Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଗୁରୁବାର ସୁସ୍ଥହେଲେ ରେକର୍ଡ ୮୪୭୧ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୨୪୯ ଡିସଚାର୍ଜ
  • ||
  • ଚାଲିଗଲେ ଆଉ ଜଣେ କଳାକାର, ଅଭିନେତା ପ୍ରିୟ ସୁନ୍ଦର ମିଶ୍ରଙ୍କ ପରଲୋକ
  • ||
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ପ୍ରେମିକାକୁ ଦେଖା କରିବାକୁ ବ୍ୟାକୁଳ : ପ୍ରେମିକଙ୍କ ଅଜବ ଯୋଗାଡ଼, ଧରାପଡ଼ି ହେଲେ ହଟହଟା

27/05/2020 at 8:01 PM

ସୁରଟ ୨୭/୦୫ : କରୋନା ଯୋଗୁଁ ସାରା ଦେଶରେ ଲକ ଡାଉନ ଜାରି ରହିଛି | ଲକ ଡାଉନ ଯୋଗୁଁ ସବୁଠାରୁ ଅଧିକ ହଇରାଣ ହେଉଛନ୍ତି ଆଜିର ଯୁବପିଢ଼ି ଅର୍ଥାତ ପ୍ରେମୀଯୁଗଳ | ସମସ୍ତେ ଘରେ ବନ୍ଦ ଥିବାରୁ ନା କିଏ କାହା ସହ ଠିକ ଭାବେ କଥାବାର୍ତ୍ତା କରି ପାରୁଛନ୍ତି ନା ଦେଖା ସାକ୍ଷାତ କରି ପାରୁଛନ୍ତି | କରୋନା ଏମାନଙ୍କ ବଞ୍ଚିବା କଷ୍ଟକର କରିଦେଲାଣି | ପ୍ରେମିକାଙ୍କୁ ସାକ୍ଷାତ କରି ନ ପାରି ପ୍ରେମିକମାନଙ୍କ ଅବସ୍ଥା ଖରାପ | ଜଣେ ଯୁବକ ନିଜ ପ୍ରେମିକାକୁ ସାକ୍ଷାତ କରିବାକୁ କଣ ନ କରିଛି | ଗୁଜରାଟ ଭାଲସାଦରେ ଘଟିଛି ଏହିଭଳି ଏକ ଘଟଣା ଆପଣ ମଧ୍ୟ ଜାଣିଲେ ହସିବେ | 

ଜଣେ ଯୁବକ ନିଜ ପ୍ରେମିକାଙ୍କୁ ଦେଖା କରିବାକୁ ଯୁବତୀ ଭେଷ ଧାରଣ କରିଥିଲେ | ତଥାପି ଯୁବକଙ୍କ ଏହି ଉଦ୍ୟମ ସଫଳ ହେଲାନାହିଁ ଏବଂ ସେ ଧରା ପଡିଗଲେ | ଘଟଣାକୁ ନେଇ ବର୍ତ୍ତମାନ ଖୁବ ଚର୍ଚ୍ଚା ହେଉଛି | ଯୁବକ ଜଣକ ଜାଣିବାକୁ ପାଇଲେ ମହିଳା ଏବଂ ଯୁବତୀମାନେ କୁଆଡେ ଗଲେ ତାଙ୍କୁ ପଚରାଉଚୁରା କରାଯାଉନାହିଁ | ଯାହାଫଳରେ ସେମାନେ ସହଜରେ ଯୁଆଡେ ଇଛା ଯାଇପାରିବେ | ସେ ଏହି ମଉକାର ଫାଇଦା ଉଠାଇ ମହିଳା ଭେଷରେ ପ୍ରେମିକାକୁ ଦେଖା କରିବାକୁ ନିଷ୍ପତ୍ତି ନେଲେ | ରାତି ପ୍ରାୟ ୩ଟା ସମୟରେ ସେ ନିଜ ପ୍ରେମିକାକୁ ଦେଖା କରିବାକୁ ବାହାରି ପଡିଲେ | ରାତିରେ ପୋଲିସ ପାଟ୍ରୋଲିଂ ବେଳେ ଦେଖିଲା ଯେ ଜଣେ ଯୁବତୀ ପଂଜାବୀ ଡ୍ରେସ ପିନ୍ଧି ମୁହଁ ଘୋଡେଇ କୁଆଡେ ଯାଉଛି | ଏତେ ରାତିରେ ଜଣେ ଯୁବତୀ ସ୍କୁଟିରେ ଏକ ଯାଉଥିବା ଦେଖି ପୋଲିସକୁ ସନ୍ଦେହ ହୋଇଥିଲା | ପୋଲିସ ପଚରାଉଚୁରା କରିବା ପାଇଁ ତାଙ୍କୁ ଅଟକାଇଥିଲା |

ପୋଲିସ ପଚାରିଥିଲେ ଏତେ ରାତିରେ ସେ ଏକା ସ୍କୁଟି ନେଇ କୁଆଡେ ଯାଉଛନ୍ତି | କିନ୍ତୁ ସେ କିଛି ଜବାବ ନଦେଇ ଚୁପ ରହିଲେ | ବାରମ୍ବାର ପଚାରିବା ସତ୍ତ୍ୱେ ସେ କିଛି କହିଲେନି | କଥା କହିଲେ ପୋଲିସ ଜାଣିପାରିବେ ସେ ଝିଅ ନୁହେଁ ବରଂ ପୁଅ, ସେଥିପାଇଁ ସେ କିଛି ନ କହି ଚୁପ ରହିଲେ | ସେ କିଛି ନ କହିବାରୁ ପୋଲିସର ସନ୍ଦେହ ବଢିଥିଲା | ପୋଲିସ ଯୁବତୀଙ୍କ ମୁହଁରୁ ଓଢଣୀ କାଢି ଦେଇଥିଲା | ତାଙ୍କୁ ଦେଖି ପୋଲିସ ବି ଚମକି ଗଲା |

ପୋଲିସ କହିଛି ଯେ, ଯୁବକ ଜଣକ ଓଢଣୀ ତଳେ ମାସ୍କ ମଧ୍ୟ ପିନ୍ଧିଥିଲେ | ଯାହାଫଳରେ ତାଙ୍କୁ ଚିହ୍ନିବା ମୁସ୍କିଲ ଥିଲା | ପୋଲିସ ସତ ଜାଣିବା ପରେ ସେ କହିଥିଲେ ଯେ, ଯୁବତୀଙ୍କ ପରିବାର ଓ ପୋଲିସ ଠାରୁ ବଞ୍ଚିବା ପାଇଁ ସେ ଏହିଭଳି ଯୁବତୀ ଭେଷରେ ବାହାରିଥିଲେ |

ଘଟଣାକୁ ନେଇ ଯୁବକଙ୍କ ବିରୋଧରେ ମହାମାରୀ ଆକ୍ଟ ଏବଂ ବିପର୍ଯ୍ୟୟ ପରିଚାଳନା ଆଇନ ଅନୁଯାୟୀ ମାମଲା ରୁଜ୍ଜୁ କରାଯାଇଥିଲା | ଯୁବକଙ୍କୁ ମାଜିଷ୍ଟ୍ରେଟଙ୍କ ନିକଟରେ ପେଶ କରାଯାଇଥିଲା | ଯୁବକଙ୍କୁ ଜାମିନ ମିଳିଯାଇଛି |

   Related Posts