ଯାଜପୁର ୧୯।୧: ଶୀତ ଦିନେ ସାଙ୍ଗସାଥୀ କିମ୍ବା ପରିବାରଙ୍କ ସହ ବୁଲାବୁଲିର ମଜା ଟିକିଏ ନିଆରା । ପ୍ରକୃତିର ସୌନ୍ଦର୍ଯ୍ୟକୁ ମନଭରି ଉପଭୋଗ କରିବାକୁ ସମସ୍ତେ ପିକନିକ୍ ଯାଆନ୍ତି । ବଣଭୋଜିର ମଜା ନେବା ସହ ପାହାଡ଼, ଜଙ୍ଗଲ, ଝରଣା ଆଦି ଦେଖିବାକୁ ଯାଜପୁର ସୁକିନ୍ଦା ଅଶୋକଝରକୁ ଯାଉଛନ୍ତି ପର୍ଯ୍ୟଟକ ।
{"id":213304,"sizeSlug":"large"}ସବୁଜ ବନାନୀ । ଚାରିପାଖରେ ପାହାଡ଼ । ଝରଣାର କୁଳୁକୁଳୁ ନାଦ । କେଉଁ ଉଚ୍ଚରୁ ପାଣି ବୋହୁଆସୁଛି ପାହାଡ଼ ତଳକୁ । ଏଭଳି ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ଯାଜପୁର ସୁକିନ୍ଦା ସ୍ଥିତ ଅଶୋକଝର ।
{"id":213309,"sizeSlug":"large"}ଶୀତ ଦିନେ ଏଠି ପର୍ଯ୍ୟଟକଙ୍କ ଭିଡ଼ ଜମେ । ମା’ ଅଶୋକେଶ୍ବରୀଙ୍କ ଦର୍ଶନ କରନ୍ତି ସମସ୍ତେ । ଭୋଜି ସହ ନାଚ-ଗୀତରେ ମଜ୍ଜିଯାଆନ୍ତି । ମୋବାଇଲରେ ସ୍ମୃତିକୁ ତୋଳି ଧରନ୍ତି । ଏକଦା ଏହି ସ୍ଥାନ ସାଧୁ ସନ୍ଥଙ୍କ ତପ ଭୂଇଁ ପାଲଟିଥିଲା ।
{"id":213310,"sizeSlug":"large"}ପାହାଡ଼ର ପାଦଦେଶରୁ ଶୀର୍ଷ ଯାଏଁ ପଡ଼ିଛି ଏକ ଲମ୍ବା ରାସ୍ତା । କେଉଁଠି କେଉଁଠି ଦୃଶ୍ୟମାନ ହେଉଛି ପୁରାତନ ପାହାଚ ମାନ । ପର୍ଯ୍ୟଟକଙ୍କ ଆଖି ଲାଖିଯାଏ ସୌନ୍ଦର୍ଯ୍ୟରେ । ତେବେ ଏଠି ମୌଳିକ ସୁବିଧା ନଥିବାରୁ ନାହିଁ ନଥିବା ସମସ୍ୟା ଭୋଗନ୍ତି ପର୍ଯ୍ୟଟକ । ଶୌଚାଳୟ ନଥିବାରୁ ମହିଳା ପର୍ଯ୍ୟଟକଙ୍କ ସମସ୍ୟା କହିଲେ ନସରେ । ବିଶ୍ରାମାଗାର, ଆଲୋକ ବ୍ୟବସ୍ଥା ମଧ୍ୟ ନାହିଁ ।
{"id":213307,"sizeSlug":"large"}ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ଏହି ଅଶୋକଝର । କିନ୍ତୁ ଏହି ପର୍ଯ୍ୟଟନସ୍ଥଳୀର ଭିତ୍ତିଭୂମିର ବିକାଶ ଦିଗରେ ଦୃଷ୍ଟି ଦେବା ଆବଶ୍ୟକ ରହିଛି ।