Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରନ୍‌ରେ ଜିତିଲା ପଞ୍ଜାବ
  • ||
  • ରାଜସ୍ଥାନ ରୟାଲ୍ସକୁ ୨୨୨ ରନର ବିଶାଳ ବିଜୟ ଲକ୍ଷ୍ୟ ଦେଲା ପଞ୍ଜାବ କିଙ୍ଗସ୍‌ : କେ.ଏଲ. ରାହୁଲ, ଦୀପକ ହୁଡାଙ୍କ ବିସ୍ଫୋରକ ଅର୍ଦ୍ଧଶତକ
  • ||
  • ମୋଦୀଙ୍କୁ ସୋନିଆଙ୍କ ପତ୍ର: ବୟସ ପରିବର୍ତ୍ତେ ଆବଶ୍ୟକତା ଅନୁସାରେ କରୋନା ଟିକା ଦିଆଯାଉ
  • ||
  • ବାଗ୍‌ଚି ଦମ୍ପତ୍ତିଙ୍କୁ ପ୍ରଶଂସା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଭୁବନେଶ୍ବରରେ କ୍ୟାନସର ହସ୍ପିଟାଲ ଏବଂ କେୟାର ସେଣ୍ଟର ପାଇଁ ସୁବ୍ରତୋ-ସୁସ୍ମିତା ଦେବେ ୪୩୦ କୋଟି ଟଙ୍କା
  • ||
  • ହସ୍ପିଟାଲରୁ ଡିସ୍‌ଚାର୍ଜ ହେଲେ ରାଷ୍ଟ୍ରପତି ରାମନାଥ କୋବିନ୍ଦ, ମାର୍ଚ୍ଚ ୩୦ରେ ହୋଇଥିଲା ବାଇପାସ୍‌ ସର୍ଜରୀ
  • ||
  • ପାଟଣା : ଭାରସାମ୍ୟ ହରାଇ ବ୍ରିଜ୍ ଉପରୁ ୨୦ଫୁଟ ତଳକୁ ଖସିଲା ବାଇକ୍, ୨ ଗୁରୁତର
  • ||
  • ନୀଳଗିିରି : ବିଦ୍ୟୁତ ବିଲ୍ ବୃଦ୍ଧି ପ୍ରତିବାଦରେ ସିପିଆଇର ରାସ୍ତାରୋକ
  • ||
  • ଢେଙ୍କାନାଳ : ମାଛ ଧରିବାକୁ ଯାଇ ନଦୀରେ ବୁଡିଗଲେ ମାଛ ଧରାଳି, ଚାଲିଗଲା ଜୀବନ
  • ||
  • ଭୁବନେଶ୍ବର : ଖରା ପାଇଁ ପାନୀୟ ଜଳ ବିଭାଗର ଛୁଟି ବାତିଲ
  • ||
  • ୨ ବିଶ୍ୱବିଦ୍ୟାଳୟରେ ନୂଆ କୁଳପତି, ରାଜଭବନ ପକ୍ଷରୁ ବିଜ୍ଞପ୍ତି ପ୍ରକାଶ
  • ||

କାଲି ପାଟକୁରା ଭୋଟ: ୧୦ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ୨ ଲକ୍ଷ ୪୪ହଜାର ୭୪୭ ମତଦାତା, ସକାଳ ୭ରୁ ସଂଧ୍ୟା୬ ଯାଏଁ ମତଗ୍ରହଣ

19/07/2019 at 5:56 PM

ଭୁବନେଶ୍ବର୧୯|୭; କାଲି ହେବ ଭୋଟ ଗ୍ରହଣ । ୧୦ ଜଣ ପ୍ରାର୍ଥୀଙ୍କ ଭାଗ୍ୟ ପାରୀକ୍ଷା କରିବେ ଜନତା । ସେଥିପାଇଁ ନିର୍ବାଚନ କମିଶନଙ୍କ ପକ୍ଷରୁ ସମସ୍ତ ପ୍ରସ୍ତୁତି ଚୂଡାନ୍ତ ହୋଇଥିବା ବେଳେ  ବୁଥ ରିଗିଂ ଏବଂ ଆଇନ ଶୃଙ୍ଖଳାକୁ ଦୃଷ୍ଟିରେ ରଖି ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି । ଏପଟେ ବିଜେଡି ବିଜେପି ପରସ୍ପର ବିରୋଧରେ ସିଇଓଙ୍କ ପାଖରେ ଫେରାଦ ହୋଇଛନ୍ତି। ବିଜେଡି ବିଜେପି ବିରୋଧରେ ବୁଥ କ୍ୟାପଚର ଅଭିଯୋଗ ଆଣିଥିବା ବେଳେ ବିଜେପି ବିଜେଡି ନେତା ପାଟକୁରା ଛାଡିନଥିବା ସିଇଓଙ୍କ ପାଖରେ  ଅଭିଯୋଗ କରିଛି…

ବୁଥରେ ପହଞ୍ଚିଯାଇଛନ୍ତି ପୋଲିଂ ପାର୍ଟି । ଇଭିଏମ, ଭିଭିପାଟ ରେଡି । ୩୦୯ ଟି ବୁଥରେ ହେବ ମତଦାନ।  ପାଟକୁରା ନିର୍ବାଚନ ମୈଦାନରେ ଥିବା ୧୦ ପ୍ରାର୍ଥୀଙ୍କ  ଭାଗ୍ୟ ନିର୍ଦ୍ଧାରଣ କରିବେ ୨ ଲକ୍ଷ ୪୪ହଜାର ୭୪୭ ମତଦାତା । ୧୭ଶହ ପୋଲିଂ ବୁଥ ଅଧିକାରୀ ନିୟୋଜିତ ହୋଇଛନ୍ତି । ନିର୍ବାଚନ ଶାନ୍ତି ଶୃଙ୍ଖଳାର ସହ କରିବା ପାଇଁ ୪ କମ୍ପାନୀ ସିଏପିଏଫ, ୩୧ଟି ଓ୍ବେବ କାଷ୍ଟିଂ, ୪୦ଟି ସ୍ଥାନରେ ସିସିଟିଭି ୫୨ଜଣ ମାଇକ୍ରୋ ଅବଜରଭର, ୧୫ବୁଥରେ ଭିଡିଓଗ୍ରାଫି କରାଯିବ।  

 ନିର୍ବାଚନ କମିଶନ ପ୍ରସ୍ତୁତି ଚୂଡାନ୍ତ କରିବା ବେଳକୁ ବିଜେଡି ବିଜେପି ପରସ୍ପର ବିରୋଧରେ ଅଭିଯୋଗ କରିଛନ୍ତି । ପ୍ରଥମେ ବିଜେଡି ମୁଖ୍ୟ ନିର୍ବାଚନ ଅଧିକାରୀଙ୍କ ଅଫିସରେ ବିଜେପି ବିରୋଧରେ ଫେରାଦ ହୋଇଛି।  ଅଭିଯୋଗ କରିଛି ଯେ ୫୪ଟି ବୁଥକୁ ବିଜେପି ତା କବଜାରେ ରଖିଛି ।  ସେହି ବୁଥଗୁଡ଼ିକରେ ବିଜେପି ରିଗିଂ ଓ ଭୋଟରଙ୍କୁ ପ୍ରଭାବିତ କରିବ ବିଜେଡି ଅଭିଯୋଗ କରିଛି। ଏପଟେ ବିଜେପି ବି ବିଜେଡି ବିରୋଧରେ ମଧ୍ୟ ଫେରାଦ ହୋଇଛି । ବର୍ତ୍ତମାନ ସୁଦ୍ଧା ବିଜେଡି ବରିଷ୍ଠ ନେତା ଓ ମନ୍ତ୍ରୀ ପାଟକୁରା ଛାଡି ନାହାନ୍ତି। ପ୍ରଚାର ସରିବା ମାତ୍ରେ ପାଟକୁରା ବାହରର ନେତା ଏରିୟା ଛାଡିବା​‌ କଥା କିନ୍ତୁ ବିଜେଡି ନେତାମାନେ ଟଙ୍କା ବାଣ୍ଟିବା ପାଇଁ ପଡି ରହିଛନ୍ତି । ଏବଂ ବୁଥ କ୍ୟାପଚର କରିବେ ​‌ବୋଲି ସିଇଓଙ୍କ ପାଖରେ ଅଭିଯୋଗ କରିଛି ବିଜେପି।

ଆସନ୍ତା କାଲି ଭୋଟ ଗ୍ରହଣ  ସକଳା ୭ଟାରୁ ସଂଧ୍ୟା ୬ଟା ପର୍ଯ୍ୟନ୍ତ ହେବ। ଆସନ୍ତା ୨୪ ତାରିଖରେ ଭୋଟ ଗଣତି ହେବ। ଜଣାପଡ଼ିଯିବ କାହାର ହେବ ଜିତାପଟ। 

   Related Posts