Monday, May 27, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

୪ଲୋକସଭା ଓ ୨୮ ବିଧାନସଭା ପାଇଁ ବିଜେପି ଟିକଟ୍‌ ଫାଇନାଲ : କାଲି ହେବ ଘୋଷଣା

ଭୁବନେଶ୍ବର ୧୫/୩: ବିଜେପି ଟିକଟ କାହାକୁ ମିଳିବ? ଏହାକୁ ଚୁଡ଼ାନ୍ତ କରିବାକୁ ଦଳର ଗୁରୁତ୍ବପୂର୍ଣ୍ଣ ବୈଠକ ବସିଛି । ହେଲେ ଯେତେ ଛିଡ଼େଇଲେ ବି ଅଙ୍କ ଛିଡ଼ୁନି । କିଛି ନାଁ ଚୂଡ଼ାନ୍ତି ହୋଇଛି, ବାକି କିଛି ଆଜି ରାତି ସୁଦ୍ଧା ଫଇନାଲ୍ ହେବ । ସେପଟେ ଦଳରେ ରାଜ୍ୟ କାର୍ଯ୍ୟଳୟରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ନବୀନଙ୍କ ବିରୋଧରେ ଗର୍ଜିଛନ୍ତି ଦାମୋଦର ରାଉତ ।

ବିଜେପିର ଟିକଟ କସରତ । ନିର୍ବାଚନ ପରିଚାଳନା କମିଟିରେ ବସି ବିଚାର ବିମର୍ଷ କରିଛନ୍ତି ବରିଷ୍ଠ ନେତା । ତେବେ ପ୍ରଥମ ପର୍ଯ୍ୟାୟର ୪ ଲୋକସଭା ଓ ୨୮ ବିଧାନସଭା ଲାଗି ପ୍ରାର୍ଥୀ ଚୂଡ଼ାନ୍ତ କରିବା ଦଳ ଲାଗି ସହଜ ହେଉନି । ବାହାରୁ ଯେତେ ପ୍ରାର୍ଥୀ ମିଶୁଛନ୍ତି, ଦଳର ଶକ୍ତି ତ ବଢୁଛି, ହେଲେ ଟିକଟ ବାଣ୍ଟିବା କାମ ସେତେ କଷ୍ଟ ହେଉଛି । ତେବେ ଖବର ଅନୁସାରେ ବ୍ରହ୍ମପୁର ଲୋକସଭା ଲାଗି ଭୃଗୁ ବକ୍ସିପାତ୍ରଙ୍କ ନାଁକୁ ଏକରକମ ଚୁଡ଼ାନ୍ତି କରିଛି ଦଳ । କଳାହାଣ୍ଡି ଲାଗି ପ୍ରଦୀପ ନାଏକଙ୍କ ନାଁ ଆଗରେ ଅଛି । ତେବେ କୋରାପୁଟ ଲାଗି ଜୟରାମ ପାଙ୍ଗୀଙ୍କ ନାଁ ଚୂଡ଼ାନ୍ତ ହୋଇଥିଲେ ବି ପୂର୍ବତନ ମୁଖ୍ୟମନ୍ତ୍ରୀ ଗିରିଧାରୀ ଗମାଙ୍ଗୋ ନାକ ପୂରାଇଛନ୍ତି । ପ୍ରଥମେ କେବଳ ପୁଅ ଲାଗି ବିଧାୟକ ଟିକଟ ଦାବିଦାରୀ ରଖିତିବା ଗିରିଧାରୀ ଏବେ କୋରାପୁଟ ଏମପି ଆସନ ଲାଗି ବି ଆଖି ପକାଇଛନ୍ତି । ନବରଙ୍ଗପୁର ଲାଗି ପର୍ଶୁରାମ ମାଝୀଙ୍କ  ନାଁ ଆଗକୁ ଆସିଥିଲେ ବି ବିଜେଡି ଛାଡ଼ିଥିବା ସାଂସଦ ବଳଭଦ୍ର ମାଝୀ ବିଜେପିରେ ମିଶିବା ଚର୍ଚ୍ଚା ଏବେ ସମୀକରଣ ଓଲଟାଇଛି । ସେପଟେ ଦଳରେ ଆଜି ଆସ୍କାର ପୂର୍ବତନ ବିଧାୟକ ସରୋଜ ପାଢୀ, ତିଳୋତ୍ତମା ନାୟକ ମିଶିଥିଲେ । ଏସବୁ ଭିତରେ ବେଶ୍ ମାପିଚୁପି ପ୍ରତିକ୍ରିୟା ରଖୁଛନ୍ତି ବିଜେପିର ବରିଷ୍ଠା ନେତାଏଁ ।

ସେପଟେ ବିଜେପିରେ ମିଶିବା ପରେ ଦାମ ରାଉତ ଫେରିଥିଲେ ଭୁବନେଶ୍ବର । ଏୟାରପୋର୍ଟରେ ବିଜେପି ପକ୍ଷରୁ ତାଙ୍କୁ ବିପୁଳ ସମ୍ବର୍ଦ୍ଧନା ଦିଆଯାଇଥିଲା ।ପରେ ରାଜ୍ୟ ବିଜେପି କାର୍ଯ୍ୟାଳୟରେ ତାଙ୍କୁ କରାଯାଇଥିଲା ସ୍ବାଗତ । ଆପଣମାନେ ଖୁସି ତ କହି ନବୀନଙ୍କୁ ଛିଗୁଲେଇବା ସହ ପ୍ରଥମ ଅଭିଭାଷଣ ଆରମ୍ଭ କରିଥିଲେ ଦାମ ରାଉତ । କହିଥିଲେ, ଜନତା ଦଳ ଓ ବିଜୁ ଜନତା ଦଳ ସହ ୪୫ ବର୍ଷର ସଂପର୍କ ତୁଟେଇ ବିଜେପିକୁ ଆସିଲି ।  ଆପଣ ମାନେ ଖୁସି ତ ?  ଏହାପରେ ବିଜେଡି ବିରୋଧରେ ଜୋରଦାର ବର୍ଷିଥିଲେ। ଦଳ ତାଙ୍କୁ ଯାହା ବି ଦାୟିତ୍ବ ଦେବ ତାକୁ ସେ ନିଜର ଦୀର୍ଘ ଅଭିଜ୍ଞତାରୁ ପୂରା କରିବେ ବୋଲି କହିଛନ୍ତି । ଏହା ସହ ବିଜୟ ମହାପାତ୍ରଙ୍କୁ ପୁଣି ବିଜେପିକୁ ଫେରାଇ ଆଣିବାକୁ ଆଲୋଚନା ଚାଲିଥିବା ସୂଚନା ଦେଇଛନ୍ତି ଦାମ ।

ପ୍ରଥମ ପର୍ଯ୍ୟାୟରୁ ଜଣା ପଡ଼ିଲାଣି ଏଥର ଟିକଟ କସରତରେ ବିଜେପିର ବିଜେଡି ଭଳି ବେଶ୍ ଝାଳ ବହୁଛି । ନୂଆକୁ ସୁଯୋଗ ଦେଲେ ପୁରୁଖା ବିଦ୍ରୋହ କରିବାର ଟେନସନ ଘାରିଛି । ସେପଟେ ଅମିତ ଶାହଙ୍କ ମିଶନ ୧୨୦ର ଟାସ୍କର ଚାପ ବି ରହିଛି ।..

798 Views

   ସମ୍ବନ୍ଧିତ ଖବର