Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଆଇପିଏଲ ୨୦୨୧ : ମୁହାଁମୁହିଁ ହେବେ କୋହଲି ଓ ମୋର୍ଗାନ, ବିଜୟ ଧାରା ଜାରି ରଖିବା ଲକ୍ଷ୍ୟରେ ଆରସିବି

18/04/2021 at 8:35 AM

ଚେନ୍ନାଇ,୧୮/୦୪: ରବିବାର ଆଇପିଏଲ୍‌ରେ ଖେଳାଯିବ ୨ଟି ମ୍ୟାଚ୍‌ । ପ୍ରଥମ ମ୍ୟାଚ୍‌ରେ(ଦଶମ ଲିଗ୍‌ ମୁକାବିଲା) ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋର ଓ କୋଲକାତା ନାଇଟ ରାଇଡର୍ସ ମୁହାଁମୁହିଁ ହେବେ। ଅପରାହ୍ଣ ୩.୩୦ ମିନିଟ୍‌ରେ ଏହି ମ୍ୟାଚ୍‌ ଆରମ୍ଭ ହେବ । ସେହିପରି ଦ୍ୱିତୀୟ ମ୍ୟାଚ୍‌ (ରାତି ୭.୩୦)ରେ ଦିଲ୍ଲୀ କ୍ୟାପିଟାଲ୍ସ ଓ ପଞ୍ଜାବ କିଙ୍ଗ୍‌ସ ପରସ୍ପରକୁ ଭେଟିବେ ।

ରୟାଲ୍‌ ଚ୍ୟାଲେଞ୍ଜର୍ସ ଶ୍ରେଷ୍ଠ ପ୍ରଦର୍ଶନ ଜାରି ରଖି ସିଜନର ତୃତୀୟ ବିଜୟ ଲକ୍ଷ୍ୟରେ ରହିଛି । ଅନ୍ୟ ପଟରେ ନାଇଟ୍‌ ରାଇଡର୍ସ ତ୍ରୁଟି ସୁଧାରି ବିଜୟ ଧାରାକୁ ଫେରିବାକୁ ଯୋଜନା ପ୍ରସ୍ତୁତ କରିଛି । ଉଭୟ ଦଳର ସମସ୍ତ ଖେଳାଳି ଫିଟ୍‌ ଓ ଫର୍ମରେ ରହିଛନ୍ତି । ପ୍ରଦର୍ଶନ ଅନୁଯାୟୀ ରୟାଲ୍‌ ଚ୍ୟାଲେଞ୍ଜର୍ସର ପଲା ଭାରି ରହିଛି । ପ୍ରଥମତଃ ରୟାଲ୍‌ ଚ୍ୟାଲେଞ୍ଜର୍ସ ପ୍ରଥମ ୨ଟି ମ୍ୟାଚ୍‌ରେ ଯଥାକ୍ରମେ ମୁମ୍ବାଇ ଇଣ୍ଡିଆନ୍ସ ଓ ସନରାଇଜର୍ସକୁ ପରାସ୍ତ କରିସାରିଛି । ନାଇଟ୍‌ ରାଇଡର୍ସ ବିପକ୍ଷରେ ମଧ୍ୟ ରୟାଲ୍‌ ଚ୍ୟାଲେଞ୍ଜର୍ସର ପ୍ରଦର୍ଶନ ଉନ୍ନତ ରହିଛି । ରୟାଲ୍‌ ଚ୍ୟାଲେଞ୍ଜର୍ସ ଗତ ସିଜନରେ ନାଇଟ ରାଇଡର୍ସ ବିପକ୍ଷ ଉଭୟ ମ୍ୟାଚ୍‌ ଜିତିଥିଲା । ଏଥର ମଧ୍ୟ ଆଧିପତ୍ୟ ଜାରି ରଖିବାକୁ କୋହଲିଙ୍କ ଦଳ ପ୍ରୟାସ କରିବ ।

ମୁମ୍ବାଇ ଇଣ୍ଡିଆନ୍ସ ଠାରୁ ପରାଜିତ ହେବା ପରେ ନାଇଟ୍‌ ରାଇଡର୍ସ ଜୋରଦାର ପ୍ରସ୍ତୁତି କରିଛି । ଅଭ୍ୟାସ ଶିବିରରେ ସବୁ ଦିଗ ପ୍ରତି ଧ୍ୟାନ ଦିଆଯାଇଛି । ତେଣୁ ରବିବାର ନାଇଟ୍‌ ରାଇଡର୍ସ କୌଣସି ତ୍ରୁଟି ନକରିବାକୁ ପ୍ରୟାସ କରିବ । ନିତିଶ ରାଣା ଓ ଶୁଭମନ ଗିଲ୍‌ ପାଳି ଆରମ୍ଭ କରିବେ । ରାଣା ଫର୍ମରେ ଅଛନ୍ତି । ୨ଟି ଯାକ ମ୍ୟାଚ୍‌ରେ ସେ ଅର୍ଦ୍ଧଶତକ ଅର୍ଜନ କରିଛନ୍ତି । ହେଲେ ଗିଲଙ୍କ ବ୍ୟାଟ୍‌ରୁ ଏପର୍ଯ୍ୟନ୍ତ ବଡ଼ ଇନିଂସ ଦେଖବାକୁ ମିଳି ନାହିଁ । ସେ ଉପଯୋଗୀ ଇନିଂସ ଖେଳିବା ଆଶା କରାଯାଉଛି । ମଧ୍ୟଭାଗ ବ୍ୟାଟ୍ସମ୍ୟାନ୍‌ ଏପର୍ଯ୍ୟନ୍ତ ସଫଳ ହୋଇପାରି ନାହାନ୍ତି । ବିଶେଷ କରି ଇୟନ ମୋର୍ଗାନ, ଦିନେଶ କାର୍ତ୍ତିକ ଓ ଆନ୍ଦ୍ରେ ରସେଲ ସଫଳ ହେଲେ ନାଇଟ୍‌ ରାଇଡର୍ସର ବିଜୟ ସମ୍ଭବ ହୋଇ ପାରିବ ।

ରୟାଲ୍‌ ଚ୍ୟାଲେଞ୍ଜର୍ସ ସବୁ ବିଭାଗରେ ଉନ୍ନତ ପ୍ରଦର୍ଶନ କରିଛି । ବିଶେଷ କରି ବୋଲରମାନଙ୍କ ପ୍ରଦର୍ଶନ ବେଶ୍‌ ଶୃଙ୍ଖଳିତ ରହିଛି । ବ୍ୟାଟିଂ ବିଭାଗଠୁ ଅଧିକ ଆଶା କରାଯାଉଛି । ବିରାଟ କୋହଲି ଓ ଦେବଦତ୍ତ ପାଡ଼ିକଲଙ୍କ ବ୍ୟାଟ୍‌ରୁ ଅର୍ଦ୍ଧଶତକ ଦେଖିବାକୁ ଦର୍ଶକ ଅପେକ୍ଷା କରିଛନ୍ତି ।

ରବିବାର ଅପରାହ୍ଣରେ ମ୍ୟାଚ୍‌ ଥିବାରୁ ଟସ୍‌ ବିଜୟୀ ଦଳ ପ୍ରଥମେ ବ୍ୟାଟିଂ କରିପାରନ୍ତି । ଚିପକ ପିଚ୍‌ ସ୍ପିନରଙ୍କୁ ସହାୟତା କରିବା ନିଶ୍ଚିତ । ତେଣୁ ରୟାଲ୍‌ ଚ୍ୟାଲେଞ୍ଜର୍ସର ସାହାବାଜ ଅହମ୍ମଦଙ୍କ ଉପରେ ନଜର ରହିବ । ସନରାଇଜର୍ସ ବିପକ୍ଷରେ ସେ ଗୋଟିଏ ଓଭରରେ ୩ଟି ୱିକେଟ୍‌ ନେଇ ବିଜୟ ଛଡ଼ାଇ ଆଣିଥିଲେ । ତାଙ୍କ ବୋଲିଂ ଉପରେ କ୍ରିକେଟ୍‌ ପ୍ରେମୀଙ୍କ ନଜର ରହିବ ।

   Related Posts