Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ତିର୍ତ୍ତୋଲ ଉପ ନିର୍ବାଚନ ପାଇଁ ନେତାଏ କଷିଲେଣି ଅଙ୍କ: ବିଜେପିରୁ ବିଭୁ ତରାଇ ବଳାଇଲେଣି ମନ, ବିଜେଡିରେ ଏକାଧିକ ଦାବିଦାର, କଂଗ୍ରେସ କରୁଛି ହିସାବ

25/07/2020 at 8:44 PM

ତିର୍ତ୍ତୋଲ, ୨୫|୦୭:  ତିର୍ତ୍ତୋଲ ଆସନକୁ ନେଇ ଚାଲିଛି ତିନି ଦଳ ଭିତରେ ଅଙ୍କକଷା। ସମ୍ମାନ ଓ ପତିଆାର ଲଢ଼େଇ ହୋଇଥିବାରୁ  ବିଜେଡି, ବିଜେପି ଓ କଂଗ୍ରେସ  କାହାକୁ ପ୍ରାର୍ଥୀ କରିବେ ଅଭ୍ୟନ୍ତାରୀଣ ଆଲୋଚନା କରୁଥିବାବେଳେ ଆଶାୟୀ ପ୍ରାର୍ଥୀ କିନ୍ତୁ ଆରମ୍ଭ କରିଦେଲେଣି ଜୋରଦାର ଲବି। ବିଜେଡି ବିଷ୍ଣୁଙ୍କ ପୁଅ ଉପରେ ନଜର ରଖିଥିବାବେଳେ ଦଳର ସାଂସଦ କିନ୍ତୁ ନିଜ ସ୍ବାମୀଙ୍କ ପାଇଁ ଲବି କରୁଛନ୍ତି। ଏପଟେ ବିଜେପି ରୁ ସାଂସଦ ପ୍ରାର୍ଥୀ ହୋଇଥିବ ବିଭୁ ତରାଇ ବି ଇସାରା ଦେଲେଣି। ଏପଟେ କଂଗ୍ରେସ କାହାକୁ ଟିକେଟ ଦେବ ହିସାବ ନିକାଷ କରୁଛି ।

ସମ୍ମାନ ବନାମ ପତିଆରା । ତିର୍ତ୍ତୋଲ ଉପନିର୍ବାଚନ ଲାଗି ଏମିତି ଅଙ୍କ କଷୁଛନ୍ତି ଶାସକ ଓ ବିରୋଧୀ । ବିଧାୟକ ବିଷ୍ଣୁ ଦାସଙ୍କ ଦେହାନ୍ତ ପରେ ଖାଲି ପଡିଥିବା ସିଟକୁ ପୁଣି ନିଜ ଦଖଲକୁ ଆଣିବା  ବିଜେଡି ଲାଗି ସମ୍ମାନର ପ୍ରଶ୍ନ ହୋଇଛି । ଏଥିପାଇଁ ବିଷ୍ଣୁ ଦାସଙ୍କ ପରିବାର ସଦସ୍ୟ ନା ବାହାରର କାହାକୁ ପ୍ରାର୍ଥୀ କଲେ ଦଳ ଜିତାପଟ ନେବ ସେ ନେଇ ଅଙ୍କ କଷୁଛି ଶାସକ ଦଳ । ତେବେ ଜଗତସିଂହପୁର ସାଂସଦ ରାଜଶ୍ରୀ ମଲ୍ଲିକ ନିଜ ସ୍ବାମୀଙ୍କ ପାଇଁ ଜୋରଦାର ଲବି ଆରମ୍ଭ କରିଦେଇଛନ୍ତି । ବିଷ୍ଣୁଙ୍କ ପୁଅ ବିଜୟ ଟିକେଟ୍ ଲବିର ଆଗରେ ଅଛନ୍ତି । ସେହିପରି ବିଜେଡି ନେତ୍ରୀ ମୀନତି ବେହରା ବି ପ୍ରାର୍ଥୀ ଦୌଡରେ ଅଛନ୍ତି । ତେବେ ଦଳ କାହାକୁ ପ୍ରାର୍ଥୀ କରିବ ସେ କାର୍ଡ ନିଜେ ନବୀନ ଖୋଲିବେ ।

ବିଜେଡି ହାତରୁ ତିର୍ତ୍ତୋଲ ଆସନ ଛଡାଇ ନେବାକୁ ରଣନୀତିରେ ଲାଗି ପଡିଛନ୍ତି ବିରୋଧୀ ବିଜେପି ଏବଂ କଂଗ୍ରେସ । ପୂର୍ବତନ ସଂସଦ ବିଭୁ ତରାଇଙ୍କୁ ବିଜେପି ପ୍ରାର୍ଥୀ କରିବା ଯୋଜନାରେ ରହିଛି । ବିଭୁ ତରାଇଙ୍କର ଜଗତସିଂହପୁର ଜିଲ୍ଲାରେ ସଂଗଠନର ଥିବାରୁ ତାହାକୁ ଆଧାର କରି ସେ ନିର୍ବାଚନ ମୈଦାନକୁ ଓହ୍ଲାଇବାକୁ ପ୍ରସ୍ତୁତ ବି ହେଲେଣି । ଗତ ନିର୍ବାଚନରେ ଏଠାରେ ଦ୍ବିତୀୟ ସ୍ଥାନରେ ଥିବାରୁ ଶାସକ ବିଜେଡିକୁ କଡା ଫାଇଟ୍ ଦେବାକୁ ରଣନୀତି ପ୍ରସ୍ତୁତ କରୁଛି ବିଜେପି । ସେପଟେ କଂଗ୍ରେସ ମଧ୍ୟ ଏହି ସିଟ୍ କୁ ସହଜରେ ଛାଡିବା ମୁଡରେ ନାହିଁ । ବିଶ୍ବାଳ ପରିବାରର ଜଗତସିଂହପୁର ରାଜନୀତିରେ ପ୍ରଭାବ ରହିଥିବାରୁ ଦୁଇ ଭାଇ ରଂଜୀବ ଏବଂ ଚିରଞ୍ଜିବ ବିଶ୍ବାଳ ଏହି ସିଟ୍ ରେ ନିଜ ସମର୍ଥକଙ୍କୁ ଲଢାଇବାକୁ ଗୋଟି ଚାଳନା କରୁଛନ୍ତି । ଏଥିପାଇଁ କଂଗ୍ରେସ ଆଗୁଆ ପାଗ ଭିଡିଲାଣି । ଉପ ନିର୍ବାଚନ ପାଇଁ କମିଟି ଗଠନ କରି ସୁର ରାଉତରାୟଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦିଆଯାଇଛି । ଏମିତିକି ପ୍ରାର୍ଥୀ ହେବା ପାଇଁ ଏଯାଏ ୩ ଜଣ ଆବେଦନ କରିସାରିଲେଣି । 

   Related Posts