Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

କ’ଣ ହେଲା କି ? କାଲିର ‘ସ୍ବର’ ଆଜି ହୋଇଗଲା ‘ବେସୁରା’

31/05/2020 at 10:18 PM

ଭୁବନେଶ୍ବର୩୧/୫: କରୋନା ଯୋଦ୍ଧାଙ୍କୁ ସଲାମ ଜଣାଇ କାଲି ରାଜ୍ୟ ସାରା ଏମିତି କି ଦେଶ ବିଦେଶରେ ଗାନ କରାଗଲା ବନ୍ଦେ ଉତ୍କଳ ଜନନୀ। ଦଳ ମତ ନିର୍ବିଶେଷରେ ସଭିଏଁ ଏଥିରେ ସାମିଲ ହେଲେ। କିନ୍ତୁ ୨୪ ଘଣ୍ଟା ନପୁରୁଣୁ ଆରମ୍ଭ ହୋଇଗଲା ପଲିଟିକ୍‌ସ। ସେପୁଣି ସେହି ବନ୍ଦେ ଉତ୍କଳ ଜନନୀ ଗୀତକୁ ନେଇ।  ଏଥିରେ ମୁହାଁ ମୁହିଁ ହୋଇଛନ୍ତି ରାଜ୍ୟର ଆଗଧାଡ଼ିର ନେତାଏ।

ମୁଖ୍ୟମନ୍ତ୍ରୀ ଗାଇଲେ, କେନ୍ଦ୍ରମନ୍ତ୍ରୀ ଗାଇଲେ, ଡଙ୍ଗରିଆ କନ୍ଧ ଗାଇଲେ, ଶଙ୍କର ମହାଦେବନ ଗାଇଲେ , ସରକାରୀ ବେସରକାରୀ କର୍ମଚାରୀ ଗାଇଲେ, ଦଳ ମତ ନିର୍ବିଶେଷରେ ସଭିଏଁ ଏକସ୍ବରରେ ଗାଇଲେ ହେଲେ ଆଜି ହେଲେ ବେସୁରା। କୋଭିଡ ଯୋଦ୍ଧାଙ୍କୁ ସମ୍ମାନ ଦେବା ଓ ସେମାନଙ୍କ ମନବଳ ବଢାଇବା ଲାଗି ବନ୍ଦେ ଉତ୍କଳ ଜନନୀକୁ ଏକ ସ୍ବରରେ  ଗାଇଲେ  ବିରୋଧୀ ଓ ଶାସକ । କିନ୍ତୁ ଆଜି ଏହାକୁ ନେଇ ଆରମ୍ଭ ହେଲାଣି ରାଜନୀତି । ବିଜେପି ଉଠାଇଛି ପ୍ରଶ୍ନ । ୨୦ ବର୍ଷ ଧରି ବନ୍ଦେ ଉତ୍କଳଜନନୀକୁ ରାଜ୍ୟ ସଙ୍ଗୀତ ମାନ୍ୟତା ଦେଇ ପାରିଲେନି ସରକାର ।  ଏବେ ସରକାର ନିଷ୍ପତ୍ତି ନିଅନ୍ତୁ ବୋଲି ବିଜେପି ଦାବି କରିଛି ।  ସେପଟେ କାଲି ବାଜା ବଜାଇ ସଙ୍ଗୀତ ଗାଇଥିଲେ ବି ଏବେ ସରକାରଙ୍କ ନିଷ୍ଠାକୁ ନେଇ ପ୍ରଶ୍ନ ଉଠାଇଛି କଂଗ୍ରେସ । କହିଛି ସରକାରଙ୍କର ଯଦି ଏତେ ଆନ୍ତରିକତା ଅଛି ତେବେ ବନ୍ଦେ ଉତ୍କଳ ଜନନୀକୁ ରାଜ୍ୟ ସଙ୍ଗୀତ ମାନ୍ୟତା ଦେଉ ନାହାନ୍ତି କାହିଁକି ।

ବନ୍ଦେ ଉତ୍କଳ ଜନନୀ ସଙ୍ଗୀତ ମାଧ୍ୟମରେ ସବୁ ଓଡିଆ ଏକାଠି ହୋଇ କରୋନା ଯୋଦ୍ଧାଙ୍କ ମନବଳ ବଢାଇବାକୁ ଏମିତି ଆହ୍ବାନ ଦେଇଥିଲେ ମୁଖ୍ୟମନ୍ତ୍ରୀ । ଦଳ ମତ ମତ ନିର୍ବିଶେଷରେ ସବୁଠି ଏହାକୁ ସମର୍ଥନ ମିଳିଥିଲା । ସାରା ରାଜ୍ୟ ଏକ ସ୍ବରରେ ସଙ୍ଗୀତ ଗାଇଥିଲେ । ହେଲେ ଆଜି ବିରୋଧୀ ଏମିତି ପ୍ରଶ୍ନ ଉଠାଇବା ପରେ ଏହାର ଜବାବ ରଖିଛି ବିଜେଡି । ଏବେ ଏହାକୁ ନେଇ ରାଜନୀତି କରିବାର ସମୟ ନୁହେଁ । ବନ୍ଦେ ଉତ୍କଳ ଜନନୀ ସଙ୍ଗୀତକୁ ରାଜ୍ୟ ସଙ୍ଗୀତ ମାନ୍ୟତା ଦେବା ଲାଗି ରାଜ୍ୟରେ ଦାବି ହୋଇ ଆସୁଛି । ଏବେ ରାଜ୍ୟ ସରକାର ବନ୍ଦେ ଉତ୍କଳ ଜନନୀକୁ ଗାଇବାକୁ ଅପିଲ କରିବା ପରେ ଏହି ଦାବି ଏବେ ଜୋର ଧରିଛି ।

   Related Posts