ପୁରୀ ୨୫/୧୨ : ଆଜି ଖ୍ରୀଷ୍ଟମାସରେ ଅଶାନ୍ତ ହୋଇପଡ଼ିଛି ପୁରୀ ସହର । ପୁରୀ ସହରେ ଆଜି ଦିନରେ ତିନି ତିନିଟି ଅପରାଧ ଘଟିଛି । ଯାହା ପୋଲିସ ପାଇଁ ଚ୍ୟାଲେଞ୍ଜ ହୋଇଛି ଓ ସହରର ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ଉଠାଇଛି । କିଛି ସମୟ ପୂର୍ବରୁ ଜଣେ ଭକ୍ତଙ୍କୁ ମରଣାନ୍ତକ ଆକ୍ରମଣ ହୋଇଛି । ତାଙ୍କ ଅବସ୍ଥା ସଂକଟାପନ୍ନ ରହିଛି । ଆହତ ଭକ୍ତ ହେଲେ ପ୍ରମୋଦ ଜେନା । ଜଗନ୍ନାଥ ବଲ୍ଲଭ ପାର୍କିଂରେ କିଛି ଅଜଣା ଦୁର୍ବୃତ୍ତ ତାଙ୍କୁ ମରଣାନ୍ତକ ଆକ୍ରମଣ କରିଥିଲେ । ଦାଦାବଟି ଆଦାୟକୁ ନେଇ ପ୍ରମୋଦଙ୍କୁ ଆକ୍ରମଣ କରାଯାଇଥିବା ସନ୍ଦେହ କରାଯାଉଛି । ଗୁରୁତର ଅବସ୍ଥାରେ ପ୍ରମୋଦଙ୍କୁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଉଭୟ ଘଟଣାରେ ପୋଲିସ କାହାରିକୁ ଗିରଫ କରିବାରେ ସକ୍ଷମ ହୋଇନାହିଁ।
{"id":67208}ସେହିପରି ଆଜି ସଂଧ୍ୟାରେ ଜଣେ କଲେଜ ଛାତ୍ରଙ୍କୁ ମରଣାନ୍ତକ ଆକ୍ରମଣ ହୋଇଛି । ନରେନ୍ଦ୍ର କୋଣରେ ଅଜିତ ବେହେରାଙ୍କୁ ଆକ୍ରମଣ ହୋଇଛି । ଜମି ଜମା ବିବାଦ ପାଇଁ ତାଙ୍କୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି । ଗୁରୁତର ଆହତ ଅଜିତଙ୍କୁ ପୁରୀ ସଦର ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କ ଦେହର ୩ଟି ସ୍ଥାନକୁ ଭୁଜାଲିରେ ହାଣିଛନ୍ତି ଦୁର୍ବୃତ୍ତ । ଆଜି ଦିନରେ ୨ ଅପରାଧୀ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହେବାରୁ ଗୋଟିଏ ଗୋଷ୍ଠୀ ଅନ୍ୟ ଉପରକୁ ଗୁଳି ଚଳାଇଥିଲା । ଏଥିରେ ସଂଜୟ ଓରଫ ପାରା ଗୁରୁତର ଆହତ ହୋଇଛି । ଗୁଣ୍ଡିଚା ମନ୍ଦିର ନାକଚଣା ଦ୍ବାର ନିକଟରେ ହିଁ ପାରା ଉପରେ ଗୁଳିମାଡ଼ କରାଯାଇଥିଲା ।