ଧରଣର କାହାଣୀକୁ ନେଇ ନର୍ମାଣ କରାଯାଇଛି। ଏଥିରେ ଫିଲ୍ମର ଅଭିନେତା ଅଭିନେତ୍ରୀ ଓ କ୍ରିୟୁ ମେମ୍ବର ଯୋଗ ଦେଇଥିଲେ।  

 ଗାଁ ପାଇଁ କିଛି କରିବା ।  ମାଟି ମା ର ଋଣ ସୁଝିବା । ଏଭଳି କିଛି ନିଆରା ଚିନ୍ତା କରି ପ୍ରକାଶ ଆମେରିକାର ମୋଟା ଅଙ୍କ ଦରମା ଚାକିରି ଛାଡି ଗାଁକୁ ଫେରି ଆସେ । ପତ୍ନୀ ଜ୍ୟୋତି ଅନିଛୁକ କିନ୍ତୁ ଆପତ୍ତି କରେନା।  ଗାଁକୁ ଫେରି ପ୍ରକାଶ କିନ୍ତୁ ଦେଖୁଛି ଲୋକେ ଅନ୍ଧ ବିଶ୍ବାସ କୁସଂସ୍କାରରେ ବୁଡି ରହିଛନ୍ତି।

ଡାହାଣୀ ସନ୍ଦେହରେ କାହାକୁ ହତ୍ୟା, କିମ୍ବା ରୋଗିଣା ପିଲାକୁ ଚେଙ୍କ ଚିକିତ୍ସା। ଏସବୁକୁ ସେ  ବଦଳେଇବାକୁ ଲାଗିପଡ଼େ। ହେଲେ ହଠାତ ତାର ମୃତ୍ୟୁ ହୋଇଯାଏ। ଏ ହେଉଛି ଆଜି ମୁକ୍ତିଲାଭ କରିଥିବା ଫିଲ୍ମ ଫେରିଆର ଟ୍ରେଲରର ପ୍ରଥମ ଲୁକ୍‌।  ଯେଉଁଥିରେ ମୁଖ୍ୟ ଭୂମିକାରେ ଅଛନ୍ତି ପ୍ରୀତିରାଜ ଶତପଥୀ ଏବଂ ଜିନା ସାମଲ।

ସୋଆ ପ୍ରେସିଡେଣ୍ଟ ମନୋଜ ରଞ୍ଜନ ନାୟକଙ୍କ ନିବେଦିତ ସୁମା ରିଅଲ ମେଡ଼ିଆର ପ୍ରଥମ ଚଳଚ୍ଚିତ୍ର ‘ ଫେରିଆ ’ କୋରାପୁଟରେ ସୁଟିଂ ହୋଇଛି । ଆଜି ଚଳଚ୍ଚିତ୍ରର ଅଡିଓ ତଥା ପୋଷ୍ଟର ରିଲିଜ ହୋଇଛି । ପ୍ରମେୟ ନ୍ୟୁଜ ୭ ର ଗ୍ରୁପ ଏଡିଟର ଗୋପାଳକୃଷ୍ଣ ମୋହାପାତ୍ର, ନ୍ୟୁଜ ସେଭେନର ସମ୍ପାଦକ ଅ​‌ର୍ଦ୍ଧେନ୍ଦୁ ଦାସ ଓ ପ୍ରମେୟ ନ୍ୟୁଜ ୭ ର ସିଇଓ ସୁନୀଲ କୁମାର ଦାସ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଯୋଗ ଦେଇଥିଲେ।

ନିର୍ମଳ ନାୟକ ଫିଲ୍ମର ସଂଳାପ ଓ ଗୀତ ଲେଖିଥିବା ବେଳେ ଶାନ୍ତିରାଜ ଖୋସଲା ଏହାର ସଂଗୀତ ନିର୍ଦ୍ଦେଶନା ଦେଇଛନ୍ତି। କଳା ନିର୍ଦେଶନା ସଂଗ୍ରାମ ମହାରଣା ଦେଇଥିବାବେଳେ ଫଟୋଗ୍ରାଫି ସମ୍ଭାଳିଥିଲେ ଅମରଜିତ ମହାନ୍ତି । ଏକ ମୌଳିକ କାହାଣୀ ଉପରେ ନିର୍ମାଣ ହୋଇଥିବା ଏହି ଚଳଚିତ୍ରଟିର କାହାଣୀ ଚିତ୍ରନାଟ୍ୟ ଓ ନିର୍ଦ୍ଦେଶନା ଦେଇଛନ୍ତି ମିହିର ରଞ୍ଜନ ଆଚାର୍ଯ୍ୟ । ଏହା ତାଙ୍କ ପ୍ରଥମ ନିର୍ଦେଶିତ ଫିଲ୍ମ ।

ଚଳଚିତ୍ରଟି ଓଡିଆ ଫିଲ୍ମ ପାଇଁ ମାଇଲଷ୍ଟୋନ ହେବ । ଆଗକୁ ମଧ୍ୟ ସୁମାରିୟଲ ମଡିଆ ପକ୍ଷରୁ ଏମିତି ମୌଳିକ ଚଳଚିତ୍ର ନିର୍ମାଣ କରାଯିବ ବୋଲି ସେ କହିଛନ୍ତି ।ଫିଲ୍ମଟି ଖୁବଶୀଘ୍ର ରିଲିଜ ହେବ।

   Related Posts