Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ବିଜେପି ବିରୋଧରେ ଡିଜିଟାଲ ଅଭିଯାନ ଆରମ୍ଭ କଲା ଟିଏମସି, ୧ ଘଣ୍ଟାରେ ଯୋଡି ହେଲେ ଲକ୍ଷେ ଲୋକ

24/10/2020 at 2:27 PM

ନୂଆଦିଲ୍ଲୀ ୨୪/୧୦: ବିହାର ପରେ ଆଗାମୀ ବିଧାନସଭା ନିର୍ବାଚନ ନମ୍ବର ରହିଛି ପଶ୍ଚିମବଙ୍ଗର। ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବେଠୁ ପ୍ରସ୍ତୁତି ଆରମ୍ଭ କରିସାରିଲେଣି। ଅଖିଳ ଭାରତୀୟ ତୃଣମୂଳ କଂଗ୍ରେସ (ଟିଏମସି) ଆଜି ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ବିଜେପି ବିରୋଧରେ ଡିଜିଟାଲ ଅଭିଯାନ ଆରମ୍ଭ କରିଛି। ସୋସିଆଲ ମିଡ଼ିଆ ଫ୍ଲାଟଫର୍ମରେ ବିଜେପିକୁ ଟାର୍ଗେଟ କରିବା ଉଦ୍ଦେଶ୍ୟରେ ଏହି ଅଭିଯାନର ନାଁ ରଖାଯାଇଛି ‘ମାର୍କ ୟୁରୋସେଲଫ ସେଫ୍ ଫ୍ରମ୍‌ ବିଜେପି’ । ଅର୍ଥାତ ବିଜେପିଠାରୁ ସୁରକ୍ଷିତ ରହିବା ପାଇଁ ନିଜକୁ ଚିହ୍ନିତ କରନ୍ତୁ।

ପଶ୍ଚିମବଙ୍ଗରେ ସାଧାରଣତଃ ଟିଏମସି ଓ ବିଜେପି ମଧ୍ୟରେ ସଂଘର୍ଷ ଦେଖାଯାଏ। ନିର୍ବାଚନ ପାଖେଇ ଆସୁଥିବାରୁ ଏଥର ମୁଖ୍ୟମନ୍ତ୍ରୀ ମମତା ବାନାର୍ଜ ଆଗୁଆ ସବୁଠୁ ବଡ଼ ପଦକ୍ଷେପ ଗ୍ରହଣ କରି ଡିଜିଟାଲ ଅଭିଯାନ ଆରମ୍ଭ କରିଛନ୍ତି। ଲୋକଙ୍କୁ ଭୁଲ କାମ ବିରୋଧରେ ଏକଜୁଟ କରିବାର ଏହା ଏକ ତରିକା ବୋଲି ଟିଏମସି କହିଛି।

ଦଳ ପକ୍ଷରୁ ତିଆରି ହୋଇଥିବା ଓ୍ବେବସାଇଟରେ ପ୍ରଥମ ଘଣ୍ଟାଏରେ ଲକ୍ଷେ ୨୧ ହଜାର ଲୋକ ଅଭିଯାନ ପାଇଁ ପଞ୍ଜୀକରଣ କରିଛନ୍ତି। ଏହା ସହ ପ୍ରତି ଘଣ୍ଟାରେ ଏହାର ସଂଖ୍ୟା ବଢ଼ୁଛି। କେବଳ ଏତିକି ନୁହେଁ ଏ ପାଇଁ ଫେସବୁକ ପେଜ୍ ମଧ୍ୟ ଖୋଲା ଯାଇଛି। ଯେଉଁଥିରେ ପ୍ରାୟ ୮୦ ହଜାର ସଦସ୍ୟଙ୍କୁ ପଞ୍ଜୀକୃତ କରାଯାଇଛି। ଏ ଅଭିଯାନ ସହ ଜଡ଼ିତ ଏକ ଭିଡିଓକୁ ଟିଏମସିର ଟ୍ବିଟର ହ୍ୟାଣ୍ଡେଲରେ ମଧ୍ୟ ସେୟାର କରାଯାଇଛି।

   Related Posts