Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରର ହିସାବ ମଗାକୁ ନେଇ ତେଜିଲା ରାଜନୀତି: ଅର୍ଥଖର୍ଚ୍ଚକୁ ନେଇ ବିରୋଧିଙ୍କ ପ୍ରଶ୍ନ, ବିଡିଓମାନଙ୍କୁ ହିସାବ ଦେବା ପାଇଁ ସରକାରଙ୍କ ନିର୍ଦ୍ଦେଶ

14/06/2020 at 6:42 PM

ଭୁବନେଶ୍ୱର, ୧୪|୦୬ : କରୋନା ଲାଗି ତିଆରି ହୋଇଥିବା ଅସ୍ଥାୟୀ ସ୍ବାସ୍ଥ୍ୟ କେନ୍ଦ୍ରର ହିସାବ ମଗାକୁ ନେଇ ଆରମ୍ଭ ହୋଇଛି ରାଜନୀତି । ଟେମ୍ପରାରି ମେଡ଼ିକାଲ ସେଣ୍ଟର ଟିଏମସିରେ କେତେ ଖର୍ଚ୍ଚ ହୋଇଛି ତାର ହିସାବ ଜୁନ ୧୯ ମଧ୍ୟରେ ଦାଖଲ କରିବାକୁ ରାଜ୍ୟ ସରକାର  ଜିଲ୍ଲା ଓ ବ୍ଲକ ପ୍ରଶାସନକୁ ନିର୍ଦେଶ ଦେବା ପରେ ତାକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ । ଘୋଷଣା ଅନୁସାରେ ଟିଏମସିକୁ ସରକାର ୫ ଲକ୍ଷ ଟଙ୍କା ଦେଇ ନାହାନ୍ତି । ଅର୍ଥ ଖର୍ଚ୍ଚର ଉତ୍ତରଦାୟୀ କାହାକୁ କରାଯିବ ବୋଲି ପ୍ରଶ୍ନ ଉଠାଇଛନ୍ତି । ସେପଟେ ସରକାରୀ ଦଳ ଯୁକ୍ତି ସ୍ବଚ୍ଛତା ଲାଗି ସରକାର ହିସାବ ମାଗିଛନ୍ତି । ହିସାବ ମିଳିଲେ ସରକାର ସେମାନଙ୍କ ଅର୍ଥ ଭରଣା କରିବେ ।

କରୋନା ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ର ଟିଏମସିରେ ବାସ୍ତବରେ କେତେ ଟଙ୍କା ଖର୍ଚ୍ଚ ହୋଇଛି । ପ୍ରତି ଟିଏମସିକୁ ୫ ଲକ୍ଷ ଟଙ୍କା ଦେବାକୁ ଘୋଷଣା କରିଥିଲେ ବି ସରକାର ଅର୍ଥ ଦେଇ ନାହାନ୍ତି କାହିଁକି । କୋଭିଡ ମୁକାବିଲା ଲାଗି ରାଜ୍ୟ ସରକାର ପଞ୍ଚାୟତ ସ୍ତରରେ ତିଆରି କରିଥିବା  ଟେମ୍ପରାରି ମେଡ଼ିକାଲ ସେଣ୍ଟର ଟିଏମସିର ହିସାବ ମାଗିବାକୁ ନେଇ ଏମିତି ପ୍ରଶ୍ନ ଉଠାଇଛନ୍ତି ବିରୋଧୀ । କଂଗ୍ରେସ କହିଛି ରାଜ୍ୟ ସରକାର କଥା ଦେଇ କଥା  ରଖି ନାହାଁନ୍ତି । ପଞ୍ଚାୟତ ଫଣ୍ଡରୁ ସେ ସବୁ ଟଙ୍କା ଖର୍ଚ୍ଚ କରାଯିବାରୁ ପଞ୍ଚାୟତ ସ୍ତରରେ ଉନ୍ନତୀ କରଣ ପ୍ରଭାବିତ ହୋଇଛି । ବିଜେପି କହିଛି  ସରକାର ପ୍ରଥମ ରୁ କହିଥିଲେ CFC/SFC/SDRF ରୁ ଟଙ୍କା ଖର୍ଚ୍ଚ ହେବ । ଏବେ କେଉଁ ବଜେଟ ରୁ କେଉଁ ଜିଲ୍ଲା ରେ କେତେ ଖର୍ଚ୍ଚ ହୋଇଛି ରାଜ୍ୟ ସରକାର ସ୍ପଷ୍ଟ ଚିତ୍ର ଦେବା ଦରକାର । ସେପଟେ ବିଜେଡି କହିଛି ଦୈନଦିନ ଖର୍ଚ୍ଚ ପାଇଁ ବି ୪୮ କୋଟି ଦିଆ ଯାଇଥିଲା। ଜରୁରୀ ସ୍ଥିତି ରେ ଗଛିତ ଟଙ୍କାରୁ ଖର୍ଚ୍ଚ ହୁଏ।

 କୋଭିଡ ମୁକାବିଲା ଓ ସଙ୍ଗରୋଧ କେନ୍ଦ୍ର ଲାଗି ରାଜ୍ୟ ସରକାର ୧୬ ହଜାର ୮ ଶହ ୧୩ ଟି ଟିଏମସି ଖୋଲିଛନ୍ତି । ଏସବୁର ନିର୍ମାଣ ଓ ପରିଚାଳନା ଲାଗି ପ୍ରତି ସେଣ୍ଟରକୁ ୫ ଲକ୍ଷ ଦିଆଯିବ ବୋଲି କହିଥିଲେ । ସ୍ଥାନୀୟ ସ୍ତରରେ CFC/SFC ପାଣ୍ଠିରୁ ଅର୍ଥ ଖର୍ଚ୍ଚ ହୋଇ ପାରିବ ବୋଲି ସରକାର କହିଥିଲେ । ତେବେ କେତେ ଅର୍ଥ ଖର୍ଚ୍ଚ ହୋଇଛି ସେନେଇ ହିସାବ ରଖିବାକୁ ସରକାର ଏପ୍ରିଲ ୨୨ ଓ ଜୁନ ୫ରେ ଚିଠି କରିଥିଲେ ବି ହିସାବ ଦେଇ ନାହାନ୍ତି ସ୍ଥାନୀୟ ପ୍ରଶାସନ । ଏବେ ଜୁନ ୧୯ ସୁଦ୍ଧା ହିସାବ ଦେବାକୁ ପଞ୍ଚାୟତ ରାଜ ସଚିବ ଚିଠି ଲେଖିଛନ୍ତି । ଏବେ ଶୁଣନ୍ତୁ ଏନେଇ କଣ କହୁଛନ୍ତି ସରପଞ୍ଚମାନେ । ଟିଏମସିରେ ନିର୍ମାଣ ଓ ପରିଚାଳନାରେ ରେ କେତେ ଅର୍ଥ ଖର୍ଚ୍ଚ ହୋଇଛି ତାର ହିସାବ  ବିଡିଓ ମାନେ ତଦାରଖ କରି ସ୍ବତନ୍ତ୍ର ଫର୍ମାଟରେ ପଠାଇବାକୁ ନିର୍ଦେଶ ଦେଇଛନ୍ତି ସରକାର ।

   Related Posts