Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଶହିଦନଗର ଥାନାରେ ପୋଲିସକୁ ମାଡ ଘଟଣା : ଆଜି ଆଉ ଦୁଇ ଅଭିଯୁକ୍ତ ଗିରଫ, ୫ରେ ପହଞ୍ଚିଲା ଗିରଫଙ୍କ ସଂଖ୍ୟା

6/03/2019 at 4:44 PM

ଭୁବନେଶ୍ବର ୬|୩ : ଶହିଦନଗର ଥାନା ଗଣ୍ଡଗୋଳ ଘଟଣାରେ ଆଜି ଆଉ ଦୁଇ ଜଣଙ୍କୁ ଗିରଫ କରିଛି କମିଶନରେଟ୍‌ ପୋଲିସ । ସେମାନେ ହେଲେ ଅଶୋକ ମଲ୍ଲିକ ଏବଂ ବାଣୀ କଲ୍ୟାଣୀ ମହାନ୍ତି । ଗତକାଲି ୩ଜଣଙ୍କୁ ମିଶାଇ ମୋଟ୍‌ ଗିରଫ ସଂଖ୍ୟା ୫ରେ ପହଞ୍ଚିଛି । ତେବେ ଘଟଣାର ମୁଖ୍ୟ ଅଭିଯୁକ୍ତ ପ୍ରକାଶ ତ୍ରିପାଠୀ ଏବେବି ଫେରାର୍‌ ଅଛି ।

ରବିବାର ରାତିରେ ଦୁର୍ବୃତ୍ତଙ୍କ ଲଙ୍କାକାଣ୍ଡରେ ଥରିଥିଲା ଶହିଦନଗର ଥାନା । ଡିସିପି ଅଫିସ ଠାରୁ ମାତ୍ର ୨ଶହ ମିଟର ଦୂରରେ ବେଶ୍‌ କିଛି ସମୟ ଧରି  ଚଳାଇଥିଲେ ଆତଙ୍କରାଜ । ଦୁର୍ବୃତ୍ତଙ୍କ ଢ଼େଲାମାଡ଼ରେ ଆଇଆଇସିଙ୍କ ସମେତ ୫ଜଣ ପୋଲିସ କର୍ମଚାରୀ ଲହୁଲୁହାଣ ହୋଇଥିଲେ । ଦୁଇ ପ୍ଲାଟୁନ୍‌ ଫୋର୍ସ ସହ କିଛି ବରିଷ୍ଠ ପୋଲିସ ଅଧିକାରୀ ଉପସ୍ଥିତ ଥିଲେ ମଧ୍ୟ କିଛି ପରିପାରିନଥିଲେ । ହେଲେ ଘଟଣାର ଦୁଇ ଦିନ ପରେ ଆକ୍ସନକୁ ଆସିଛି କମିଶନରେଟ୍‌ ପୋଲିସ । ମଙ୍ଗଳବାର ଘଟଣାରେ ସଂପୃକ୍ତ ୩ଜଣଙ୍କୁ ଗିରଫ କରିଥିବା ବେଳେ ବୁଧବାର ଆଉ ୨ଜଣଙ୍କୁ ଉଠାଇଛି ପୋଲିସ । ସେମାନେ ହେଲେ ଅଶୋକ ମଲ୍ଲିକ ଏବଂ ବାଣୀ କଲ୍ୟାଣୀ ମହାନ୍ତି । କଟକରୁ ଗିରଫ ହୋଇଥିବା ବାଣୀ ନାଁରେ ପୂର୍ବରୁ ମାଲଗୋଦାମ ଥାନାରେ ୯ଟି ସଂଗୀନ ଅପରାଧିକ ମାମଲା ରହିଥିବା ଜଣାପଡ଼ିଛି । ଏସବୁ ଭିତରେ କିନ୍ତୁ ଘଟଣାର ମୁଖ୍ୟ ଅଭିଯୁକ୍ତ କୁହାଯାଉଥିବା ପ୍ରକାଶ ତ୍ରିପାଠୀ ଏବେ ବି ଫେରାର୍‌ ରହିବାକୁ ନେଇ ଉଠିଛି ବିବାଦ । ମାଡ଼ ଖାଇଥିବା ପୋଲିସ କର୍ମଚାରୀମାନେ ମୁଖ୍ୟ ଅଭିଯୁକ୍ତକୁ ଗିରଫ ଦାବିରେ ଅଡ଼ି ବସିଛନ୍ତି । ଯଦି ଏହି ଘଟଣାରେ ଅପରାଧୀମାନଙ୍କୁ ଗିରଫ କରାନଯାଏ ତାହେଲେ ସେମାନେ ଅନ୍ୟ ଥାନାକୁ ବଦଳି ହୋଇଯିବାକୁ ପସନ୍ଦ କରିବେ ବୋଲି କହୁଛନ୍ତି । ଏମିତିରେ କମିଶନରେଟ୍‌ ପୋଲିସର ବଡ଼ ଅଧିକାରୀମାନେ କାହିଁକି ମୁଖ୍ୟ ଅଭିଯୁକ୍ତ ସମେତ ଅନ୍ୟମାନଙ୍କ ବିରୋଧରେ ନରମ ମନୋଭାବ ପୋଷଣ କରୁଛନ୍ତି ସେକଥା ପଚାରିଲା ବେଳକୁ ସିଧା ଉତ୍ତର ମିଳୁନି ।

   Related Posts