ପାଟଣା ୧୭/୧୦: ମା’ ଦୁର୍ଗାଙ୍କ ମେଲାଣିରେ ମନୋସ୍କାମନା ପୂରଣ ପାଇଁ ରହିଛି ବିଚିତ୍ର ପରମ୍ପରା। ନିଆଁରେ ଚାଲି, କଣ୍ଟା ପିଢ଼ାରେ ବସିବା ସହ କଣ୍ଟା କଠଉରେ ଚାଲି ନିଜ ଶରୀରକୁ କଷ୍ଟ ଦେଇ ଏଠାରେ ମାଙ୍କୁ ପ୍ରସନ୍ନ କରିଥାନ୍ତି ମାନସିକଧାରୀ । ଯାହାକୁ ଦେଖିବାକୁ ଆଖପାଖ ଗାଁର ଲୋକଙ୍କ ସମାଗମ ହୋଇଥାଏ।  କେନ୍ଦୁଝର ଜିଲ୍ଲା ପାଟଣା ବ୍ଲକ ତ୍ରିବିନ୍ଦା ଗାଁ। ଯେଉଁଠି  ରହିଛି ଏକ ନିଆରା ପରମ୍ପରା ।

{"id":528695,"width":694,"height":390,"sizeSlug":"full","linkDestination":"none"}

ଏଠାରେ ମାଙ୍କୁ ପ୍ରସନ୍ନ କରିବା ପାଇଁ କୁକୁଡ଼ା ଓ ବୋଦା ବଳି ଦେଇଥାନ୍ତି ଲୋକେ। କେବଳ ସେତିକି ନୁହେଁ, ମାନସିକଧାରୀମାନେ ଉପବାସ ରହି କଣ୍ଟା କଠଉ ମାଡ଼ି ଚାଲନ୍ତି, କଣ୍ଟା ପିଢ଼ାରେ ଆନନ୍ଦର ସହିତ ବସିବା ଦେଖାଯାଏ । ଶେଷରେ ନିଆଁ ଉପରେ ମାନସିକଧାରୀ ଚାଲିବା ଦୃଶ୍ୟ ଲୋକମାନେ ଉପଭୋଗ କରିଥାନ୍ତି । ବିଶ୍ବାସ ରହିଛି ଏହାଦ୍ଵାରା ଗାଁକୁ କୌଣସି ବିପଦ ନ ଆସିବା ସହ ସମସ୍ତ ରୋଗବ୍ୟାଧିରୁ ରକ୍ଷା ମିଳେ ।

ବହୁ ବର୍ଷ ପୂର୍ବରୁ ବନ୍ୟା  ଗାଁର ବିପୁଳ କ୍ଷତି ଘଟାଇଥିଲା। ଏହାପରେ ଦଶହରା ମେଲାଣିରେ ଗାଁରେ ଏପରି ପରମ୍ପରା କାହିଁ କେଉଁ କାଳରୁ ରହିଆସିଛି। ମାନସିକଧାରୀ ଏଥିପାଇଁ କିଛି ଦିନ ପୂର୍ବରୁ ସ୍ବତନ୍ତ୍ର ସାଧନା କରିଥାନ୍ତି । ଏହି ପୂଜାର୍ଚ୍ଚନା ସମୟରେ ମାନସିକଧାରୀଙ୍କୁ କାଳିସୀ ଲାଗେ ବୋଲି କୁହାଯାଏ।

{"id":528696,"width":718,"height":404,"sizeSlug":"full","linkDestination":"none"}

ଏହାପରେ, ସେମାନେ କଣ୍ଟାରେ ଚାଲିବା, କଣ୍ଟା ଉପରେ ବସିବା ଓ ନିଆଁୟ ରେ ଚାଲିବା ଆଦି କାମ ଖୁବ ଆନନ୍ଦରେ କରିପାରନ୍ତି। ଶରୀରକୁ କଷ୍ଟ ଦେଇ ଭଗବାନଙ୍କୁ ପ୍ରସନ୍ନ କରିବାର ବହୁ ବର୍ଷର ପରମ୍ପରା ତ୍ରିବିନ୍ଦା ଗାଁରେ ଏବେ ବି ଜାରି ରହିଥିବା ବେଳେ ଏପରି ଦୃଶ୍ୟ ଦେଖିବାକୁ ଲୋକଙ୍କ ଭିଡ଼ ଜମିଥାଏ।