ନୁଆ ଦିଲ୍ଲୀ ୯/୮ : ଆଜି କେନ୍ଦ୍ର କ୍ୟାବିନେଟ ଟ୍ରିପୁଲ ତଲାକର ସଂଶୋଧନକୁ ମଞ୍ଜୁରି ପ୍ରଦାନ କରିଛି । ଟ୍ରିପୁଲ ତଲାକ ମୁସଲମାନ ସମ୍ପ୍ରଦାୟର ପୁରୁଷମାନଙ୍କ ଦ୍ଵାରା ପରିଚାଳିତ ଏକ କୁପ୍ରଥା , ଯେଉଁଥିରେ ପୁରୁଷମାନେ ତିନିଥର ତଲାକ କହି ଛାଡ଼ ପତ୍ର ଦେଇ ଦିଅନ୍ତି । ଅବହେଳିତ ଓ ଅସହାୟ ଅବସ୍ଥାରେ ପଛରେ ରେ ରହିଯାଆନ୍ତି ସ୍ତ୍ରୀ ଓ ପିଲାମାନେ । କେନ୍ଦ୍ର ସରକାରଙ୍କ ବିଲରେ ନୁଆ ସଂଶୋଧନ ଅନୁଯାୟୀ ଟ୍ରିପୁଲ ତଲାକ ଏକ ଦଣ୍ଡନୀୟ ଅପରାଧ । “The Muslim Women Protection of Rights in Marriage Bill 2017’’ ଏହି ଆଇନ ଅନୁସାରେ ଟ୍ରିପୁଲ ତଲାକ ଦେଉଥିବା ପୁରୁଷମାନଙ୍କୁ ୩ ବର୍ଷର ଜେଲ ଦଣ୍ଡ ସହିତ ଜୋରିମାନା ଓ ସ୍ତ୍ରୀର ଭରଣ ପୋଷଣ ଖର୍ଚ୍ଚ ତୁଲାଇବାକୁ ପଡ଼ିବ ।