Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

କାଲି ଜନ୍ମଦିନ ପାଳିବେନି ମୁଖ୍ୟମନ୍ତ୍ରୀ , ଭିନ୍ନକ୍ଷମ ଓ ଅନାଥାଶ୍ରମ ପିଲାଙ୍କ ପାଇଁ କିଛି ଭଲ କରିବାକୁ ଶୁଭେଚ୍ଛୁଙ୍କୁ ଦେଲେ ପରାମର୍ଶ

15/10/2019 at 6:53 PM

ଭୁବନେଶ୍ୱର ୧୫।୧୦ – କାଲି ଜନ୍ମଦିନ ପାଳିବେନି ମୁଖ୍ୟମନ୍ତ୍ରୀ । ଫନି ବାତ୍ୟାରେ ରାଜ୍ୟର କ୍ଷୟକ୍ଷତି ହୋଇଥିବାରୁ ଏପରି ନିଷ୍ପତ୍ତି ନେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କାଲି ଶୁଭେଚ୍ଛା ଜଣାଇବାକୁ ନବୀନ ନିବାସ ନ ଆସି ଭିନ୍ନକ୍ଷମ ଓ ଅନାଥାଶ୍ରମ ପିଲାଙ୍କ ଲାଗି କିଛି କରିବାକୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ।

କାଲି ମୁଖ୍ୟମନ୍ତ୍ରୀଙ୍କ ଜନ୍ନଦିନ । ୭୪ ବର୍ଷରେ ପାଦଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟବାସୀଙ୍କ ହୃଦୟ ଜିତି ଲଗାତାର ୫ ଥର ମୁଖ୍ୟମନ୍ତ୍ରୀ ହୋଇଥିବା ନବୀନ କିନ୍ତୁ କାଲି ତାଙ୍କ ଜନ୍ମଦିନ ପାଳିବେନି ବୋଲି ନିଷ୍ପତ୍ତି ନେଇଛନ୍ତି । ରାଜ୍ୟରେ ମହାବାତ୍ୟା ଫନି କ୍ଷତିଗ୍ରସ୍ତଙ୍କୁ ସମବେଦନା ଜଣାଇ ଓ ରାଜ୍ୟର କ୍ଷୟକ୍ଷତିକୁ ଦେଖି ଜନ୍ମଦିନ ନପାଳିବାକୁ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଜନ୍ନଦିନ ପୂର୍ବରୁ ମୁଖ୍ୟମନ୍ତ୍ରୀ ନିଜ ଶୁଭେଚ୍ଛୁ ଓ କର୍ମୀଙ୍କୁ କେତେକ ପରାମର୍ଶ ଦେଇଛନ୍ତି । କହିଛନ୍ତି ଓଡିଶାବାସୀ ମୋର ପରିବାର । ରାଜ୍ୟବାସୀଙ୍କ ସେହ୍ନ ଓ ଭଲପାଇବା ମୋତେ ଋଣୀ କରିଛି ।  ଆପଣଙ୍କ ଆଶୀର୍ବାଦ ହିଁ ମୋର ବଡ ପ୍ରେରଣା ବୋଲି କହିଛନ୍ତି ନବୀନ ।

ଏହାସହ ଜନ୍ନ ଦିନ ଶୁଭେଚ୍ଛା ଜଣାଇବାକୁ ନବୀନ ନିବାସ ନଆସି ଭିନ୍ନକ୍ଷମ ପିଲାମାନଙ୍କ ସ୍କୁଲ ଓ ଅନାଥଶ୍ରମ ଯାଇ ସେମାନଙ୍କ ଲାଗି କିଛି କରିବାକୁ ପରାମର୍ଶ ଦେଇଛନ୍ତି । କେବଳ ମୋ ଜନ୍ମ ଦିନ ନୁହେଁ ନିଜର ବିବାହ ବାର୍ଷିକୀ  ଓ ଜନ୍ମଦିନ ପରି ସ୍ମରଣୀୟ ଦିନରେ ନିଜ ପିଲାଙ୍କୁ ନେଇ ଏପରି କଲେ ତାହା ତାଙ୍କୁ ଅଧିକ ଆନନ୍ଦ ଦେବ ବୋଲି କହିଛନ୍ତି ନବୀନ । ସେପଟେ ଦଳର ସୁପ୍ରିମୋଙ୍କ ଜନ୍ମ ଦିନରେ ମେଗା ରକ୍ତଦାନ ଶିବିର ଜୀବନ ବିନ୍ଦୁ କାର୍ଯ୍ୟକ୍ରମ ଆୟୋଜନ କରିଛି ବିଜେଡି ।

୧୯୪୬ ଅକ୍ଟବୋର ୧୬ରେ ଜନ୍ମ ଗ୍ରହଣ କରିଥିଲେ ନବୀନ ପଟ୍ଟନାୟକ । ପ୍ରଥମରୁ ରାଜନୀତିରେ ନଥିଲେ । ପ୍ରବାଦ ପୁରୁଷ ବାପା ବିଜୁ ବାବୁଙ୍କ ଦେହାନ୍ତ ପରେ ରାଜନୀତିରେ ପାଦ ଦେଇଥିବା ନବୀନ କିନ୍ତୁ ଅପରାଜେୟ ପାଲଟିଛନ୍ତି । ପ୍ରଥମେ କେନ୍ଦ୍ରମନ୍ତ୍ରୀ ଆଉ ଏବେ ଲଗାତାର ୫ଥର ରାଜ୍ୟର ମୁଖ୍ୟମନ୍ତ୍ରୀ ହେବା ହିଁ ତାଙ୍କ ଲୋକପ୍ରିୟତା ପ୍ରମାଣ କରିଛି । ସେପଟେ ମୁଖଖ୍ୟମନ୍ତ୍ରୀଙ୍କ ଜନ୍ମ ଦିନ ଅବ୍ୟବହିତ ପୂର୍ବରୁ ତାଙ୍କୁ ଆଗୁଆ ଶୁଭେଚ୍ଛା ଜଣାଇବା ସହ ତାଙ୍କ ଦୀର୍ଘ ନିରୋଗ ଜୀବନ କାମନା କରିଛନ୍ତି ବିରୋଧୀ ।

ସରଳ ଓ ନିରାଡମ୍ବରପୂର୍ଣ୍ଣ ଜୀବନ ଯାପନ ପାଇଁ ସବୁ ବେଳେ ଚର୍ଚ୍ଚାରେ ରହିଆସିଛନ୍ତି ନବୀନ । ତେଣୁ ତାଙ୍କ ପରାମର୍ଶ ଅନୁସାରେ ଦଳୀୟ କର୍ମୀ ନବୀନଙ୍କ ଜନ୍ମ ଦିନକୁ ଭିନ୍ନକ୍ଷମ ଓ ଅନାଥ ଶିଶୁଙ୍କ ଗହଣରେ ପାଳିବେ ବୋଲି ସୂଚନା ମିଳିଛି  ।

   Related Posts