Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଦୁର୍ଗାପୂଜା ମଣ୍ଡପରେ ଖୁବ ନାଚିଲେ TMC ସାଂସଦ ନୁସରତ ଜହାଁ, ବଜାଇଲେ ‘ଢାକ’

24/10/2020 at 8:34 PM

କୋଲକାତା ୨୪।୧୦: ସାରା ଦେଶରେ ଏବେ ଦୁର୍ଗା ପୂଜାର ମାହୋଲ। କରୋନା ଭାଇରସ ମହାମାରୀ ଲାଗି ଲୋକେ ପୂଜା ମଣ୍ଡପକୁ ଯାଇ ପାରୁନାହାନ୍ତି। ହେଲେ ପୂଜାର ଉତ୍ସାହ କିନ୍ତୁ ଫିକା ପଡିନି। ଏହାର ପ୍ରମାଣ ପଶ୍ଚିମବଙ୍ଗ ରାଜଧାନୀ କୋଲକାତାରେ ଶନିବାର  ଦେଖାଯାଇଛି। ମହାଷ୍ଟମୀରେ ତୃଣମୂଳ ସାଂସଦ ନୁସରତ ଜାହଁ ଧାର୍ମିକ ବାଧାବନ୍ଧନ ଭାଙ୍ଗି ଶାଢୀ ଓ ମାସ୍କ ଲଗାଇ ଦୁର୍ଗାପୂଜା ମଣ୍ଡପକୁ ବୁଲି ଯିବା ସହ ପାରମ୍ପରିକ ‘ଢାକ’ ବଜାଇ ତାଳେତାଳେ ନାଚିଛନ୍ତି।

ସୋସିଆଲ ମିଡିଆରେ ଭାଇରଲ କିଛି ଭିଡିଓରେ ନୁସରତଙ୍କୁ ତାଙ୍କ ସ୍ୱାମୀ ନିଖିଲ ଜୈନଙ୍କ ସହ କୋଲକାତାର ସୁଋଚି ସଂଘ ମନ୍ଦିରରେ ଦର୍ଶନ କରୁଥିବା ମଧ୍ୟ ଦେଖାଯାଇଛି। ସେ ପ୍ରସାଦ ଗ୍ରହଣ କରିବା ସହ ମାଙ୍କ ଆରତୀ କରିଥିଲେ। ଏହା ପରେ ଢାକ ବଜାଇ ମନଭରି ନାଚିଥିଲେ। ପରେ ଅନ୍ୟମାନେ ନାଚିବା ଲାଗି ସେ ନିଜେ ଢାକ ମଧ୍ୟ ବଜାଇଥିଲେ। ସେ ତାଙ୍କ ଟ୍ୱିଟ୍‌ ହ୍ୟାଣ୍ଡଲରେ ମନ୍ଦିର ଦର୍ଶନର କିଛି ଫଟୋ ମଧ୍ୟ ସେୟାର କରିଛନ୍ତି।

ନୁସରତଙ୍କ ଏହି ଫଟୋ ଓ ଭିଡିଓ ସୋସିଆଲ ମିଡିଆରେ ଅପଲୋଡ ହେବା ପରେ ୟୁଜର୍ସ ଏହା ଉପରେ ସେମାନଙ୍କ ମତ ମନ୍ତବ୍ୟ ମଧ୍ୟ ଦେଇଥିବା ଦେଖାଯାଇଛି। ଯେଉଁଥିରେ ଲୋକେ କୌଣସି ହିନ୍ଦୁ ଯୁବତୀଙ୍କୁ ଇସ୍ଲାମରେ ଏତେ  ସ୍ୱାଧୀନତା ଦେଉଛି କି ବୋଲି ମଧ୍ୟ ପ୍ରଶ୍ନ ପଚାରିଥିବାର ଦେଖାଯାଇଛି। ସେହିପରି ଅନ୍ୟ ଜଣେ ୟୁଜର ଖୁବ ଶୀଘ୍ର ନୁସରତଙ୍କ ବିରୋଧରେ ମୁଲ୍ଲା ଫତୱା ଜାରି କରିବେ ବୋଲି ମଧ୍ୟ ଲେଖିଥିବା ଦେଖାଯାଇଛି । ଯାହା ଏବେ ଚର୍ଚ୍ଚାକୁ ଖୋରାକ ଯୋଗାଇଛି।

   Related Posts