Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଚୀନ ସହ ବିବାଦ ମଧ୍ୟରେ ୪୯ ପ୍ରତିଶତ ବ୍ୟବସାୟ ବୃଦ୍ଧି, ରାହୁଲ ଗାନ୍ଧୀ କହିଲେ- ‘ମେକ୍‌ ଇନ ଇଣ୍ଡିଆ’ ନାଁରେ ଭୁଆଁ ବୁଲାଉଛନ୍ତି ସରକାର

22/10/2021 at 6:51 PM

ନୂଆଦିଲ୍ଳୀ ୨୨/୧୦: ଭାରତ ଏବଂ ଚୀନ ମଧ୍ୟରେ ସୀମା ବିବାଦ ଯଦିଓ ଉଗ୍ର ରୂପ ନେଇଛି କିନ୍ତୁ ଗୋଟିଏ ବର୍ଷରେ ୪୯ ପ୍ରତିଶତ ବୃଦ୍ଧି ପାଇଛି ବ୍ୟବସାୟ। ଜାନୁଆରୀ ୨୦୨୧ରୁ ସେପ୍ଟେମ୍ବର ପର୍ଯ୍ୟନ୍ତ ଦୁଇ ଦେଶ ମଧ୍ୟରେ ହେଉଥିବା ବ୍ୟବସାୟରେ ୪୯ ପ୍ରତିଶତ ବୃଦ୍ଧି ପରିଲକ୍ଷିତ ହୋଇଛି। ଏହାକୁ ନେଇ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ କେନ୍ଦ୍ର ଉପରେ ବର୍ଷିବା ସହ ଏହାକୁ ସରକାରଙ୍କ ଦୋମୁହାଁ ନୀତି ବୋଲି କହିଛନ୍ତି ।

ରାହୁଲ ଗାନ୍ଧୀ ଟ୍ବିଟ୍‌ କରି କେନ୍ଦ୍ର ସରକାରଙ୍କ ‘ମେଡ୍‌ ଇନ୍‌ ଇଣ୍ଡିଆ’କୁ ନକଲି ଆଖ୍ୟା ଦେଇଛନ୍ତି। ଅକ୍ଟୋବର ୨୨ରେ ମେଡ ଇନ୍‌ ଇଣ୍ଡିଆକୁ ନେଇ ପ୍ରଧାନମନ୍ତ୍ରୀଙ୍କ ଭାଷଣ ପରେ ରାହୁଲ ଗାନ୍ଧୀଙ୍କ ଏହି ଟ୍ବିଟ୍‌ ସାମ୍ନାକୁ ଆସିଛି। ପ୍ରଧାନମନ୍ତ୍ରୀ ମୋଦୀ ଶୁକ୍ରବାର କହିଥିଲେ, ‘ପ୍ରତିଟି ଛୋଟ ଜିନିଷ ଯାହା ଭାରତରେ ତିଆରି ହେଉଛି ସେସବୁକୁ କ୍ରୟ କରିବା ଉପରେ ଜୋର ଦେବା ଦରକାର। ଏହା ସମସ୍ତଙ୍କ ପ୍ରୟାସରୁ ହିଁ ସମ୍ଭବ ହୋଇପାରିବ। ଭାରତୀୟଙ୍କ ଦ୍ବାରା ତିଆରି ଜିନିଷ କିଣି, ଭୋକାଲ ଫର ଲୋକାଲ ହେବା ନୀତିରେ ଅଭ୍ୟସ୍ତ ହେବାକୁ ପଡ଼ିବ।’

ପ୍ରଧାନମନ୍ତ୍ରୀ ମୋଦୀଙ୍କ ଏହି ଅପିଲ୍‌ ପରେ ରାହୁଲ ଗାନ୍ଧୀ ଜୋରଦାର ବର୍ଷିଛନ୍ତି। ମୋଦୀ ସରକାର ମେକ୍‌ ଇଣ୍ଡିଆ ନାଁରେ ଭୁଆଁ ବୁଲାଉଛନ୍ତି ବୋଲି ସେ ଅଭିଯୋଗ କରିଛନ୍ତି। ପ୍ରକୃତରେ ଭାରତ-ଚୀନ ମଧ୍ୟରେ ଏଲଏସିରେ ବିବାଦ ପରେ ମଧ୍ୟ ବ୍ୟବସାୟ ୯୦ ଆରବ ଡଲାରରେ ପହଞ୍ଚିଛି।

ଏହାକୁ ନେଇ ବୈଦେଶିକ ସଚିବ ହର୍ଷବର୍ଦ୍ଧନ ଶୃଙ୍ଗଲା ସୂଚନା ଦେଇଥିଲେ, ଗତବର୍ଷ ଭାରତ-ଚୀନ ମଧ୍ୟରେ ବ୍ୟବସାୟ ୮୮ ବିଲିୟନ ଡଲାର ହୋଇଥିଲା। ଚଳିତବର୍ଷ ୯ ମାସରେ ଦ୍ବିପାକ୍ଷିକ ବ୍ୟବସାୟ ୯୦ ବିଲିୟନ୍‌ ଡଲାର ହୋଇସାରିଛି। ଯାହାକି ଗତବର୍ଷ ତୁଳନାରେ ୪୯ ପ୍ରତିଶତ ଅଧିକ ।    

   Related Posts