Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

ଆଜି ଦାଖଲ ହେଲା ପ୍ରାର୍ଥୀପତ୍ର: ଅଶ୍ବିନୀ ବୈଷ୍ଣବ ଓ ଅମର ପଟ୍ଟନାୟକ ରାଜ୍ୟସଭା ଯିବେ ୫ବର୍ଷିଆ ଟର୍ମରେ , ସସ୍ମିତ ପାତ୍ରଙ୍କ ଭାଗରେ ପଡିଲା ୩ ବର୍ଷିଆ ଟର୍ମ

24/06/2019 at 6:45 PM

ଭୁବନେଶ୍ବର୨୪|୬: ଅଶ୍ବିନୀ ବୈଷ୍ଣବ ଓ ଅମର ପଟ୍ଟନାୟକ ରାଜ୍ୟସଭା ଯିବେ ୫ବର୍ଷିଆ ଟର୍ମରେ । ସସ୍ମିତ ପାତ୍ରଙ୍କ ଭାଗ ପଡିଛି ୩ ବର୍ଷିଆ ଟର୍ମରେ । ଅଶ୍ବିନୀ ବିଜେପି ପ୍ରାର୍ଥି ହୋଇଥିଲେ ବି ତାଙ୍କୁ ସୌମ୍ୟ ପଟନାୟକଙ୍କ ସ୍ଥାନରେ ୫ ବର୍ଷ ପାଇଁ ରାଜ୍ୟ ସଭା ପଠାଇବାକୁ ବିଜେଡି ସମର୍ଥନ ଦେବ । ଆଜି ଅଶ୍ବିନୀ ବୈଷ୍ଣବ, ଅମର ପଟନାୟକ ଓ ସସ୍ମିତ ପାତ୍ର ନାମାଙ୍କନ ଭରିବା ପରେ ଏକଥା ସ୍ପଷ୍ଟ ହୋଇଛି । ଅମର ପଟନାୟକ ଓ ସସ୍ମିତ ପାତ୍ରଙ୍କ ନାମାଙ୍କନ ପତ୍ର ଦାଖଲ ବେଳେ ଖୋଦ୍ ମୁଖ୍ୟମନ୍ତ୍ରୀ ଉପସ୍ଥିତ ଥିଲେ । ସେହିଭଳି ବିଜେପିର ସବୁ ବିଧାୟକ ଅଶ୍ବିନୀ ବୈଷ୍ଣବଙ୍କ ନାମାଙ୍କନ ବେଳେ ଉପସ୍ଥିତ ଥିଲେ। …  

ରାଜ୍ୟସଭା ପ୍ରାର୍ଥିଭାବେ ପ୍ରାର୍ଥିପତ୍ର ଦାଖଲ କଲେ ଅମର-ଅଶ୍ବିନୀ-ସସ୍ମିତ । ବିଜେଡି ପ୍ରାର୍ଥୀ ଅମର ପଟନାୟକ ଓ ସସ୍ମିତ ପାତ୍ର ନାମାଙ୍କନ ଭରିବା ବେଳେ ଖୋଦ୍ ମୁଖ୍ୟମନ୍ତ୍ରୀଙ୍କ ସହ ମନ୍ତ୍ରୀ ଓ ବହୁ ବରିଷ୍ଠ ବିଧାୟକ ଉପସ୍ଥିତ ଥିଲେ । ଅମର ପଟନାୟକଙ୍କ ପ୍ରସ୍ତାବକ ଅଛନ୍ତି ନିଜେ ନବୀନ । ସେହିଭଳି ବିଜେପି ପ୍ରାର୍ଥୀ ଭାବେ ଅଶ୍ବିନୀ ବୈଷ୍ଣବଙ୍କ ପ୍ରାର୍ଥିପତ୍ର ଦାଖଲ ବେଳେ ବିଜେପିର ସବୁ ବିଧାୟକ ଉପସ୍ଥିତ ଥିଲେ । ଯେହେତୁ ଖାଲି ହୋଇଥିବା ଏହି ୩ ଟି ସିଟ୍ ପାଇଁ ଉପ-ନିର୍ବାଚନ ହେଉଛି ତେଣୁ ୩ ଟି ଯାକ ସିଟ୍ ପାଇଁ ଭିନ୍ନ ଭିନ୍ନ ବିଜ୍ଞପ୍ତି ପ୍ରକାଶ ପାଇଛି । ତେଣୁ ରାଜ୍ୟସଭା ଗଣିତ ଦୃଷ୍ଟିରୁ ଏଥର ରାଜ୍ୟସଭା ପ୍ରାର୍ଥୀ ଭାବେ ଜିତିବାକୁ ହେଲେ ପ୍ରତି ପ୍ରାର୍ଥିଙ୍କୁ ଅତିକମ୍ ରେ ୭୫ ଜଣ ବିଧାୟକଙ୍କ ସମର୍ଥନ ଦରକାର । ଯେହେତୁ ବିଜେପି ପ୍ରାର୍ଥିଙ୍କୁ ବିଜେଡି ସମର୍ଥନ ଦେବ ବୋଲି ଘୋଷଣା କରିଛି ସେହି ଦୃଷ୍ଟିରୁ ଏହି ୩ ଜଣ ରାଜ୍ୟସଭା ଯିବା ଏକ ପ୍ରକାର ଥୟ ।

ତେବେ ବିଜେଡି ସସ୍ମିତ ପାତ୍ରଙ୍କୁ ପ୍ରତାପ ଦେବଙ୍କ ସ୍ଥାନରେ ରାଜ୍ୟସଭା ପଠାଇଛି । ତେଣୁ ସସ୍ମିତ ପାତ୍ର ୨୦୨୨ ପର୍ଯ୍ୟନ୍ତ ଅର୍ଥାତ ୩ ବର୍ଷ ପାଇଁ ରାଜ୍ୟସଭାକୁ ଯିବେ । ତେବେ  ଅଶ୍ବିନୀ ବୈଷ୍ଣବ ଓ ଅମର ପଟ୍ଟନାୟକଙ୍କ କାର୍ଯ୍ୟକାଳ ସରିବ ୨୦୨୪ରେ । ଅର୍ଥାତ ଏହି ୨ ଜଣଙ୍କୁ ୫ ବର୍ଷ ମିଳିବ ରାଜ୍ୟସଭାରେ । ଅମର ପଟନାୟକ ଅଚ୍ୟୁତ ସାମନ୍ତଙ୍କ ସ୍ଥାନରେ ରାଜ୍ୟସଭା ଯାଉଥିବା ବେଳେ ଅଶ୍ବିନୀ ବୈଷ୍ଣବ ସୌମ୍ୟ ପଟନାୟକଙ୍କ ସ୍ଥାନରେ୍ ରାଜ୍ୟସଭା ଯିବେ । ଯେହେତୁ ଏହି ୩ ଜଣଙ୍କ ବ୍ୟତୀତ ଆଉ କେହି ନାମାଙ୍କନ ଭରିନାହାଁନ୍ତି ତେଣୁ ନିର୍ବାଚନ ହେବାର ନାହିଁ । ଆସନ୍ତା କାଲି ରହିଛି ପ୍ରାର୍ଥୀପତ୍ର ଯାଞ୍ଚ । ୨୮ରେ ପ୍ରତ୍ୟାହାର ଓ ସେହିଦିନ ହିଁ ଘୋଷଣା ହୋଇଯିବ ନାଁ । ଆଉ ଜୁଲାଇ ୫ ରେ ନିର୍ବାଚନ କରିବାକୁ ପଡିବ ନାହିଁ ।….

   Related Posts