Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ଆଜି ପବିତ୍ର ଦୋଳ ପୂର୍ଣ୍ଣିମା : ରାଜ୍ୟର ବିଭିନ୍ନ ସ୍ଥାନରେ ଦୋଳ ମେଳନ ପର୍ବ ଅନୁଷ୍ଠିତ

21/03/2019 at 10:11 AM

ଭୁବନେଶ୍ବର ୨୧/୩: ଆଜି ପବିତ୍ର ଦୋଳ ପୂର୍ଣ୍ଣିମା । ଏହି ଅବସରରେ ରାଜ୍ୟର ବିଭିନ୍ନ ସ୍ଥାନରେ ଦୋଳ ମେଳନ ପର୍ବ ଅନୁଷ୍ଠିତ ହେଉଛି । କେନ୍ଦ୍ରାପଡା ଜିଲ୍ଲା ପାଟକୁରାରେ ମହାଆଡମ୍ବରରେ ଦୋଳ ମେଳନ ପର୍ବ ପାଳନ କରାଯାଉଛି । ଆଜି ସକାଳୁ ସ୍ଥାନୀୟ ଅଞ୍ଚଳର ଜଗଦଳପୁର, ସମସରା, ବୋଡାରୀ, ବନ୍ଧକଟା ଆଦି ଅଞ୍ଚଳରୁ ଦୋଳ ବିମାନମାନ ଏଠାରେ ଶୋଭାଯାତ୍ରାରେ ଆସି ମେଳନରେ ଅଧିଷ୍ଠିତ ହୋଇଛନ୍ତି । ପାଟକୁରାର କହ୍ନେଇଲାଲ୍ ଜୀଉ ଏଠାରେ ଗାଦି ଠାକୁର ଭାବେ ବିରାଜମାନ କରିଛନ୍ତି । ଆଜି ସକାଳୁ ଏଠାରେ ଦୋଳ ବିମାନ ଗୁଡିକ ବାଜା, ବାଣ, ରୋଷଣୀରେ ଆସିଥିଲେ । ଯେଉଁଥିରେ ହଜାର ହଜାର ଲୋକ ସାମିଲ ହୋଇଥିଲେ । ଶତାଧିକ ବର୍ଷ ହେଲା ଏଭଳି ରିତିନୀତିରେ ପାଳନ ହେଇ ଆସୁଛି ।

ରାଜ୍ୟର ବିଭିନ୍ନ ସ୍ଥାନରେ ଦୋଳମେଳଣ ଆରମ୍ଭ ହୋଇଛି । ଉତ୍ତର ଭାରତରେ ରଙ୍ଗର ପର୍ବ ହୋଲିର ନିଆରା ରଙ୍ଗ ଦେଖିବାକୁ ମିଳିଛି । ବୃନ୍ଦାବନରେ ହୋଲି ରଙ୍ଗ ସମସ୍ତଙ୍କୁ ଏକାଠି କରିଦେଇଛି । ବିଭିନ୍ନ ରଙ୍ଗ ଭିତରେ ଭାଇଚାରା ରଙ୍ଗ ଫୁଟି ଉଠିଛି । ବୃନ୍ଦାବନ ବାଙ୍କେ ବିହାରୀ ମନ୍ଦିରରେ ହୋଲି ଖେଳାଯାଇଛି । ହଜାର ହଜାର ଶ୍ରଦ୍ଧାଳୁ ଏକାଠି ହୋଇ ପରସ୍ପରକୁ ଅବିର ଲଗାଇବା ସହ ନିଜେ ବି ରଙ୍ଗରେ ମତୁଆଲା ହୋଇଯାଇଛନ୍ତି ।

ଗତକାଲି ଥିଲା ହୋଲିକା ଦହନ । ପରମ୍ପରା ଅନୁଯାୟୀ ହୋଲିକା ଦହନ କରାଯାଇଛି । ପାପ ଉପରେ ପୁଣ୍ୟର ବିଜୟ ସ୍ବରୁପ ଏହାକୁ ପାଳନ କରାଯାଇଛି । ଏବେ ଯେଉଁଭଳି ଭାବରେ ଆତଙ୍କବାଦ ମୁଣ୍ଡ ଟେକିଛି, ତାର ବିଲୋପ କରିବା ପାଇଁ ବିଶ୍ବବ୍ୟାପୀ ଚିନ୍ତା ବଢିଥିବା ବେଳେ ହୋଲିକା ଦହନରେ ମଧ୍ୟ ଏହାର ପ୍ରତୀକ ଦେଖିବାକୁ ମିଳିଛି । ଆତଙ୍କବାଦ ସ୍ବରୂପ ରାକ୍ଷସକୁ ଦହନ କରାଯାଇଥିବା ଦୃଶ୍ୟ ମଧ୍ୟ ଦେଖିବାକୁ ମିଳିଛି।

ରଙ୍ଗର ଖେଳରେ ସମସ୍ତେ ମାତିଛନ୍ତି । ତେବେ ଶରୀର ଏବଂ ପରିବେଶକୁ କ୍ଷତି ପହଞ୍ଚାଇବା ଭଳି ରଙ୍ଗ ବ୍ୟବହାର ନକରିବା ଲାଗି ସଚେତନତା ବଢୁଛି । ଅନେକ ସ୍ଥାନରେ ଇକୋ-ଫ୍ରେଣ୍ଡଲି ହୋଲି ଖେଳ ଦେଖିବାକୁ ମିଳିଛି । ଅଧିକରୁ ଅଧିକ ପରିବେଶ ଏବଂ ଶରୀରକୁ ସୁହାଇହା ଭଳି ଅର୍ଗାନିକ୍ କଲର୍ ବ୍ୟବହାର କରାଯାଉଛି ।

ହୋଲି ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । କମିସନରେଟ ପୋଲିସର କଟକ ୟୁପିଡିରେ ୧୦ ପ୍ଲାଟୁନ ଓ ଭୁବନେଶ୍ବର ୟୁପିଡିରେ ୧୫ ପ୍ଲାଟୁନ ଫୋର୍ସ ମୁତୟନ ହେବେ ବୋଲି ପୋଲିସ କମିଶନର କହିଛି।

   Related Posts