Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିମାନରେ ଆସିଲେ ବି ୧୪ ଦିନିଆ କ୍ବାରେଣ୍ଟାଇନ୍‌ ଜରୁରୀ
  • ||
  • ଆରଟିପିସିଆର ନେଗେଟିଭ୍‌ ରିପୋର୍ଟ ଦେଖାଇଲେ ରାଜ୍ୟକୁ ମିଳିବ ଏଣ୍ଟ୍ରି
  • ||
  • ପଶ୍ଚିମବଙ୍ଗ ସୀମାକୁ ଲାଗିଥିବା ସମସ୍ତ ସୀମା ସିଲ୍‌ ହେବ
  • ||
  • ମୁଖ୍ୟ ଶାସନ ସଚିବ ସୁରେଶ ମହାପାତ୍ରଙ୍କ ଗୁରୁତ୍ବପୂର୍ଣ୍ଣ ସୂଚନା
  • ||
  • ପଶ୍ଚିମବଙ୍ଗରୁ ଆସିଲେ ୧୪ ଦିନିଆ କ୍ବାରେଣ୍ଟାଇନ୍‌ ବାଧ୍ୟତାମୂଳକ
  • ||
  • ଭୁବନେଶ୍ବରରେ ରିଙ୍ଗ୍‌ ରୋଡ୍ ପାଇଁ ମୁଖ୍ୟମନ୍ତ୍ରୀଙ୍କ ମଞ୍ଜୁରୀ, ରାଜ୍ୟ ସରକାର ବହନ କରିବେ ୬୦୦ କୋଟି ଟଙ୍କା
  • ||
  • ଭୁବନେଶ୍ବର : BMCରେ ବଢିଲା ରାପିଡ୍ ରେସପନ୍ସ ଟିମ୍ ସଂଖ୍ୟା, ୬୭ଟି ୱାର୍ଡ ପାଇଁ ୩୯ଟିମ୍
  • ||
  • ଭୁବନେଶ୍ବର : ପ୍ରଧାନମନ୍ତ୍ରୀଙ୍କ ସହ କଥାହେଲେ ମୁଖ୍ୟମନ୍ତ୍ରୀ, ଦେଶରେ ଅକ୍ସିଜେନ୍ ଆବଶ୍ୟକତାକୁ ପୂରଣ ପାଇଁ ସହଯୋଗ କରିବ ଓଡିଶା
  • ||
  • କେନ୍ଦୁଝର : ଶୌଚ ସାରି ଫେରିବା ବେଳେ ବଜ୍ରପାତ, ଚାଲିଗଲା ବୃଦ୍ଧଙ୍କ ଜୀବନ
  • ||
  • ରାଉରକେଲା : ବ୍ରାହ୍ମଣୀ ବ୍ରିଜ୍‌ରୁ ନଦୀକୁ ଡେଇଁଲେ ମହିଳା, ଗୁରୁତର ଅବସ୍ଥାରେ ଉଦ୍ଧାର
  • ||

ମୃତ୍ୟୁର ୩ମାସ ପରେ ରହସ୍ୟ ଉନ୍ମୋଚନ ପାଇଁ ସମାଧୀ ତଳୁ ବାହାର କରାଗଲା ଶବ…ଜାଣନ୍ତୁ ପୂରା ଘଟଣା

18/07/2019 at 6:18 PM

ପଦ୍ମପୁର ୧୮|୭: ପଦ୍ମପୁର ଉପଖଣ୍ଡ  ମେଳଛାମୁଣ୍ଡା ଥାନା ଅନ୍ତର୍ଗତ ଅମାମୁଣ୍ଡା ଗ୍ରାମରେ ଅଭାବନୀୟ । ମୃତ୍ୟୁର ୩ମାସ ପରେ ରହସ୍ୟ ଉନ୍ମୋଚନ ପାଇଁ ସମାଧୀ ତଳୁ ବାହାର କରାଗଲା ଶବ । ବୁଢ଼ୀ ମାଁର ଭୂତ କାହାଣୀ ପରି ଲାଗୁଥିଲେ ମଧ୍ୟ ଘଟଣା ଟି ସଂମ୍ପୁର୍ଣ୍ଣ ସତ ।ଗାଁର ଉଦେ ତାଣ୍ଡିଙ୍କର ପ୍ରଥମେ ମଦ ପିଇ ମୃତ୍ୟୁ ହୋଇଛି ବୋଲି ପରିବାର ସଦସ୍ୟଙ୍କୁ କୁହାଯାଇଥିାଲ । ଆଉ ୩ମାସ ପରେ ମୃତ  ଉଦେଙ୍କ ସ୍ତ୍ରୀ ଅଭିଯୋଗ କରିଛନ୍ତି ତାଙ୍କ ସ୍ବାମୀଙ୍କୁ ବିଷ ଦେଇ ମାରିଦେଇଛନ୍ତି ଦୁର୍ବୃତ୍ତ ….

ଏହା କାହାଣୀ ନୁହେଁ ପୁରା ସତ  । ସତ୍ୟର ଉନ୍ମୋଚନ ପାଇଁ ମୃତ୍ୟୁର ୩ମାସ ପରେ ସମାଧୀରୁ ବାହାର କରାଯାଇଛି ଶବ । ବରଗଡ ଜିଲ୍ଲା ମେଳଛାମୁଣ୍ଡା ଥାନା ଅନ୍ତର୍ଗତ ଅମାମୁଣ୍ଡା ଗାଁର ଉଦେ ତାଣ୍ଡିଙ୍କ ମୃତ୍ୟୁର ରହସ୍ୟ ଜାଣିବାକୁ ପୁଣି ଆରମ୍ଭ ହୋଇଛି ଖୋଳତାଡ । ଗତ ଏପ୍ରିଲ୍‌ ୧୭ରେ ଉଦେ ତାଣ୍ଡି ଅସୁସ୍ଥ ହୋଇ ପ୍ରଥମରେ ପଦ୍ମପୁର ଚିକିତ୍ସାଳୟପରେ  ସେଠାରୁ ବରଗଡ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର ବେଳେ ତାଙ୍କର ମୃତ୍ୟୁ ହୋଇଥିଲା ।

 ମଦ ପିଇବା ଯୋଗୁଁ ଉଦେଙ୍କର ମୃତ୍ୟୁ ହୋଇଛି  ବୋଲି ପରିବାରକୁ କୁହାଯାଇଥିଲା  । ଆଉ ଏବେ ୩ମାସ ପରେ ପ୍ରକୃତ ରହସ୍ୟ ଉନ୍ମୋଚନ ହେବାକୁ ଯାଉଛି । ମୃତ ଉଦେ ତାଣ୍ଡିଙ୍କ ସ୍ତ୍ରୀ ଇଲାତାଣ୍ଡି ମେଳଛମୁଣ୍ଡା ଥାନାରେ ଗତକାଲି ଅଭିଯୋଗ କରିବାପରେ ପୋଲିସ ଆରମ୍ଭ କରିଛି ତନାଖନା ।  ଉଦେତାଣ୍ଡିଙ୍କ ମୃତ୍ୟୁ କେବଳ ମଦ ପିଇବା ଯୋଗୁଁ ହୋଇନି ,ବରଂ ଗାଁର ୧୦ଜଣ ଲୋକ ମଦରେ ବିଷ ଦେଇ ତାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି

ଲିଖିତ ଅଭିଯୋଗ ପାଇବା ପରେ ମେଳଛାମୁଣ୍ଡା ପୋଲିସ ଶବକୁ ମାଟିତଳୁ ବାହାର କରି ବ୍ୟବଚ୍ଛେଦ ପାଇଁ ପଠାଇଛି ।  ବ୍ୟବଚ୍ଛେଦ  ରିପୋର୍ଟ ଆସିବା ପରେ ଆଇନ ଅନୁଯାୟୀ ଦୋଷୀଙ୍କ  ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପଦ୍ମପୁର ଏସଡିପିଓ  କହିଛନ୍ତି ।

ତେବେ ପ୍ରଶ୍ନ ଉଠୁଛି ୩ମାସ ଯାଏ ଚୁପଚାପ୍‌ ବସିଥିବା ମୃତ ଉଦେ ତାଣ୍ଡିଙ୍କ ପରିବାର ହଠାତ ଚେଇଁ ଉଠିଲେ କାହିଁକି ?  ଏମିତି କଣ ସେମାନଙ୍କୁ ସ୍ପଷ୍ଟ ସୁରାକ ମିଳିଲା ଯେ ମାଟିତଳୁ ଶବ ବାହାର କରି ଆଉଥରେ ତଦନ୍ତ ପରିସରକୁ ଅଣାଗଲା ? ଆଗାମି ଦିନରେ ପ୍ରକୃତ ରହସ୍ୟର ଅପେକ୍ଷାରେ ଚାହିଁ ବସିଛନ୍ତି ପଦ୍ମପୁର ବାସିନ୍ଦା ।

   Related Posts