Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର : ପ୍ରବାସୀ ଶ୍ରମିକଙ୍କୁ ଅଧା ରାସ୍ତାରେ ଓହ୍ଲାଇଦେଲା ବସ୍, ଅଭିଯୋଗ ପରେ ବସ୍ ସହ ଡ୍ରାଇଭର ଓ କଣ୍ଡକ୍ଟର ଅଟକ
  • ||
  • ଚାନ୍ଦବାଲି : ୨ ଦିନ ଆଖଣ୍ଡଳମଣୀଙ୍କ ମନ୍ଦିର ବନ୍ଦ, ଜଣେ ସେବାୟତ କରୋନା ପଜିଟିଭ୍ ପରେ ପ୍ରଶାସନର ପଦକ୍ଷେପ
  • ||
  • ଟାଙ୍ଗୀ : ଟ୍ରକ୍-ବସ୍ ମୁହାଁମୁହିଁ ଧକ୍କା, ଟ୍ରକ୍ ହେଲପର ମୃତ, ଡ୍ରାଇଭର ଗୁରୁତର
  • ||
  • ରାଇରଙ୍ଗପୁର : ସ୍କୁଲ ନିକଟ ଗଛରେ ଝୁଲୁଛି ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା
  • ||
  • ସୋର : ଭୁବନେଶ୍ବର-କୋଲକତା ଜନଶତାବ୍ଦୀ ଟ୍ରେନ୍‌ରେ ନିଆଁ, ଟଳିଲା ବଡ ଦୁର୍ଘଟଣା
  • ||
  • ‘ଚାକିରୀରେ ୬ ବର୍ଷ ପୂରଣ କରିଥିବା କର୍ମଚାରୀଙ୍କୁ ସରକାର ରେଗୁଲାର କରିବାକୁ ବାଧ୍ୟ’, ଗୁରୁତ୍ୱପୂର୍ଣ୍ଣ ରାୟ ଶୁଣାଇଲେ ହାଇକୋର୍ଟ
  • ||
  • ରାଜ୍ୟରେ କରୋନା ନେଲା ଆଉ ୨ଜଣଙ୍କ ଜୀବନ, ୧୯୩୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଡ଼ଗାଁ ପଞ୍ଚାୟତ ୩ ଦିନ ପାଇଁ ଲକ୍‌ଡାଉନ୍‌, ବନ୍ଦ ରହିବ ହାଟ ଓ ବଜାର
  • ||
  • ରାୟଗଡ଼ାରେ ମୃଦୁ ଭୂକମ୍ପ, କ୍ଷୟକ୍ଷତିର ସୂଚନା ନାହିଁ
  • ||
  • ବଢୁଛି ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୯୮୯ ପଜିଟିଭ୍ ଚିହ୍ନଟ
  • ||

ପାଟକୁରାରେ ନିର୍ବାଚନ ପ୍ରଚାରର ଶେଷ ପର୍ଯ୍ୟାୟରେ ଆଜି ମଇଦାନକୁ ଓହ୍ଲାଇଥିଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ, ବିରୋଧୀ କହିଲେ ପ୍ରଭାବ ଶୂନ୍ୟ

17/07/2019 at 6:53 PM

କେନ୍ଦ୍ରାପଡା୧୭|୭: ପାଟକୁରାରେ ନିର୍ବାଚନ ପ୍ରଚାରର ଶେଷ ପର୍ଯ୍ୟାୟରେ ଆଜି ମଇଦାନକୁ ଓହ୍ଲାଇଥିଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ପୂର୍ବାହ୍ନ ୧୦ଟାରେ ବାରିମୂଳ ପଡ଼ିଆରେ ଓହ୍ଲାଇଥିଲା ମୁଖ୍ୟମନ୍ତ୍ରୀଙ୍କ ହେଲିକପ୍ଟର । ଏହା ପରେ ପାଟକୁରାର ୩ଟି ବ୍ଲକରେ ବୁଲିଥିଲା ନବୀନଙ୍କ ହାଇଟେକ୍‌ବସ୍‌। ମୁଖ୍ୟମନ୍ତ୍ରୀଙ୍କ ପ୍ରଚାରକୁ ନେଇ ବିଜେଡି କ୍ୟାମ୍ପ ଉତ୍ସାହିତ ଥିବା ବେଳେ ବିରୋଧୀ କିନ୍ତୁ ଏହାର ପ୍ରଭାବକୁ ସିଧା ସିଧା ଅସ୍ବିକାର କରୁଛନ୍ତି । ……

ମଝିରେ ଆଉ ମାତ୍ର ଗୋଟିଏ ଦିନ । ପାଟକୁରା ନିର୍ବାଚନ ପ୍ରଚାରର ଶେଷ ପର୍ଯ୍ୟାୟରେ ଆଜି ଦଳୀୟ ପ୍ରାର୍ଥୀଙ୍କ ପାଇଁ ମଇଦାନକୁ ଓହ୍ଲାଇଥିଲେ ଖୋଦ୍‌ ବିଜେଡି ସୁପ୍ରିମୋ । ପୂର୍ବାହ୍ନ ୧୦ଟାରେ ବାରିମୂଳ ପଡ଼ିଆରେ ଓହ୍ଲାଇଥିଲା ମୁଖ୍ୟମନ୍ତ୍ରୀଙ୍କ ହେଲିକପ୍ଟର । ଆଉ ସେଇଠାରୁ ହିଁ ନିର୍ବାଚନ ମଣ୍ଡଳୀର ୩ଟି ବ୍ଲକକୁ ଗଡ଼ିଥିଲା ନବୀନଙ୍କ ହାଇଟେକ୍‌ବସ୍‌ । ସାଥୀରେ ଥିଲେ ଦଳର ତୁଙ୍ଗ ନେତାଙ୍କ ଫୌଜ୍‌ । ଡେରାବିଶ୍‌ବ୍ଲକର ବେଶୀପୁର, ଏଣ୍ଡର, ଲକ୍ଷ୍ମୀନାରାୟଣପୁର, ଡେରାବିଶ, ପଲେଇ, ଚାନ୍ଦୋଳ, ଖମୋଳ ଆଦି ପଞ୍ଚାୟତରେ ରୋଡ୍‌ଶୋ’ କରିଥିଲେ ମୁଖ୍ୟମନ୍ତ୍ରୀ । ଏଥି ସହ ବସ୍‌ଉପରୁ ଉପସ୍ଥିତ ଜନସାଧାରଣଙ୍କୁ ସମ୍ବୋଧନ ମଧ୍ୟ କରିଥିଲେ ।

ଲଞ୍ଚ ବ୍ରେକ୍‌ପରେ ଗରଦପୁର ବ୍ଲକ ଅଭିମୁଖେ ଗଡ଼ିଥିଲା ନବୀନଙ୍କ ବସ୍‌। ଗରଦପୁର ବ୍ଲକର ୧୦ଟି ଏବଂ ମାର୍ଶାଘାଇ ବ୍ଲକର ସମସ୍ତ ପଞ୍ଚାୟତରେ ଦଳୀୟ ପ୍ରାର୍ଥୀ ସାବିତ୍ରୀ ଅଗ୍ରଓ୍ବାଲଙ୍କ ପାଇଁ ପ୍ରଚାର କରିଥିଲେ ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କ ପ୍ରଚାରକୁ ନେଇ ବେଶ୍‌ଉତ୍ସାହିତ ଥିଲା ବିଜେଡି କ୍ୟାମ୍ପ୍‌।

ଗଲା ସାଧାରଣ ନିର୍ବାଚନରେ କେନ୍ଦ୍ରାପଡ଼ାରେ ଯେଭଳି ନବୀନଙ୍କ କରିସ୍ମା କାମ କରିଥିଲା ଅନୁରୂପ ଭାବେ ପାଟକୁରାରେ ତାହା ଦେଖିବାକୁ ମିଳିବ ବୋଲି ଆଶା ରଖିଛି ବିଜେଡି । ହେଲେ ମୁଖ୍ୟମନ୍ତ୍ରୀଙ୍କ ପ୍ରଚାରର ପ୍ରଭାବକୁ ଭିନ୍ନ ଢ଼ଙ୍ଗରେ ଦେଖୁଛନ୍ତି ବିରୋଧୀ ବିଜେପି ଓ କଂଗ୍ରେସ ।

ଯିଏ ଯାହା କହିଲେ ବି ଆଜି ପାଟକୁରା ନିର୍ବାଚନ ପ୍ରଚାର ଫୋକସ୍‌ରେ ଥିଲା ନବୀନଙ୍କ ରୋଡ୍‌ଶୋ’। ପୂର୍ବରୁ ଜୋର୍‌ଦାର୍‌ପ୍ରଚାର ଚଳାଥିବା ବିରୋଧୀ କ୍ୟାମ୍ପରେ ଆଜି ସେମିତି କିଛି ହଲଚଲ ଦେଖିବାକୁ ମିଳିନଥିଲା । ତେବେ ଆସନ୍ତାକାଲି ପ୍ରଚାରର ଶେଷ ଦିନ ହୋଇଥିବାରୁ ଶେଷ ମୁହୂର୍ତ୍ତରେ ଭୋଟରଙ୍କ ମନ ଜିଣିବାକୁ ୩ ଦଳର ପ୍ରଚାର ଜମିବ ବୋଲି ଆଶା କରାଯାଉଛି ।

   Related Posts