ନୂଆଦିଲ୍ଲୀ ୧୨।୬: ଯଦି ଆପଣ ସୁନାରେ ବିନିଯୋଗ କରିବାକୁ ଚାହୁଁଛନ୍ତି ତେବେ ଆଜି ଅର୍ଥାତ୍ ଜୁନ୍ ୧୨ ତାରିଖରେ ସରାଫା ବଜାର ଅପେକ୍ଷା ଶସ୍ତାରେ ସୁନା କିଣି ପାରିବ । ଆପଣଙ୍କ ପାଇଁ ଶେଷ ସୁଯୋଗ ରହିଛି । ଗୁରୁବାର ଦିନ ସରାଫା ବଜାରରେ ୧୦ ଗ୍ରାମ ସୁନା ମୂଲ୍ୟ ୪୭୪୧୯ ଟଙ୍କା ଥିଲା ଏବଂ ଆଜି ପ୍ରତି ଗ୍ରାମରେ ୪୬୭୭ ଟଙ୍କା ମୂଲ୍ୟରେ ସୁନା ବିକ୍ରି ହେଉଛି । ଏହିଭଳି ୧୦ ଗ୍ରାମ ସୁନା ମୂଲ୍ୟ ୪୬୭୭୦ ଟଙ୍କାକୁ ଖସିଆସିଛି । ଅର୍ଥାତ୍ ୧୦ ଗ୍ରାମ ସୁନା ଆପଣଙ୍କୁ ବଜାର ମୂଲ୍ୟ ତୁଳନାରେ ୬୪୯ ଟଙ୍କା ଶସ୍ତା ପଡିବ । ଯଦି ଆପଣ ରିହାତିକୁ ଦେଖନ୍ତି ତେବେ ଏହା ୧୧୪୯ ଟଙ୍କା ଶସ୍ତା ହେବ ।

ସୂଚନାଯୋଗ୍ୟ ଯେ, ଆପଣଙ୍କୁ ଏହି ସୁନା ଫିଜିକାଲ ରୂପରେ ମିଳିବନାହିଁ, ଅର୍ଥାତ୍ ଯେଉଁ ସୁନା ଆପଣ ଅଳଙ୍କାର ଦୋକାନାରୁ ନେଉଛନ୍ତି ସେହିଭଳି ପାଇବେ ନାହିଁ । ଏହା ସୋବରେନ ଗୋଲ୍ଡ ବଣ୍ଡ ଆକାରରେ ଗ୍ରହଣ କରାଯିବ । ଏହି ସ୍କିମ୍ ମାଧ୍ୟମରେ ଆପଣ ଜୁନ୍ ୧୨ ପର୍ଯ୍ୟନ୍ତ ଏକ ଗ୍ରାମରୁ ୫୦୦ ଗ୍ରାମ ସୁନାରେ ବିନିଯୋଗ କରିପାରିବେ । ଏହାକୁ ଅନଲାଇନ୍ କିଣିବା ପରେ ଏହା ଉପରେ ପ୍ରତି ଗ୍ରାମକୁ ୫୦ ଟଙ୍କା କିମ୍ବା ୧୦ ଗ୍ରାମ ପ୍ରତି ୫୦୦ ଟଙ୍କା ରିହାତି ପାଇବେ ।

କେଉଁଠାରେ ଏବଂ କିପରି ପାଇବେ :

ସୋବରେନ ଗୋଲ୍ଡ ବଣ୍ଡ ସ୍କିମ୍ ରେ ଜଣେ ବ୍ୟକ୍ତି ଆର୍ଥିକ ବର୍ଷରେ ୫୦୦ଗ୍ରାମ ପର୍ଯ୍ୟନ୍ତ ସୁନା ବଣ୍ଡ କିଣି ପାରିବେ । ସେହିଭଳି ସର୍ବନିମ୍ନ ବିନିଯୋଗ ଗୋଟିଏ ଗ୍ରାମର ହେବା ଉଚିତ । ଏହି ସ୍କିମରେ ବିନିଯୋଗ କରି ଆପଣ ଟିକସ ସଞ୍ଚୟ କରିପାରିବେ । ବଣ୍ଡ୍ କୁ ଟ୍ରଷ୍ଟି ବ୍ୟକ୍ତିବିଶେଷ, HUF, ଟ୍ରଷ୍ଟ, ବିଶ୍ବବିଦ୍ୟାଳୟ ଏବଂ ଧର୍ମାର୍ଥ ଅନୁଷ୍ଠାନକୁ ବିକ୍ରୟ ପାଇଁ ପ୍ରତିବନ୍ଧକ ଲଗାଯିବ । ସର୍ବାଧିକ ସଦସ୍ୟତା ସୀମା ପ୍ରତ୍ୟେକ ବ୍ୟକ୍ତିଙ୍କ ପାଇଁ ୪ କିଲୋଗ୍ରାମ, HUF ପାଇଁ ୪ କିଲୋଗ୍ରାମ ଏବଂ ଟ୍ରଷ୍ଟ ପାଇଁ ୨୦ କିଲୋଗ୍ରାମ ଏବଂ ଆର୍ଥିକ ବର୍ଷ (ଅପ୍ରେଲ-ମାର୍ଚ୍ଚ)ରେ ସମାନ ହେବ ।

SGBକୁ ବ୍ୟାଙ୍କଗୁଡିକ (ଛୋଟ ଫାଇନାନ୍ସ ବ୍ୟାଙ୍କ ଏବଂ ପେମେଣ୍ଟ ବ୍ୟାଙ୍କକୁ ବାଦ ଦେଇ), ଷ୍ଟକ୍ ହୋଲଡିଂ କର୍ପୋରେସନ୍ ଅଫ୍ ଇଣ୍ଡିଆ (SHCIL), ନାମିତ ଡାକଘର ଏବଂ ସ୍ବୀକୃତିପ୍ରାପ୍ତ ଷ୍ଟକ୍ ଏକ୍ସଚେଞ୍ଜ (NSE ଏବଂ BSE) ମାଧ୍ୟମରେ ବିକ୍ରି ହେବ ।

ସୋବରେନ ଗୋଲ୍ଡ ବଣ୍ଡ ସ୍କିମ୍ ଆକାରରେ ସୁନାର ମୂଲ୍ୟ ରିଜର୍ଭ ବ୍ୟାଙ୍କ ଦ୍ବାରା ସ୍ଥିର କରାଯାଇଛି । ସୂଚନାଯୋଗ୍ୟ ଯେ, ୪୬୭୭ ଟଙ୍କା ପ୍ରତି ଗ୍ରାମ ମୂଲ୍ୟରୁ ସରକାରଙ୍କ ସୋବରେନ ଗୋଲ୍ଡ ବଣ୍ଡ୍ ର ତୃତୀୟ କିସ୍ତି ଅନୁୟାୟୀ ଜୁନ୍ ୮ ରୁ ୧୨ ମଧ୍ୟରେ ଆପଣ ବିନିଯୋଗ କରିପାରିବେ। ଏହାର କିସ୍ତି ୧୬ ଜୁନ୍ ରେ ଜାରି କରାଯିବ । ଏହାପୂର୍ବରୁ, ଅପ୍ରେଲ ଏବଂ ମେ’ ସିରିଜରେ ରେକର୍ଡ ବିନିଯୋଗ ହୋଇଥିଲା । ଏହାକୁ ଅନଲାଇନ୍ କିଣିବା ପରେ ଏହା ପ୍ରତି ଗ୍ରାମରେ ୫୦ ଟଙ୍କା କିମ୍ବା ୧୦ ଗ୍ରାମ ପିଛା ୫୦୦ ଟଙ୍କା ରିହାତି ପାଇବ |

ସୋବରେନ ଗୋଲ୍ଡ ବଣ୍ଡ୍ ସ୍କିମ୍ କ'ଣ :

ସୋବରେନ ଗୋଲ୍ଡ ବଣ୍ଡ୍ ସ୍କିମ୍ ରେ ନିବେଶକ ଫିଜିକାଲ ରୂପରେ ସୁନା ପାଆନ୍ତି ନାହିଁ । ଏହା ଫିଜିକାଲ ସୁନା ଅପେକ୍ଷା ନିରାପଦ ଅଟେ । ଇଲେକ୍ଟ୍ରୋନିକ୍ ଫର୍ମରେ ହେବା କାରଣରୁ ଏହାର ଶୁଦ୍ଧତା ଉପରେ ସନ୍ଦେହ କରାଯାଇପାରିବ ନାହିଁ । ତିନି ବର୍ଷ ପରେ ଏହା ଦୀର୍ଘକାଳୀନ ପୁଞ୍ଜି ଲାଭ ଟ୍ୟାକ୍ସ ଅଧୀନରେ ରହିବ ଆପଣ ଏହାକୁ ଋଣ ପାଇଁ ବ୍ୟବହାର କରିପାରିବେ । ଆପଣ ପାଞ୍ଚ ବର୍ଷ ପରେ ଯେକୌଣସି ସମୟରେ ଏହାକୁ ରିଡମ୍ପସନ କରିପାରିବେ ।

୨.୫ % ସୁଧ ସୁନିଶ୍ଚିତ :

ଏହା ମଧ୍ୟ ଜାଣିବା ଜରୁରୀ ଯେ ଏହି ବଣ୍ଡ୍ ଗୁଡିକର ଅବଧି ୮ ବର୍ଷ ଏବଂ ପ୍ରିମାଚ୍ୟୁର ପ୍ରତ୍ୟାହାର କେବଳ ୫ ବର୍ଷ ପରେ କରାଯାଇପାରିବ । ଏହାର ସବୁଠାରୁ ଗୁରୁତ୍ବପୂର୍ଣ୍ଣ ବିଷୟ ହେଉଛି ନିବେଶକ ସୁନାର ମୂଲ୍ୟ ବୃଦ୍ଧି କରିବାର ଲାଭ ପାଇଥାଏ । ଏଥିସହ ସେମାନଙ୍କୁ ବିନିଯୋଗ ରାଶି ଉପରେ ୨.୫% ସୁନିଶ୍ଚିତ ସୁଧ ମିଳିଥାଏ ।