Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ଦେବଗଡ଼ର ନିଆରା ପରମ୍ପରା, ଘୋଡ଼ାଗାଡ଼ିରେ ବାହୁଡ଼ିଲେ ମହାପ୍ରଭୁ, ଦୁଇ ଦିନ ଧରି ହେଲା ରଥ ଟଣା

24/07/2021 at 3:57 PM

ଦେବଗଡ, ୨୪.୭: କୋଭିଡ କଟକଣା କାରଣରୁ ଚଳିତ ବର୍ଷ ଦ୍ବିତୀୟ ଥର ପାଇଁ ପୁରୀ ବ୍ୟତୀତ ରାଜ୍ୟର ଅନ୍ୟ ସ୍ଥାନରେ ରଥଯାତ୍ରା ବାତିଲ ହୋଇଥିବା ବେଳେ ଦେବଗଡରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ଚଳିତ ବର୍ଷ ଦେବଗଡରେ ଚତୁର୍ଦ୍ଧା ମୂର୍ତ୍ତିଙ୍କୁ ଘୋଡାଗାଡିରେ ମାଉସୀ ମାଆ ମନ୍ଦିରକୁ ନିଆଯାଇଥିଲା । ସେହିଭଳି ଶନିବାର ଘୋଡାଗାଡିରେ ବାହୁଡା ଯାତ୍ରା ଅନୁଷ୍ଠିତ ହୋଇଛି।

ଶନିବାର ପୂର୍ବାହ୍ନରେ ପ୍ରଥମେ ସୁଦର୍ଶନ ଓ ବଳଭଦ୍ରଙ୍କୁ ଘୋଡାଗାଡିରେ ମାଉସୀ ମାଆ ମନ୍ଦିରରୁ ଜଗନ୍ନାଥ ମନ୍ଦିରକୁ ନିଆଯାଇଥିଲା । ପରେ ସୁଭଦ୍ରା ଓ ଶେଷରେ ଶ୍ରୀ ଜଗନ୍ନାଥଙ୍କୁ ଘୋଡାଗାଡିରେ ଜଗନ୍ନାଥ ମନ୍ଦିରକୁ ନିଆଯାଇଥିଲା । କୋଭିଡ କଟକଣା ମଧ୍ୟରେ କଡା ପୋଲିସ ସୁରକ୍ଷା ବ୍ୟବସ୍ଥାରେ ସମସ୍ତ ଠାକୁରଙ୍କୁ ଘୋଡାଗାଡିରେ ମନ୍ଦିରକୁ ନିଆଯାଇଥିଲା । ଜଗନ୍ନାଥଙ୍କୁ ମନ୍ଦିରକୁ ଆଣିବା ସମୟରେ ଓଲଟ ବଟବୃକ୍ଷ ଛକରେ ମାଆ ଲକ୍ଷ୍ମୀ ମନ୍ଦିର ବାହାରକୁ ଆସି ଜଗନ୍ନାଥଙ୍କୁ ସ୍ବାଗତ କରିବା ସହ ସ୍ବତନ୍ତ୍ର ପୂଜା ବିଧି ଅନୁଷ୍ଠିତ ହୋଇଥିଲା ।

ପରମ୍ପରା ଅନୁଯାୟୀ ପୁରୀ ରଥଯାତ୍ରା ଦିନ ଦେବଗଡରେ ଠାକୁର ମାନଙ୍କୁ କେବଳ ପହଣ୍ଡି କରି ରଥାଋଢ କରାଯାଇଥାଏ। ପରବର୍ତ୍ତୀ ଦୁଇଦିନ ରଥ ଟଣା ଅନୁଷ୍ଠିତ ହେଉଥିବା ବେଳେ ତା ପରଦିନ ଚତୁର୍ଦ୍ଧା ମୂର୍ତ୍ତିଙ୍କୁ ମାଉସୀ ଘରକୁ ପହଣ୍ଡି କରି ବିଜେ କରାଯାଏ । ସେହିଭଳି ବାହୁଡା ଯାତ୍ରା ବେଳେ ଦୁଇ ଦିନ ରଥ ଟଣା ଅନୁଷ୍ଠିତ ହୋଇ ପୂର୍ଣ୍ଣିମା ତିଥିରେ ଠାକୁରଙ୍କୁ ମନ୍ଦିର ମଧ୍ୟକୁ ପହଣ୍ଡି କରି ନିଆଯାଇଥାଏ । ପରମ୍ପରା ଅନୁଯାୟୀ ଆଜି ଠାକୁରଙ୍କୁ ରତ୍ନବେଦୀ ମଧ୍ୟକୁ ପହଣ୍ଡି କରି ନିଆଯାଇଛି । ପୂର୍ବରୁ  ବାହୁଡାଯାତ୍ରା ପାଇଁ ଦେବଗଡ ମାଉସୀମାଆ ମନ୍ଦିରରେ ସ୍ବତନ୍ତ୍ର ନୀତିକାନ୍ତି ହୋଇଥିଲା ।

   Related Posts