Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଲେଶ୍ବର : ୧୬ନଂ ଜାତୀୟ ରାଜପଥ କୁରୁଡା ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା, ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଆଠମଲ୍ଲିକ : ଦେଉଳଝରି ନିକଟରେ ଓଲଟିଲା କୋଇଲା ବୋଝେଇ ଟ୍ରକ୍
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଗୁରୁତର
  • ||
  • ସମ୍ବଲପୁର : ଅପରେସନ ବେଳେ ଖାଦ୍ୟନଳୀ କାଟିଦେଲେ ଡାକ୍ତର, ଗୁରୁତର ଅବସ୍ଥାରେ ମହିଳା ବୁର୍ଲାରେ ଭର୍ତ୍ତି
  • ||
  • ସମ୍ବଲପୁର : ଡାକ୍ତରଖାନାରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଯୁବକ ଅଟକ
  • ||
  • ସୋନପୁର : ଘର ଭାଙ୍ଗି ଶୋଇଥିବା ବୃଦ୍ଧଙ୍କୁ ଦଳିଦେଲା ଦନ୍ତା
  • ||
  • ସୋର : ଟଙ୍କା ପାଇଁ ଯୁବକଙ୍କୁ ଅପହରଣ ଘଟଣା, କୋଲକାତାରୁ ଅପହୃତ ତାପସ ଉଦ୍ଧାର
  • ||
  • ସୁନ୍ଦରଗଡ଼ : ନଦୀ ପଠାରେ ପଡିଛି ଶରୀରର ବିଭିନ୍ନ କଟା ଅଂଶ, ହତ୍ୟା ପରେ ଫିଙ୍ଗାଯାଇଛି !
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||

ଗାଈକୁ ବଞ୍ଚାଇବାକୁ ଯାଇ ମହାବଳ ବାଘ ସହ ଲଢ଼ିଲେ ଯୁବକ : ଦେଖନ୍ତୁ ଭିଡିଓ

20/06/2019 at 12:44 PM

ଅମରୋଲି ୨୦/୬ : ଗୁଜରାଟ ଅମରୋଲି ଜିଲ୍ଲାରେ ଘଟିଛି ଏକ ଆଶ୍ଚର୍ଯ୍ୟ ଘଟଣା । ଘଟଣାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଗିର ଜଙ୍ଗଲରୁ ୧୫ ଫୁଟ ଉଚ୍ଚ ପାଚେରୀ ଡେଇଁ ଏକ ମହାବଳ ବାଘ ଖମ୍ବା ଗାଁକୁ ଆସିଥିଲା । ଖମ୍ବା ଗାଁର ଏକ ଗୋଶାଳାରେ ପହଞ୍ଚିଥିଲା ବାଘଟି । ବାଘକୁ ଗୋଶାଳାରେ ଦେଖି ଗାଈ ବାଛୁରୀ ଜୀବନ ବିକଳରେ ଗୋଶାଳାରୁ ଦଉଡି଼ବା ଆରମ୍ଭ କରିଥିଲେ । ଗାଈମାନଙ୍କ ବିକଳ କାନ୍ଦ ଶୁଣି ଗୋଶାଳାର ସଂଚାଳକ ଦେବସୀ ଭାଇ ବାଢେର ବାହାରକୁ ଆସିଥିଲେ । ବାହାରକୁ ଆସି ସେ ଦେଖିଲେ ମହାବଳ ବାଘ ଏକ ବାଛୁରୀକୁ କାବୁ କରିଛି ଏବଂ ତାର ଶିକାର କରିବାକୁ ଉଦ୍ୟମ କରୁଛି । 

ଦେବସୀ ଭାଇ ସାହସର ସହ ବାଘ ସହ ଲଢ଼ିଥିଲେ । ସେ ଏକ ବାଡ଼ି ଆଣି ବାଘ ଆଡକୁ ଫୋପାଡ଼ିଥିଲେ । ବାଡ଼ି ଫୋପାଡିବାରୁ ବାଛୁରୀଟି ବାଘ ମୁହଁରୁ ଖସି ପଡିଥିଲା । ଫଳରେ ବାଛୁରୀ ଦୌଡ଼ି ପଳାଇଥିଲା । ଏତିକିବେଳେ ଗାଈଙ୍କ ବିକଳ କାନ୍ଦ ଶୁଣି ଗାଁଲୋକଙ୍କ ନିଦ ଭାଙ୍ଗିଗଲା । ଗାଁଲୋକେ ଆସି ଦେଖିଲାବେଳକୁ ଗୋଶାଳା ଭିତରେ ମହାବଳ ବାଘ । ସମସ୍ତ ଗାଁଲୋକ ମିଶି ବାଘକୁ ଗାଁରୁ ତାଡି ଦେଇଥିଲେ ।

ସୂଚନାଯୋଗ୍ୟ ଯେ, ଅମରୋଲି ଜିଲ୍ଲାର ଖମ୍ବା ଗାଁ ଗିର ଜଙ୍ଗଲ ନିକଟରେ ରହିଛି । ଯେଉଁଥିପାଇଁ ଏଠାରେ ପ୍ରାୟ ସବୁବେଳେ ବାଘମାନେ ଗାଁ ଭିତରକୁ ପଶି ଆସିଥାନ୍ତି ଏବଂ ବିଭିନ୍ନ ପଶୁଙ୍କୁ ଉଠାଇ ନେଇଥାନ୍ତି । ୩ ଦିନ ପୂର୍ବରୁ ଖମ୍ବ ଗାଁର ତୁଳସୀଶ୍ୟାମ ରେଞ୍ଜକୁ ୪/୫ଟି ବାଘ ପଶିଆସିଥିଲେ ଏବଂ ଗାଈ ଶିକାର କରିଥିଲେ ।

   Related Posts