Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

IPL 2020 : ଆଜି ଚେନ୍ନାଇ ଓ ହାଇଦ୍ରାବାଦ ମୁକାବିଲା, ଉଭୟ ଟିମ୍ ପାଇଁ ମ୍ୟାଚ୍‌ ଜିତିବା ଗୁରୁତ୍ୱପୂର୍ଣ୍ଣ

13/10/2020 at 1:14 PM

ଦୁବାଇ ୧୩।୧୦: ଆଇପିଏଲ୍‌ ୨୦୨୦ରେ ଆଜି ଚେନ୍ନାଇ ସୁପରକିଙ୍ଗସ୍‌ ଓ ସନରାଇଜର୍ସ ହାଇଦ୍ରାବାଦ୍‌ ମଧ୍ୟରେ ମୁକାବିଲା । ଉଭୟ ଟିମ୍‌ ପାଇଁ ଆଜିର ମ୍ୟାଚ୍‌ ଜିତିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଆଜିର ମ୍ୟାଚ୍‌ରେ ଯଦି ହାଇଦ୍ରାବାଦ ବିଜୟୀ ହୁଏ, ତେବେ ଶ୍ରେଷ୍ଠ ୪ଟିମ୍‌ଙ୍କ ମଧ୍ୟରେ ପହଞ୍ଚିବ । ସେପଟେ ଯଦି ଚେନ୍ନାଇ ଆଜିର ମ୍ୟାଚ୍ ବିଜୟୀ ହୁଏ, ତେବେ ପ୍ଲେ-ଅପ୍‌ରେ ନିଜର ସ୍ଥାନ ବଜାୟ ରଖିପାରିବ । ଆଉ ଯଦି ଆଜିର ମ୍ୟାଚ୍‌ରେ ପରାଜୟ ବରଣ କରେ, ତେବେ ଟୁର୍ଣ୍ଣାମେଣ୍ଟର ପ୍ଲେ-ଅପ୍‌ ଦୌଡ଼ରୁ ବାଦ୍‌ ପଡିଯିବାର ସମ୍ଭାବନା ମଧ୍ୟ ରହିଛି ।

ଚଳିତ ସିଜନରେ ସୁପର କିଙ୍ଗ୍‌ସର ପ୍ରଦର୍ଶନ ନୈରାଶ୍ୟଜନକ ରହିଛି । ବ୍ୟାଟିଂ ବିଭାଗର ଦୁର୍ବଳ ପ୍ରଦର୍ଶନ ଦଳ ବିଫଳତାର କାରଣ ହୋଇଛି। ଶେଷ ୨ଟି ମୁକାବିଲାରେ କୋଲକାତା ନାଇଟ୍‌ ରାଇଡର୍ସ (୧୦ରନ୍‌ରେ) ଏବଂ ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋର (୩୭ରନ୍‌ରେ) ନିକଟରୁ ହାରିଯାଇଥିଲା। ବ୍ୟାଟିଂ ବିଭାଗ ମୁଖ୍ୟ ସମସ୍ୟା ଭାବେ ଉଭା ହୋଇଛି। କୌଣସି ବ୍ୟାଟ୍‌ସମ୍ୟାନ୍‌ ନିୟମିତ ଭାବେ ଭଲ୍‌ ପ୍ରଦର୍ଶନ ଦେଇ ପାରିନାହାନ୍ତି । ଦଳ ଯୁବ ଖେଳାଳିଙ୍କୁ ସୁଯୋଗ ଦେବା ପରିବର୍ତ୍ତେ ଭେଟେରାନଙ୍କୁ ନେଇ ଖେଳୁଛି । ପୂର୍ବ ମ୍ୟାଚ୍‌ରେ ଯୁବ ବ୍ୟାଟ୍ସମ୍ୟାନ୍‌ ଏନ୍‌ ଜଗଦୀଶନଙ୍କୁ ସୁଯୋଗ ମିଳିଥିଲା । ସେ ୩୩ରନ୍‌ କରିଥିଲେ । ବୋଲିଂ ବିଭାଗରେ ଦଳ ଅପେକ୍ଷାକୃତ ଭଲ ପ୍ରଦର୍ଶନ କରିଛି । ତେବେ ଆଜିର ମ୍ୟାଚ୍‌ରେ ଦୁଇ ଓପନର ସେନ୍‌ ୱାଟସନ୍‌ ଓ ଫାଫ୍‌ ଡୁ’ପ୍ଲେସିଙ୍କ ଉପରେ ସମସ୍ତଙ୍କ ନଜର ରହିବ ।

ସେହିପରି ସନ୍‌ରାଇଜର୍ସ ଦଳ ପୂର୍ବ ମ୍ୟାଚ୍‌ରେ ରାଜସ୍ଥାନ ରୟାଲ୍ସଠୁ ୫ ୱିକେଟ୍‌ରେ ପରାଜିତ ହୋଇଥିଲା । ଦଳ ବିଜୟଧାରାକୁ ଫେରିବା ଲକ୍ଷ୍ୟରେ ରହିଛି । ସୁପର କିଙ୍ଗ୍‌ସ ବିପକ୍ଷ ବିଜୟରେ ହୀରୋ ସାଜିଥିବା ଦୁଇ ଯୁବ ବ୍ୟାଟ୍ସମ୍ୟାନ୍‌ ପ୍ରିୟମ ଗର୍ଗ (ଅପରାଜିତ ୫୧) ଓ ଅଭିଷେକ ଶର୍ମା (୩୧)ଙ୍କ ଉପରେ ସମସ୍ତଙ୍କ ନଜର ରହିବ । ଅଧିନାୟକ ଡେଭିଡ୍‌ ୱାର୍ଣ୍ଣର ଓ ମନୀଷ ପାଣ୍ଡେ ଫର୍ମକୁ ଫେରିଛନ୍ତି । ସେହିପରି ଜନି ବେୟାରଷ୍ଟୋ ଓ କେନ୍‌ ୱିଲାମସନ୍‌ ମଧ୍ୟ ଭଲ ପ୍ରଦର୍ଶନ କରୁଛନ୍ତି । ବୋଲିଂ ବିଭାଗ ମଧ୍ୟ ଦୃଢ଼ ରହିଛି । ସ୍ପିନର ରସିଦ୍‌ ଖାନ୍‌, ପେସ୍‌ ବୋଲର ଖଲିଲ ଅହମ୍ମଦ ଓ ଟି. ନଟରାଜନ ପ୍ରଭାବୀ ସାବ୍ୟସ୍ତ ହୋଇଛନ୍ତି ।

ସମ୍ଭାବ୍ୟ ଏକାଦଶ

ସୁପର କିଙ୍ଗ୍‌ସ: ସେନ୍‌ ୱାଟସନ୍‌, ଫାଫ୍‌ ଡୁ’ପ୍ଲେସି, ଅମ୍ବାତି ରାୟୁଡୁ, ନାରାୟଣ ଜଗଦୀଷନ, ମହେନ୍ଦ୍ର ସିଂହ ଧୋନି, ରବିନ୍ଦ୍ର ଜାଡ଼େଜା, ସାମ୍‌ କୁରାନ, ଡ୍ୱେନ ବ୍ରାଭୋ, ଦୀପକ ଚହର, ସର୍ଦୁଲ ଠାକୁର, କରଣ ଶର୍ମା ।

ସନ୍‌ରାଇଜର୍ସ: ଡେଭିଡ୍‌ ୱାର୍ଣ୍ଣର (ଅଧିନାୟକ), ଜନି ବେୟାରଷ୍ଟୋ, ମନୀଷ ପାଣ୍ଡେ, କେନ୍‌ ୱିଲାମସନ୍‌, ପ୍ରିୟମ ଗର୍ଗ, ଅଭିଷେକ ଶର୍ମା, ବିଜୟ ଶଙ୍କର, ରସିଦ ଖାନ୍‌, ସନ୍ଦୀପ ଶର୍ମା, ଖଲିଲ୍‌ ଅହମ୍ମଦ/ବାସିଲ ଥାମ୍ପି, ଟି ନଟରାଜନ ।

   Related Posts