Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

୫୧ କୋଟି ଟଙ୍କା ପୁରୁଣା ନୋଟ୍ ବଦଳାଇବାକୁ ଚାହୁଁଛନ୍ତି ତିରୁମାଲା ତିରୁପତି ଦେବସ୍ଥାନମ୍, ଅର୍ଥମନ୍ତ୍ରୀ ସୀତାରମଣଙ୍କ ସହିତ ଆଲୋଚନା

14/07/2020 at 3:07 PM

ତିରୁପତି ୧୪/୦୭ : ଆନ୍ଧ୍ରପ୍ରଦେଶ ତିରୁମାଲାରେ ଦେଶର ସବୁଠାରୁ ଧନୀ ଭଗବାନ ଭେଙ୍କଟେଶ୍ୱର ମନ୍ଦିର ପ୍ରବନ୍ଧକ ତିରୁମାଲା ତିରୁପତି ଦେବସ୍ଥାନମ ୫୧ କୋଟି ଟଙ୍କାର ପୁରୁଣା ମୁଦ୍ରା ଫେରାଇ ଦେବାକୁ ନିଷ୍ପତ୍ତି ନେଇଛନ୍ତି | ଏଥିରେ ପୁରୁଣା ୫୦୦ ଟଙ୍କିଆ ଓ ହଜାରେ ଟଙ୍କିଆ ନୋଟ୍ ବି ଅଛି ଯାହା ନୋଟବନ୍ଦୀ ସମୟରେ ବନ୍ଦ କରିଦିଆଯାଇଥିଲା | ନୋଟବନ୍ଦୀର ପ୍ରାୟ ୪ ବର୍ଷ ପରେ ଦେବସ୍ଥାନମ ଏହି ନିଷ୍ପତ୍ତି ନେଇଛି |

ସୋମବାର ଦିନ ତିରୁମାଲା ତିରୁପତି ଦେବସ୍ଥାନମର ଚେୟାରପର୍ସନ ୱାଇ.ବି ରେଡ୍ଡୀ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ସାକ୍ଷାତ କରିଛନ୍ତି | ରେଡ୍ଡୀ ଅର୍ଥମନ୍ତ୍ରୀଙ୍କୁ ପୁରୁଣା ନୋଟ୍ ମୁଦ୍ରିକରଣ କରିବାକୁ ଅପିଲ କରିଛନ୍ତି | ଏହି ମୁଦ୍ରା ଭକ୍ତମାନେ ଭଗବାନଙ୍କୁ ଅର୍ପଣ କରିଥିଲେ | ରେଡ୍ଡୀ କହିଛନ୍ତି ଯେ, ସେ କେନ୍ଦ୍ର ଅର୍ଥମନ୍ତ୍ରୀଙ୍କ ସମ୍ମୁଖରେ ରିପ୍ରେଜେଣ୍ଟେସନ ରଖିଛନ୍ତି ଏବଂ ଅପିଲ କରିଛନ୍ତି ଯେ କରୋନା ମହାମାରୀ ଯୋଗୁଁ ତିରୁମାଲା ତିରୁପତି ଦେବସ୍ଥାନମର ଆର୍ଥିକ ସ୍ଥିତିକୁ ଦୃଷ୍ଟିରେ ରଖି ସମସ୍ୟାର ସମାଧାନ ବାଟ ବାହାର କରନ୍ତୁ | ସେ କହିଛନ୍ତି ଯେ ମନ୍ଦିର ଦାନପାତ୍ରରେ ଟଙ୍କା ପକାଇବା ପବିତ୍ର ଏବଂ ଏହାଦ୍ୱାରା ତୀର୍ଥଯାତ୍ରୀଙ୍କ ମନରେ ଏକପ୍ରକାର ମହାନ ଭାବନା ଜାଗ୍ରତ ହୁଏ | ତିରୁମାଲା ତିରୁପତି ଦେବସ୍ଥାନମ ଭକ୍ତଙ୍କ ଦାନକୁ ଖାରଜ କରିପାରିବ ନାହିଁ |

ରେଡ୍ଡୀ କହିଛନ୍ତି, ୨୦୧୬ ନଭେମ୍ବର ୮ ତାରିଖରେ କେନ୍ଦ୍ର ସରକାର ନୋଟବନ୍ଦୀ ଘୋଷଣା କରିଥିଲେ | ଏହାପରେ ତିରୁମାଲା ତିରୁପତି ଦେବସ୍ଥାନମ ମଧ୍ୟ ୫୦୦ ଟଙ୍କିଆ ଓ ହଜାରେ ଟଙ୍କିଆ ନୋଟ୍ ନେବା ବନ୍ଦ କରିଦେଇଥିଲା ଏବଂ ଏହି ଦୁଇ ନୋଟର ଟ୍ରାଞ୍ଜାକ୍ସନ ମଧ୍ୟ ରୋକି ଦେଇଥିଲା | ତେବେ ତିରୁମାଲା ତିରୁପତି ଦେବସ୍ଥାନମ କହିଛି ଯେ ଭକ୍ତ ଦାନପାତ୍ରରେ ଏହିସବୁ ଟଙ୍କା କେବେ ପକାଇଥିଲେ ସେ ସମ୍ପର୍କରେ କୌଣସି ସୂଚନା ନାହିଁ | ଭାରତୀୟ ରିଜର୍ଭ ବ୍ୟାଙ୍କର ଗାଇଡଲାଇନ ପରେ ମଧ୍ୟ ଭକ୍ତ ଦାନପାତ୍ରରେ ୫୦୦ ଟଙ୍କିଆ ଓ ହଜାରେ ଟଙ୍କିଆ ନୋଟ୍ ପକାଇବା ବନ୍ଦ କରିନଥିଲେ | ତେବେ ଅର୍ଥମନ୍ତ୍ରୀ ତାଙ୍କୁ ଆଶ୍ୱାସନା ଦେଇଛନ୍ତି ଯେ ସେ କେନ୍ଦ୍ରୀୟ ବ୍ୟାଙ୍କ ସହ କଥାବାର୍ତ୍ତା କରିବେ ଏବଂ ଏହି ସମସ୍ୟାର ସମାଧାନ କରିବାକୁ ଚେଷ୍ଟା କରିଛନ୍ତି |

   Related Posts