କରଞ୍ଜିଆ ୧୭।୦୧ : ଅଭାବନୀୟ ଘଟଣା । ଭାଇର ତୀରମାଡ଼ରେ ଭାଇ ଗୁରୁତର । ମୟୁରଭଞ୍ଜ ଜିଲ୍ଲା କରଞ୍ଜିଆ ଥାନା କେନ୍ଦୁମୁଅଣ୍ଡି ଗାଁରେ ଘଟିଛି ଘଟଣା । ପାରିବାରିକ ଝଗଡ଼଼ାକୁ ନେଇ ତୀରମାଡ଼ ହୋଇଥିବା ସୂଚନା । ଘଟଣାସ୍ଥଳରେ ପୋଲିସ ପହଞ୍ଚି ଛାନ୍ଭିନ୍ ଜାରି ରଖିଛି ।
ଖବର ଅନୁଯାୟୀ, ଶନିବାର ବିଳମ୍ବିତ ରାତିରେ ଭାଇ-ଭାଇ ମଧ୍ୟରେ କୌଣସି କାରଣକୁ ନେଇ ଝଗଡ଼ା ଲାଗିଥିଲା । ମଝିଆ ଭାଇ ତିବରୁ ପିଙ୍ଗୁଆ ଝଗଡ଼ାରେ ରାଗିଯାଇ ସଙ୍ଗେ ସଙ୍ଗେ ଘରୁ ଧନୁ ତୀର ଆଣି ବଡ଼ ଭାଇକୁ ମାରି ଥିଲା । ତୀରମାଡ଼ରେ ବୁଧୁରାମ ପିଙ୍ଗୁଆ ଗୁରୁତର ହୋଇଥିଲା । ଗ୍ରାମବାସୀଙ୍କ ସହାୟତାରେ ବୁଧୁରାମ ପିଙ୍ଗୁଆଙ୍କୁ 108 ଆମ୍ବୁଲାନ୍ସ ଯୋଗେ କରଞ୍ଜିଆ ହସ୍ପିଟାଲକୁ ଆଣି ପ୍ରାଥମିକ ଚିକିତ୍ସା କରାଯାଇଥିଲା । ତାଙ୍କ ଅବସ୍ଥା ଗୁରୁତର ହେବାରୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି । ସେପଟେ ଖବର ପାଇ କରଞ୍ଜିଆ ଥାନା ଅଧିକାରିଣୀ ସରୋଜିନୀ ସିଂ ହସ୍ପିଟାଲରେ ପହଂଚି ଘଟଣା ବିଷୟରେ ଜାଣିବା ପରେ ତୀର ମାଡ଼ କରିଥିବା ମଝିଆଁ ଭାଇ ତିବରୁ ପିଙ୍ଗୁଆ କୁ ଥାନା ରେ ଅଟକ ରଖି ଅଧିକ ତଦନ୍ତ ଜାରି ରଖିଛି।