Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜଧାନୀ ନାଳରୁ ଛାତ୍ର ନିଖୋଜ ଘଟଣା, ୧୮ଘଣ୍ଟା ପରେ ମିଳିଲା ଜ୍ୟୋତିଙ୍କ ମୃତଦେହ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୬ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୧୦ କୋଭିଡ୍ ପଜିଟିଭ୍
  • ||
  • ବାରବାଟୀରେ ଭାରତ-ଓ୍ୱେଷ୍ଟଇଣ୍ଡିଜ୍ ଟି୨୦ ! ବିସିସିଆଇ ଆପେକ୍ସ ବୈଠକରେ ଲାଗିପାରେ ମୋହର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩୦ ହଜାରରୁ ଅଧିକ କରୋନା ପଜିଟିଭ୍, ୨୯୬ ମୃତ
  • ||
  • ଭିସୁଟର କୂଳପତି ସମେତ ୨ଛାତ୍ର କୋଭିଡ଼ ପଜିଟିଭ, ସଂଗରୋଧରେ ସମସ୍ତେ
  • ||
  • ବିଦ୍ୟାଭାରତୀଙ୍କର ମିଛଧରା ପରୀକ୍ଷା ଆଜି, ବାହାରିବ କି ସତ ?
  • ||
  • ରାଜଧାନୀ ନାଳରେ ନାବାଳକ ଭାସିଯିବା ଘଟଣା : ଏବେସୁଦ୍ଧା ମିଳିନି ପତ୍ତା, ଉଦ୍ଧାରକାର୍ଯ୍ୟ ଜାରି
  • ||

ଆସନ୍ତାକାଲି ସାବିତ୍ରୀ ଅମାବାସ୍ୟା, ସ୍ବାମୀଙ୍କ ମଙ୍ଗଳ କାମନା କରି ପତ୍ନୀ ରଖେ ବ୍ରତ : ସାବିତ୍ରୀ ପାଇଁ ଚଳଚଞ୍ଚଳ ଶାଢୀ ଦୋକାନଠାରୁ ଫଳ ବଜାର

2/06/2019 at 7:00 PM

ଆସନ୍ତାକାଲି ସାବିତ୍ରୀ ଅମାବାସ୍ୟା । ସ୍ବାମୀଙ୍କ ମଙ୍ଗଳ ଏବଂ ଲମ୍ବା ଆୟୁଷ କାମନା କରି ପତ୍ନୀ ରଖେ ବ୍ରତ । ସାବିତ୍ରୀ ପାଇଁ ବଜାରରେ  ଭିଡ଼ । ଶାଢୀ ଦୋକାନ ହେଉକି ଫଳ ବଜାର ସବୁଠି ଲାଗିଛି ଗହଳି ଚହଳି । ତେବେ ଫଳ ବଜାର ଏଥର ଆକାଶ ଛୁଆଁ । ଆମ୍ବ, ପଣସ, ଅଙ୍ଗୁର, ଖଜୁରୀ, କଦଳୀ, ଡାଳିମ୍ବ ଯାହାକୁ ଧରିଲେ ଦର ମନଇଛା ନେଉଛନ୍ତି ବେପାରୀ । ଆଉ ଏଭଳି ଅଦର ଦରର କାରଣ ଫୋନି ବୋଲି ସଫେଇ ଦେଉଛନ୍ତି ।…

ରାତି ପାହିଲେ ସାବିତ୍ରୀ । ଇହକାଳ ପରକାଳର ଦେବତାଙ୍କ ପାଇଁ ବ୍ରତ ରଖିବେ ପତ୍ନୀ । ବିଭିନ୍ନ ପ୍ରକାରର ଫଳମୂଳ, ଶଂଖା, ସିନ୍ଦୁର ଦେଇ କରିବେ ପୂଜାର୍ଚ୍ଚନା । ସାବିତ୍ରୀ ପୂଜା ପାଇଁ ଗାଁଠୁ ସହର ସବୁଠି ବ୍ୟାପକ ଆୟୋଜନ । ଭୁବନେଶ୍ବର ଲିଙ୍ଗରାଜ ମନ୍ଦିରରେ ଥିବା କେଦାରଗୌରୀ, ଜଳେଶ୍ବରଙ୍କ ପୀଠରେ ଥିବା ସାବିତ୍ରୀ ମନ୍ଦିର, ଯାଜପୁରର ବିରଜାଙ୍କ ପୀଠରେ ଚାଲିଛି ପ୍ରସ୍ତୁତି । ଖରାକୁ ଦୃଷ୍ଟିରେ ରଖି ବିଭିନ୍ନ ମନ୍ଦିରରେ ସ୍ବତନ୍ତ୍ର ବ୍ୟବସ୍ଥା କରାଯାଇଛି ।

ଏପଟ ସାବିତ୍ରୀ ପାଇଁ ଚଳଚଞ୍ଚଳ ଶାଢୀ ଦୋକାନଠାରୁ ଫଳ ବଜାର । ସବୁଠି ଭିଡ଼, କିଏ ଶାଢ଼ୀ ସାଙ୍ଗକୁ ଶଂଖା, ସିନ୍ଦୁର, ପୂଜା ସାମଗ୍ରୀ କିଣୁଛି ତ କିଏ କିଣୁଛି ଫଳମୂଳ । ତେବେ ଏଥର ସବୁଠି ଫଳ ଦର ଆକାଶଛୁଆଁ । କଟକ, ଭୁବନେଶ୍ବରଠାରୁ ବ୍ରହ୍ମପୁର, ଯାଜପୁର ଓ ବଲାଙ୍ଗୀର ସବୁଠି ମନଇଛା ଦର କଷୁଛନ୍ତି ବେପାରୀ । ଆମ୍ବ, ପଣସ, ଖଜୁରୀ, ଅଙ୍ଗୁର ସବୁ କିଛି ମହଙ୍ଗା ।

କାକୁଡ଼ି କିଲୋ ୬୦ ଟଙ୍କାରେ ବିକ୍ରି ହେଉଥିବା ବେଳେ ପଣସ ଗୋଟାକ ଦେଢ଼ ଶହରୁ ୨୦୦ରେ ବିକ୍ରି ହେଉଛି । ଅଙ୍ଗୁର କିଲୋ ଦେଢଶହ, ଜାମୁକୋଳି ୧୦୦ ଗ୍ରାମକୁ ୩୦ ଟଙ୍କା, ଲିଚି କିଲୋ ୧୩୦, ସପୁରି ଗୋଟାକୁ ୭୦, କଦଳୀ ଡଜନ ୭୦ ଟଙ୍କା ରହିଛି । ଗତ ସପ୍ତାହ ତୁଳନାରେ ଫଳର ଦର ୩୦ ପ୍ରତିଶତ ବୃଦ୍ଧି ପାଇଛି । ବେପାରୀ କହୁଛନ୍ତି ଫୋନି ପାଇଁ ଦର ବଢ଼ିଛି ।…  

ସାବିତ୍ରୀ ନିଜ ସତୀତ୍ବ ବଳରେ ଯମରାଜଙ୍କ ନିକଟରୁ ସ୍ବାମୀଙ୍କୁ ଫେରାଇ ଆଣିଥିଲେ । ସେହିପରି ନିଜ ସ୍ବାମୀଙ୍କ ମଙ୍ଗଳକାମନା କରି ସଧବା ମାନେ କରିଥାନ୍ତି ସାବିତ୍ରୀ ବ୍ରତ ।…

   Related Posts