Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରିପଦା : ଦିନ ଦ୍ବିପ୍ରହରରେ ଲୁଟ୍, ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ
  • ||
  • ବାରିପଦା : ୪୦ ଲକ୍ଷ ଟଙ୍କାର ଧଳା ଜହର ଜବତ, ଜଣେ ଗିରଫ
  • ||
  • ଖୋର୍ଦ୍ଧା : ଅଟୋ ଓ କାର୍ ମୁହାଁମୁହିଁ ଧକ୍କା, ୮ ଆହତ
  • ||
  • ଝାରସୁଗୁଡା : ଜାଲ୍ ନୋଟ୍ କାରବାରର ପର୍ଦ୍ଦାଫାଶ, ୫୭ହଜାର ଟଙ୍କାର ନକଲି ନୋଟ୍ ଜବତ, ରେଳବାଇ କର୍ମଚାରୀ ଗିରଫ
  • ||
  • ପୁରୀ : ମହାପ୍ରଭୁଙ୍କ ଦର୍ଶନ ପାଇଁ ବ୍ୟାରିକେଡ଼ରେ କରିଥିଲେ ଅପେକ୍ଷା, ହଠାତ୍ ଅସୁସ୍ଥ ହୋଇପଡିଲେ ଭକ୍ତ
  • ||
  • ଅନୁଗୋଳ : ଅନନ୍ତ କୋଇଲା ଖଣିରେ ଅଘଟଣ, କୋଇଲା ଲୋଡିଂ ବେଳେ ପୋତିହୋଇଗଲେ ଜଣେ
  • ||
  • ବ୍ରହ୍ମପୁର : ଭିଜିଲାନ୍ସ ପଞ୍ଝାରେ ଆରଆଇ, ଜମି ନିର୍ଦ୍ଧାରଣ ପାଇଁ ୫ ହଜାର ଟଙ୍କା ନେବାବେଳେ ଧରାପଡିଲେ
  • ||
  • ଭୁବନେଶ୍ବର : ଦିନରେ ରଙ୍ଗମିସ୍ତ୍ରୀ, ରାତିରେ ଚୋରୀ, ୫ ବର୍ଷ ଧରି ଖୋଜୁଥିଲା ପୋଲିସ, ଶେଷରେ ଧରାପଡିଲା
  • ||
  • କଟକ : ରମଜାନ ପାଇଁ ସିଏମସିର ଗାଇଡ୍‌ଲାଇନ୍, ନମାଜ ପାଠ ପାଇଁ ୧୦୦ ଲୋକଙ୍କୁ ଅନୁମତି
  • ||
  • ଜଳେଶ୍ବର : ନଦୀ ପଠାରୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଠାବ, ସ୍ବାମୀ ହତ୍ୟା କରିଥିବା ଅଭିଯୋଗ ଆଣିଲେ ବାପଘର
  • ||

ଆସନ୍ତା କାଲି ରାଜ୍ୟ ବଜେଟ: ବଜେଟ ରୂପରେଖ ଟପିପାରେ ୧ଲକ୍ଷ ୪୦ ହଜାର କୋଟି, ବିରୋଧୀଙ୍କ ସମାଲୋଚନା ଋଣଭାର ବଢିବ

27/06/2019 at 5:43 PM

ଭୁବନେଶ୍ବର୨୭|୬: ଆସନ୍ତା କାଲି ଉପସ୍ଥାପିତ ହେବ ରାଜ୍ୟ ବଜେଟ । କଣ ରହିବ ଫୋକସ , କେଉଁ ସେକ୍ଟରକୁ ଗୁରୁତ୍ବ ଦେବେ ସରକାର ।  ତା’ ଉପରେ ରହିଛି ସମସ୍ତଙ୍କ ନଜର । ୫ମ ଥର ଲଗାତର ନିର୍ବାଚନ ଜିତି ନବୀନ ସରକାର କ୍ଷମତାକୁ ଫେରିବା ପରେ ଏଥର ବଜେଟକୁ ଲୋକାଭିମୁଖୀ କରିବେ ନା ରାଜ୍ୟର ଆର୍ଥିକସ୍ଥିତିକୁ ଦେଖି ଏକ ସମତୁଲ ବଜେଟ କରିବେ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ସେହିଭଳି ଅର୍ଥନୈତିକ ସର୍ଭେ ରିପୋର୍ଟରେ ସରକାର କେତେ ପ୍ରତିଶତ ଗ୍ରୋଥରେଟ ରଖିଛନ୍ତି ଏବଂ ମୁଣ୍ଡପିଛା ଆୟ କେତେ ବଢିଛି ତାହା ବି ଜଣାପଡିବ ।…

କାଲି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ବିଧାନସଭାରେ ଉପସ୍ଥାପନ କରିବେ ରାଜ୍ୟ ବଜେଟ । ୫ମ ପାଳି କ୍ଷମତାକୁ ଫେରିବା ସହ ଷୋଡଶ ବିଧାନସଭାର ଏହା ହେବ ନବୀନ ସରକାରଙ୍କ ପ୍ରଥମ ବଜେଟ । ଆଉ ନିରଞ୍ଜନ ପୂଜାରୀ ବି ଅର୍ଥମନ୍ତ୍ରୀ ଭାବେ ତାଙ୍କ ପ୍ରଥମ ବଜେଟ ଉପସ୍ଥାପନ କରିବେ । ତେବେ ଏଥରର ବଜେଟ ଅଟକଳ ପ୍ରାୟ ୧ଲକ୍ଷ ୪୦ ହଜାର କୋଟି ଛୁଇଁବ ବୋଲି ଆକଳନ କରାଯାଉଛି । ଯାହାକି ଗତବର୍ଷ ତୁଳନାରୁ ପ୍ରାୟ ୨୦ ହଜାର କୋଟି ଅଧିକ ।

ହେଲେ ଏହି ବଜେଟରେ ସରକାର କେଉଁ କ୍ଷେତ୍ରକୁ କେତେ ଗୁରୁତ୍ବ ଦେବେ ତାକୁ ନେଇ ସମସ୍ତଙ୍କ ନଜର ରହିଛି ଅର୍ଥମନ୍ତ୍ରୀଙ୍କ ବଜେଟ୍‌ ବାକ୍ସ ଉପରେ । ଯେହେତୁ ସେବାକ୍ଷେତ୍ର, ଶିଳ୍ପ, କୃଷି ଓ ଭିତ୍ତିଭୂମି ଆଦି କ୍ଷେତ୍ର ରାଜ୍ୟର ସମ୍ବଳ ବଢାଇବାରେ ସହଯୋଗ କରୁଛି ସେଥିପାଇଁ ଏସବୁ କ୍ଷେତ୍ରକୁ ସରକାର ପ୍ରାଧାନ୍ୟ ଦେବେ ବୋଲି ଆଲୋଚନା ହେଉଛି । ଏହାବାଦ୍ କାଳିଆ ଯୋଜନା, ମିଶନ ଶକ୍ତି, ଜଳସେଚନ ଆଦି କ୍ଷେତ୍ର ପାଇଁ ସରକାରଙ୍କୁ ବହୁ ଅର୍ଥ ବରାଦ କରିବାକୁ ପଡିବ । ସେହିଭଳି ବଜେଟରେ କଣ ନୂଆ ଘୋଷଣା ହେଉଛି ଏବଂ ସେଥିପାଇଁ କେତେ ବ୍ୟୟ ବରାଦ ହେଉଛି ତାଉପରେ ସମସ୍ତଙ୍କ ନଜର ଅଛି ।

ଏଥର ବଜେଟ ଅଟକଳ ବହୁତ ବଡ ହୋଇଥିବାରୁ ଏଥିପାଇଁ ରାଜ୍ୟ ସରକାର କେତେ ନିଜସ୍ବ ସମ୍ବଳ ସଂଗ୍ରହ କରିବେ ତାକୁ ଦେଖିବାକୁ ପଡ଼ିବ । କାରଣ ପାଖାପାଖି ୧ଲକ୍ଷ ୪୦ ହଜାର କୋଟିର ବ୍ୟୟ ଅଟକଳ ପାଇଁ ଆବଶ୍ୟକ ଅର୍ଥ ସରକାରଙ୍କ ପାଖକୁ ଆସିବା ଦରକାର । ଗତବର୍ଷ ଅର୍ଥାତ ୨୦୧୮-୧୯ରେ ସରକାର ଯେଉଁ ୧ ଲକ୍ଷ ୨୦ ହଜାର କୋଟିର ବଜେ୍ଟ ଅଟକଳ କରିଥିଲେ ସେଥିରେ ପ୍ରାୟ ୨୦ ହଜାର କୋଟି ଋଣ କରିବା ଲକ୍ଷ୍ୟ ରହିଥିଲା । ଆଉ ରାଜ୍ୟର ମୋଟ ଋଣଭାର ୯୨ ହଜାର କୋଟିରେ ପହଞ୍ଚିଥିଲା । ତେଣୁ ଏଥର ବିଭିନ୍ନ ସଂସ୍ଥା ଓ ଖୋଲାବଜାରରୁ ସରକାର କେତେ ଋଣ ଆଣିବେ ତାହା ଦେଖିବାକୁ ହେବ । ଯାହା ହେଲେ ବି ଏବର୍ଷ ରାଜ୍ୟର ମୋଟ ଋଣଭାର ୧ଲକ୍ଷ କୋଟି ଟପିବ ବୋଲି ଆକଳନ କରାଯାଉଛି । ଯାହାକୁ ଭିନ୍ନ ଦୃଷ୍ଟିରେ ଦେଖୁଛନ୍ତି ବିରୋଧୀ । ରାଜ୍ୟ ଏବେ ଋଣଯନ୍ତାରେ ଫସିବାକୁ ଯାଉଛି ବୋଲି ବିରୋଧୀଙ୍କ ଆଶଙ୍କା ରହିଛି ।

ଏଥର ମଧ୍ୟ ବିଗତ ବର୍ଷ ଭଳି ସ୍ବତନ୍ତ୍ର କୃଷି ବଜେଟ ଆସିବ । ଗତଥର ଏହା ପାଖାପାଖି ୧୭ ହଜାର କୋଟି ଥିବା ବେଳେ ଏଥର ୨୦ ହଜାର କୋଟି ଟପିବ ବୋଲି ଆକଳନ କରାଯାଉଛି ।

   Related Posts