Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ତେଜସ୍ଵୀ ଯାଦବଙ୍କୁ ଜନ୍ମଦିନର ଶୁଭକାମନା ଜଣାଇଲେ ରାହୁଲ ଗାନ୍ଧୀ, ବଡ ଭାଇ ତେଜପ୍ରତାପ କହିଲେ- ଉପହାରରେ ଭାଇଙ୍କୁ ମୁଖ୍ୟମନ୍ତ୍ରୀ ପଦ ମିଳୁଛି

9/11/2020 at 3:45 PM

ପାଟନା ୦୯।୧୧: ବିହାର ବିଧାନସଭା ନିର୍ବାଚନର ଫଳାଫଳ ମଙ୍ଗଳବାର ଘୋଷଣା ହେବାକୁ ଯାଉଛି। ନିର୍ବାଚନ ପରିଣାମ ଆସିବାର ଠିକ୍ ଗୋଟିଏ ଦିନ ପୂର୍ବରୁ ଆଜି ମହାମେଣ୍ଟ ପକ୍ଷରୁ ମୁଖ୍ୟମନ୍ତ୍ରୀ ପ୍ରାର୍ଥୀ ତେଜସ୍ଵୀ ଯାଦବ ନିଜର ଜନ୍ମଦିନ ପାଳୁଛନ୍ତି। ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ଛୋଟ ପୁତ୍ରଙ୍କୁ ସମଗ୍ର ଦେଶରୁ ଅଭିନନ୍ଦନର ସୂଅ ଛୁଟିବାରେ ଲାଗିଛି। ଏହି କ୍ରମରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ତେଜସ୍ଵୀ ଯାଦବଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଉଜ୍ଜ୍ଵଳ ଭବିଷ୍ୟତର କାମନା କରିଛନ୍ତି।

ଏହି ପରି ଜନଶକ୍ତି ପାର୍ଟିର ରାଷ୍ଟ୍ରୀୟ ସଭାପତି ଚିରାଗ ପାସଓ୍ଵାନ ମଧ୍ୟ ତାଙ୍କୁ ଜନ୍ମଦିନର ଶୁଭକାମନା ଜଣାଇଛନ୍ତି। ଏଲଜେପି ସୁପ୍ରିମୋ ଟ୍ଵିଟ୍ କରିଛନ୍ତି, ଜନ୍ମଦିନର ବହୁତ ସାରା ଶୁଭକାମନା। ଈଶ୍ଵରଙ୍କୁ ପ୍ରାର୍ଥନା କରୁଛି ଆପଣ ଦୀର୍ଘାୟୁ ହୁଅନ୍ତୁ ଏବଂ ନିଜ ଜୀବନକୁ ଗୋଢି ତୋଳିବାରେ ସଫଳ ହୁଅନ୍ତୁ। ଆଜି ଆପଣଙ୍କର ଜନ୍ମଦିନ, ଭଗବାନଙ୍କ ଦର୍ଶନ ଓ ଆଶୀର୍ବାଦରୁ ଆପଣଙ୍କ ଦିନ ଶୁଭ ହେଉ।

ଏହି ଅବସରରେ ଲାଲୁ ପ୍ରସାଦ ଯାଦବଙ୍କ ବଡ ପୁଅ ତେଜପ୍ରତାପ ଯାଦବ କହିଛନ୍ତି ତାଙ୍କ ସାନ ଭାଇଙ୍କୁ ଜନ୍ମ ଦିନରେ ଉପହାର ଭାବେ ମୁଖ୍ୟମନ୍ତ୍ରୀ ପଦ ମିଳିଛି। ସମସ୍ତିପୁର ଜିଲ୍ଲାର ହସନପୁର ବିଧାନସଭା କ୍ଷେତ୍ରରୁ ତେଜପ୍ରତାପ ନିର୍ବାଚନୀ ମଇଦାନରେ ଅଛନ୍ତି। ସେ କହିଛନ୍ତି ତେଜସ୍ଵୀଙ୍କୁ ଆମେ ବହୁତ ବଡ ଉପହାର ଦେଇଛୁ। ଆମେ ତାଙ୍କୁ ମୁଖ୍ୟମନ୍ତ୍ରୀ ପଦରେ ବସାଇ ଦେଇଛୁ।

ଉଲ୍ଲେଖଯୋଗ୍ୟ, ବିହାର  ବିଧାନସଭାର ତୃତୀୟ ପର୍ଯ୍ୟାୟ ମତଦାନ ସଂପନ୍ନ ହୋଇ ସାରିଛି। ନଭେମ୍ଵର ୧୦ରେ ପରିଣାମ ଆସିବାକୁ ଯାଉଛି। ହେଲେ ତୃତୀୟ ପର୍ଯ୍ୟାୟ ମତଦାନ ପରେ ପରେ ଆସିଥିବା ସମସ୍ତ ଏକଜିଟ୍‌ ପୋଲ୍‌ରେ ଜେଡିୟୁ ଓ କଂଗ୍ରେସ ମହାମେଣ୍ଟ ଆଗୁଆ ରହିଛି। ନୀତିଶଙ୍କ ହାତରୁ କ୍ଷମତା ଚାଲି ଯାଉଥିବା ଏକଜିଟ୍‌ ପୋଲ୍ ସର୍ଭେରେ ପୂର୍ବାନୁମାନ କରାଯାଇଛି। ଏଥିସହ ତେଜସ୍ଵୀ ଯାଦବ ମୁଖ୍ୟମନ୍ତ୍ରୀ ଭାବେ ପ୍ରଥମ ପସନ୍ଦ ଭାବେ ଆର୍ବିଭାବ ହୋଇଛନ୍ତି।

   Related Posts