Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ଚାରିଧାମ ଯାତ୍ରାକୁ ନେଇ ହାଇକୋର୍ଟଙ୍କ ନିଷ୍ପତ୍ତିକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କଲେ ତିରଥ ସିଂ ସରକାର

30/06/2021 at 9:18 PM

ଡେରାଡୁନ ୩୦/୦୬ : ଉତ୍ତରାଖଣ୍ଡ ଚାର୍ ଧାମ ଯାତ୍ରା ମାମଲାରେ ହାଇକୋର୍ଟଙ୍କ ନିଷ୍ପତ୍ତି ବିରୋଧରେ ତିରଥ ସିଂ ସରକାର ସୁପ୍ରିମକୋର୍ଟରେ ଆବେଦନ କରିଛନ୍ତି। ତିରଥ ସିଂ ରାୱତଙ୍କ ସରକାର ସୁପ୍ରିମକୋର୍ଟରେ ଏହି ମାମଲାରେ ହାଇକୋର୍ଟଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରିଛନ୍ତି। ଉତ୍ତରାଖଣ୍ଡ ହାଇକୋର୍ଟ ନିଜ ନିଷ୍ପତ୍ତିରେ ଚାର ଧାମ ଯାତ୍ରା ଉପରେ ଜୁଲାଇ ୭ ଯାଏଁ ପ୍ରତିବନ୍ଧକ ଲଗାଇଥିଲେ। ଚାର୍ ଧାମର ଲାଇଭ୍ ଷ୍ଟ୍ରିମିଂ କରିବାକୁ ମଧ୍ୟ କୋର୍ଟ କହିଥିଲେ ଯେପରି ଶ୍ରଦ୍ଧାଳୁ ଘରେ ବସି ଦର୍ଶନ କରିପାରିବେ।

ସୋମବାର ଦିନ ଉତ୍ତରାଖଣ୍ଡ ହାଇକୋର୍ଟ ସ୍ଥାନୀୟ ବାସନ୍ଦଙ୍କ ପାଇଁ ଚାର ଧାମ ଯାତ୍ରା ଆରମ୍ଭ କରିବା ରାଜ୍ୟ କ୍ୟାବିନେଟର ନିଷ୍ପତ୍ତି ଉପରେ ପ୍ରତିବନ୍ଧକ ଲଗାଇଥିଲେ। କୋଭିଡ ମଧ୍ୟରେ ଚାର ଧାମ ଯାତ୍ରା ସମୟରେ ପର୍ଯ୍ୟଟକ ତଥା ତୀର୍ଥଯାତ୍ରୀଙ୍କ ପାଇଁ ରାଜ୍ୟ ସରକାର କରିଥିବା ବ୍ୟବସ୍ଥାକୁ ନେଇ ଅସନ୍ତୋଷ ବ୍ୟକ୍ତ କରି ପ୍ରଧାନ ବିଚାରପତି ଆର.ଏସ୍ ଚୌହାନ ଏବଂ ଜଷ୍ଟିସ ଆଲୋକ କୁମାର ଭର୍ମାଙ୍କ ଖଣ୍ଡପୀଠ ରାଜ୍ୟ ମନ୍ତ୍ରୀମଣ୍ଡଳର ନିଷ୍ପତ୍ତି ଉପରେ ପ୍ରତିବନ୍ଧକ ଲଗାଇଥିଲେ। ରାଜ୍ୟ ମନ୍ତ୍ରୀମଣ୍ଡଳ ନିଷ୍ପତ୍ତି ଅନୁଯାୟୀ ଚମୋଲି, ରୁଦ୍ରପ୍ରୟାଗ ଏବଂ ଉତ୍ତରକାଶୀ ଜିଲ୍ଲାର ବାସିନ୍ଦା ଜୁଲାଇ ୧ରୁ ହିମାଳୟର ଧାମ ଦର୍ଶନ କରିପାରିବେ।

ଜୁନ୍ ୨୫ ରେ ମୁଖ୍ୟମନ୍ତ୍ରୀ ତିରଥ ସିଂ ରାୱତଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟ କ୍ୟାବିନେଟର ବୈଠକରେ ଜୁଲାଇ ୧ ରୁ ଚମୋଲି, ରୁଦ୍ରପ୍ରୟାଗ ଏବଂ ଉତ୍ତରକାଶୀ ଜିଲ୍ଲାର ବାସିନ୍ଦାଙ୍କୁ ମନ୍ଦିର ପରିଦର୍ଶନ କରିବାକୁ ଅନୁମତି ଦେବାକୁ ନିଷ୍ପତ୍ତି ନିଆଯାଇଥିଲା। ଚାମୋଲି ଜିଲ୍ଲାର ବାସିନ୍ଦାଙ୍କୁ ବଦ୍ରିନାଥ, ରୁଦ୍ରପ୍ରୟାଗ ଜିଲ୍ଲାର ବାସିନ୍ଦାଙ୍କୁ କେଦାରନାଥ ଏବଂ ଉତ୍ତରକାଶୀ ଜିଲ୍ଲାର ବାସିନ୍ଦାଙ୍କୁ ଗଙ୍ଗୋତ୍ରୀ ଏବଂ ଯମୁନେତ୍ରୀ ମନ୍ଦିର ଦର୍ଶନ କରିବାକୁ ଅନୁମତି ଦିଆଯାଇଥିଲା।

ମହାମାରୀ ମଧ୍ୟରେ ଯାତ୍ରା ସମ୍ବନ୍ଧୀୟ ବିପଦ ସହ ଜଡିତ ଏକ ପିଟିସନର ଶୁଣାଣି ସମୟରେ ହାଇକୋର୍ଟ ପ୍ରତିବନ୍ଧକ ଲଗାଇଥିଲେ। ଯାତ୍ରା ପାଇଁ ରାଜ୍ୟ ସରକାରଙ୍କ ଦ୍ୱାରା ଜାରି କରାଯାଇଥିବା ଷ୍ଟାଣ୍ଡାର୍ଡ ଅପରେଟିଂ ପଦ୍ଧତି (SOP) କୁ ଖାରଜ କରି ହାଇକୋର୍ଟ କହିଥିଲେ ଯେ ଏହା କୁମ୍ଭ ମେଳା ସମୟରେ ଜାରି କରାଯାଇଥିବା SOP ର ନକଲ।

ତେବେ ତୀର୍ଥସ୍ଥାନଗୁଡିକ ସହ ଥିବା ଭାବନାକୁ ଦୃଷ୍ଟିରେ ରଖି ହାଇକୋର୍ଟ ଉଚ୍ଚ ସରକାରଙ୍କୁ ଦେଶର ମନ୍ଦିରଗୁଡିକରେ ଚାଲିଥିବା ରୀତିନୀତି ଏବଂ ସମାରୋହର ଲାଇଭ୍ ଟେଲିକାଷ୍ଟ ବ୍ୟବସ୍ଥା କରିବାକୁ କହିଥିଲେ। ଧାର୍ମିକ କାରଣରୁ ଏହି ରୀତିନୀତିର ଟେଲିକଷ୍ଟ ଠିକ୍ ହେବ ନାହିଁ ବୋଲି ରାଜ୍ୟ ସରକାର ଆପତ୍ତି କରିଥିଲେ।

   Related Posts